Taduan hu rilo bruk dong brei di kapul nyaom 

Mesup ini (20/8), Thủ tướng Rajaei patabiak sarak ka bruk buh tabiak oh mek jien labaih 130 rabau tấn brah meng gilang khik piah di taneh ia brei ka 24 tỉnh, ban piah daong ka bhhap bini gaok kan kandah meng jit ruak Covid-19. Bruk brei brah ini piah daong ka 8 triệu 600 rabau menuac, yaok urang taduan hu 15 kg brah dalam 1 bilan. Mintri Lao động Thương binh Xã hội brei thau, hadei di vaktu ini, meyah dom tỉnh daok kan kandah ye payua harak veik ka Mintri piah pasang iek, pathau khan Rajaei.

1 triệu 710 rabau anek saih TP.HCM oh peih bruk ngak adat tame thun bac bahrau, saong meda bac online mbiah tal abih học kỳ I kayua jit ruak dui atah. Di mbang họp báo ka thun bac bahrau di biar harei 19/8, Sở Pato Megru ban raya brei thau lac hu ieu dom sang bac phổ thông padang danak dak thun bac tui jalan pato angaok Internet tal abih kỳ I. Dalam tuk hu jaik 160.000 urang njaom Covid-19, gah pato megru ban raya hu ba tabiak jalan peih tal bac, pakhang pakajap ilamu saong pato danak dak bahrau meng jalan online hadei di harei 15/9 – tukvak abih bruk pa-atah di gauk. Thun bac 2021-2022 meda dui atah tal puac bilan 6, daok tal bac 12 hu dui atah tal tuk pakacah tamat THPT piah khik kajap danak dak.

UBND tỉnh Ninh Thuận bahrau tabiak sarak ka tukvak thun bac 2021-2022. Tui nan, dom pakat bac peih thun bac bahrau di harei 1/9, tame bac di harei 5/9 saong tamat thun bac dahlau di harei 31/5/2022. Dom sang bac daok hu mek ngak labik brei daok karei hu bayar veik ka gah pato megru dahlau harei 25/8. Daok Sang bac Phổ thông Bangsa gam bac gam daok Ninh Sơn haong Phổ thông Bangsa gam bac gam daok - Trung học cơ sở Ninh Phước hu bayar veik di akaok bilan 9. Gah pato megru tỉnh Ninh Thuận daok padang jalan ngak payua dom gah chức năng piah pacang caga jit ruak Covid-19.   

Pasak pasang iek ruak kik (CDC) tỉnh Đồng Nai brei thau, kuhria tal mesup 20/8, dalam tỉnh hu 16.306 urang njom Covid-19. Harei kabroi, gah chức năng hu test samar ka 163.901 urang, mboh hu 339 urang njom Covid-19, rilo meng lac di ban Biên Hoà haong dom huyện Nhơn Trạch, Vĩnh Cửu.  Đồng Nai hu klauk vaccine brei ka labaih 403.000 urang, dalam nan hu jaik 42.900 urang hu klauk ginup. Gah y tế tỉnh daok hu panuac ieu daong menuac ngak gah y tế meng dom labik dalam saong langiu tỉnh piah jhul samar bruk dut iek praong.

Tui Vụ Darak pasar dalam taneh ia - Mintri Công Thương, meng akaok bilan 8 tal ini, yaom pabui diuk daok trun. Tui yaom meng 51.000 – 55.000 đồng sa kg, trun 2.000 - 3.000 đồng sa kg duk haong puac bilan 7, ini lac yaom pabui diuk biar di abih kuhria meng kreh thun 2019. Dom adat piah pasang iek bruk njaom mbak jit Covid-19 di ban raya HCM ngak ka bruk pablei pabui di dom trại raong pabui di Đồng Nai gaok kan kandah, dalam tuk yaom pandap mbang raong pabui tagok glaong. Jit ruak jeng ngak kan kandah tal bruk blei pandap tamo piah ngak pandap mbang ka pabui, ngak brei suai veik bruk kham merat patagok tapon pabui. Yaom lac pabui diuk trun yaom khang, min yaom ralow pabui di dom siêu thị, dom darak meng kan jeng daok glaong kayua jien pajeng ba tagok glaong.

Harei ini, gah y tế Thái Lan brei thau lac hu 19.851 urang njaom ruak bahrau saong 240 urang metai kayua Covid-19 dalam 24 tuk tapa, tui nan, dom menuac njauk Covid-19 di Thai Lan lac labaih 1 triệu. Dom urang ruak Covid-19 thit abih ruak biak rilo, glaong jang dom urang njaom bahrau dalam harei. Dalam 24 tuk tapa, Thái Lan hu 20.478 urang ruak Covid-19 siam veik saong hu nao sang. Gam haong bruk blei meng negar lingiu saong taduan mek ilamu ngak vaccine pacang Covid-19, Thái Lan daok patagok 4 janih vaccine dalam taneh ia.

Mintri Y tế Australia brei thau, adit tal, gah chức năng di taneh ia ini meda brei adat pandar vaccine Pfizer ka uranaih umo meng 12 tal 15 thun. Bruk klauk vaccine ka uraniah daok jeng bruk sangka praong di Australia. Di bang New South Wales, labik jit Covid-19 rah tabiak khang abih di taneh ia ini, dalam 1 adit tapa, dom uranaih ala 19 thun njauk Covid-19 rilo jang 2 mbang urang ruak praong thun. Di bang Victoria, labaih 46% dom urang  njauk Covid-19 lac uraniah umo ala 19 thun.

Bang California di Mỹ daok dang anak bruk khuah glai bahrau, dalam tuk dom mbang khuah dahlau di nan jeng oh ka padam hu abih. Mbang khuah bahrau daok mbang tapa 540ha. Hu 2 urang njauk tame sang iek ruak; labaih 11.000 urang karei njauk panduan nao labik karei. Tukvak jaik ini, pui khuah glai khang di bhum gah pai thu lagu di taneh ia Mỹ, makna mboh lac kayua biến đổi khí hậu ngak brei salih karei langik tasik saong pandiak bhang dui atah./.

Urang lang: Mousaphuong -20/8