TAND pakat glong di ban raya HCM brei padeih mbang langyah puac abih bruk ngak suan jalan nduac samar TPHCM - Trung Lương

Pal akaok mbang nyaom ka 4 Hội đồng palih ruah pakat negar di mesup ni, Akaok QH Nguyễn Thị Kim Ngân, Akaok Hội đồng palih ruah pakat negar ndom lac, bruk caga peih bầu cử dalam negar dok hu peih ngak njauk hukum, njauk tukvak ba tabiak, oh ka mboh bruk hagait gaok tal bruk palih ruah. Tui kuhria mboh tal tuk vak ni, Hội đồng palih ruah pakat negar taduan hu 1.136 harak urang tabiak piah pilih ruah ka QH mbang 15 song 7.495 harak di urang tabiak piah pilih ruah ka HĐND pakat tỉnh. Ủy ban Mặt trận negar dom pakat hu ngak salah bruk ginum biai mbang ka 2, padang angan tuk camereip dom urang tabiak piah pilih ruah.

Mesup ini (22/3), ban Hà Nội brei thau daom đồ án quy hoạch parabha labik đô thị dalam 4 quận daok gah dalam Hà Nội sajarah lac Hoàn Kiếm, Ba Đình, Hai Bà Trưng haong Đống Đa. Hà Nội khang hatai oh brei padang sang glaong tal di dom labik gah dalam ban saong meng ini tal thun 2030 meda patrun patakik menuac sia daok 672.000 urang (urak ini lac jaik 900.000 menuac). Labik phố cổ, phố klak di Hà Nội lac dom labik padang ngak biar, takik tal glaong, Hà Nội brei patrun patakik bruk padang ngak sang danaok piah pabak dom siam lagaih yau phun hijao, labik pataok radaih.

Mesup ni, TAND pakat glong di ban raya HCM brei padeih mbang langyah puac abih bruk ngak suan jalan nduac samar TPHCM - Trung Lương. Mbang langyah hu peih tabiak kayua hu kháng cáo di Đinh Ngọc Hệ (urang dahlau deih ngak Phó Tổng Giám đốc Tổng công ty Thái Sơn mintri quốc phòng) song 3 đồng phạm. Tui bản án sơ thẩm, ong Đinh La Thăng dong palagaih piah ka Cty Yên Khánh di Hệ njauk to yaom quyền thu phí jalan roya TPHCM - Trung Lương, meblah labaih 725 tỷ đồng di karja. Dalam bruk nan, ong Đinh La Thăng njauk 10 thun guk, ong Nguyễn Hồng Trường njauk 4 thun 6 bilan guk song Đinh Ngọc Hệ njauk guk tal abih rai.

Harei 22/3, Sở Y tế tỉnh Quảng Ngãi hu patahu khan ka bruk iek ruak, taong ruak di ong Võ Hoàng Yên di Quảng Ngãi. Tui nan, bruk iek ruak, taong ruak di ong Võ Hoàng Yên oh njauk haong bruk tut angan, iek ruak oh hu siam hagait. Sở Y tế tapa nan caik hatai tui iek bruk iek ruak, taong ruak ngak pahala di dalam tỉnh.

Harei ni, Jabat An ninh, Công an TPHCM hu khởi tố vụ án “Peih bruk brei urang karei dok veik Việt Nam suan hukum”, khởi tố urang, chap khik 3 urang. Công an ban raya brei thau Trần Anh Tài pambuak song Đổng Duy Trị song Trịnh Minh Hoàng piah ba 35 urang Trung Quốc mai khách sạn bloh ba nao An Giang, tapa Campuchia piah mek jien. Hadei di tuk thau hu bruk nan, gah chức năng hu ba dom urang hu pagam tal brei dok karei tui hukum.

Jaik 100 bác sĩ, y tá, sinh viên y khoa haong dược sĩ cuk gah lingiu blah ao choàng mbong patih dak jeng talei angaok 1 jalan praong di ban Mandalay (Myanmar) harei 21/3, khang sap preo dom panuac cagar veik bruk pajaleih karja harei 1-2. Di dom labik karei, rilo ong bhik jeng hu mbaok dalam dom urang trun jalan. Di ban Dawei, Đông Nam Myanmar, sinh viên, gru pato haong kỹ sư peih bruk nao takai angaok jalan. Kapul daong urang guk chính trị (AAPP) kuhria mboh lac hu 247 urang metai dalam negar kuhria meng harei pajaleih karja di Myanmar. 

Mintri ilamu - Nghệ thuật Campuchia brei thau rạp chiếu phim, nhà hát, muinyim... dalam negar brei padeih ngak. Ni lac sa binah di bruk pacang cakak jit Covid-19 dok rah tabiak hadei di "Sa bruk pataom rilo menuac di harei 20-2", tuk dom urang Trung Quốc nyaih ka bruk brei dok karei, hadei di nan mboh lac njom ruak Covid-19. Campuchia urak ni hu 1.680 urang njom Covid-19, dalam nan hu 2 urang metai. Philippines jeng hu panuac khan peih prong dom jalan pacang caga catang. Negar ni hu abih tih urang njom lac 663.794, song urang metai lac 12.968 urang.

Harei 21-3, yaok rabau menuac daok di gah lingiu ban Sydney, Australia njauk panduan nao labik karei tuk labik takai tasik gah timur taneh ia ini njauk mbang hajan praong saong ia sua khang. Tui jabat kuhria mboh dahlau bruk langik tasik di Australia, langik oh siam meda dui atah tal harei 25-3. Dom jabat langyah bruk samar drah di Australia jeng taduan hu labaih 1.000 mbang ieu daong saong hu daong ka labaih 100 bruk dalam melam 20-3 haong mesup harei 21-3. Tui kuhria hu yaok ratuh baoh sang khut. Dom jalan praong oh brei nao mai, rilo sang bac brei anek saih padeih bac di harei ini (22/3)./.

Urang lang: M. Phương – Hani Pha – 22/03 16:03:43