Nyaom biai Kapul ngak bruk xã hội ASEAN peih tabiak ngan saong kadha “Menuac ngak bruk xã hội lac pasak di bruk pasiam veik hadei di Covid-19”

Hadei di tuk tamat dalam siam mekre mbang tapa ravang Cộng hòa Cuba tui panuac da-a di Bí thư thứ nhất Ban Chấp hành Trung ương Đảng Cộng sản Cuba - akaok negar Cộng hòa Cuba Miguel Díaz-Canel, melam 20/9/2021 (tui mon Cuba), Akaok negar Nguyễn Xuân Phúc haong kapul urang pakat glaong Đảng haong karja Việt Nam nao New York, hu mbaok tame mbang ginum biai pakat glaong Đại hội đồng Liên hợp quốc mbang 76 saong hu dom bruk ngak dua gah di Hoa Kỳ.

Mesup ini (21/9), Nyaom biai Kapul ngak bruk xã hội ASEAN mbang ka 10 saong bruk pahadar 10 thun padang Kapul hu peih tabiak tapak pambuak haong online. Ini lac bruk ngak kayua Mintri LĐTBXH, lac Chủ tịch Kapul ngak bruk xã hội ASEAN vaktu 2020-2021 peih tabiak ngan saong kadha “Menuac ngak bruk xã hội lac pasak di bruk pasiam veik hadei di Covid-19”.

Biar harei 20/9, Thứ trưởng Mintri Y tế Nguyễn Trường Sơn, Akaok kapul lambaok di Mintri Y tế daong bruk pacang caga jit COVID-19 di ban raya  Hồ Chí Minh haong Kapul ngak bruk hu mai ravang, pachreih ba, alin hadiah pandap brei ka dom adei sit hu gauk gar palang lahik kayua COVID-19 di dalam Quận 8, Pasak H.O.P.E – labik daok iek glang jaik 50 anek kamar hu amaik njauk ruak COVID-19 saong daok taong ruak di sang iek ruak Hùng Vương. Jeng dalam harei nan, amuk Tô Thị Bích Châu, Chủ tịch UBMT negar VN ban raya hCM hu mai ravang, alin hadaih pandap trung thu brei ka dom y bác sỹ, điều dưỡng di sang iek ruak Từ Dũ piah pachreih ba dom y bác sỹ labik pacang jit.

Sở Thông tin - Truyền thông TP.HCM bahrau brei tabiak mbaok phiên bản sap Anh di Cổng thông tin COVID-19 ban raya piah daong ka rahra, urang Việt daok di negar lingiu saong urang negar lingiu hu mbuan lagaih jang dalam bruk duah thau ka jit ruak di ban raya. Yau phiên bản sap Việt, phiên bản sap Anh di Cổng thông tin COVID-19 TP.HCM hu khan brei thau dom bruk lac: bruk rah tabiak di jit COVID-19, bản đồ COVID-19 TP, dom khau tin bahrau abih ka bruk pacang caga jit di ban raya saong brei thau ka dom jalan talei phone pandiak, jalan phone piah ieu tuk rahra hu bruk caong khin. Dom bruk ini hu khan brei thau bahrau yaok harei saong hu tacei tabiak angaok bản đồ ban raya, cambaih laih tal yaok quận, huyện, ban Thủ Đức.

Tỉnh Đồng Nai hu mboh dom urang dương tính haong virus SARS-CoV-2 hadei di tuk mai veik meng dom sang iek ruak. Ini lac panuac khan di Pasak pasang iek ruak kik (CDC) tỉnh Đồng Nai mesup ini. Anak bruk yau nan, gah y tế tỉnh Đồng Nai brei tui iek di palei dom urang nao iek ruak di dom sang iek ruak mai sang. Patagok pasang iek bruk njom mbak nao mai di dom labik brei daok karei rilo menuac, sang iek ruak.

Dom bác sĩ di Thái Lan daok caga klauk vaccine pacang COVID-19 patagok ala klaik, salih ka bruk klauk di bra piah patagok bruk pacang ruak saong dui atah bruk pabak vaccine. Dalam dom mbang ngak iek dahlau, dom chuyên gia y tế Thái Lan brei thau lac klauk ala klik tok pandar 25% vaccine duk haong klauk di bra, min nyu pacang ruak hu dreih gauk. Mbiah tal urak ini, bahrau hu 21% dalam abih tih 72 triệu menuac di taneh ia ini hu klauk ginup vaccine caga COVID-19.

Yaom lac bruk y tế tagok glaong dalam sa abap tapa, min dom urang Mỹ metai kayua jit praong COVID-19 urak ini rilo jang dom menuac metai di taneh ia ini dalam mbang jit cúm dunya thun 1918.  Dom menuac metai kayua COVID-19 di Mỹ urak ini hu tal 14% dom menuac metai di dunya dalam jit praong ini, yaom lac menauc sia Mỹ tok hu 5% menuac sia dunya. Urak ini hu jaik 24% dom urang Mỹ praong, samu 60 triệu menuac, jeng oh ka klauk vaccine mbang camereip pacang COVID-19.

Gah padam pui di Hy Lạp brei thau, sa mbang khuah glai di bhum gah Đông Bắc ban ine Athens di taneh ia ini harei 20/9, ngak ka menuac sia labik ini njauk panduan nao labik karei. Ini lac mbang khuah glai bahrau abih di Hy Lạp hadei di tuk taneh ia ini hu rilo mbang khuah glai ngak brei metai menuac dalam bilan dahlau. Dom mbang khuah glai dalam tuk bruk khuah glai khang dok rah tabiak di dom taneh ia Nam Âu. Tui dom urang ilamu, langik kan kandah saong dom mbang khuah glai praong dak harei dak hu rilo jang kayua baoh taneh daok pandiak tagok meng dom bruk ngak di anek menuac./. 

Urang lang: M. Phuong – 21/09