TPHCM hu panuac likau padang 5 bilai cấp cứu vệ tinh dã chiến 115 duh ka bruk cấp cứu urang ruak

Mesup ini 7-8, Mintri  Y tế brei thau, dalam jaik 12 mon tapa, Gah khik iek menuac ruak Covid-19 dalam taneh ia mboh hu 3.794 urang ruak bahrau dalam taneh ia, dalam nan hu 933 urang ruak dalam bhap bini. Anak bruk jit daok khang saong srau kadau, TPHCM hu panuac likau padang 5 bilai cấp cứu vệ tinh dã chiến 115 duh ka bruk cấp cứu urang ruak. Dom bilai cấp cứu ini ngak bruk meng labik nyim mek, salih bruk ngak dom radaih pajeng tuai di dom gah pajeng ba dalam ban. Gam haong nan, ieu dom sang iek ruak dalam saong langiu karja; dom sang iek ruak taong ruak Covid-19 haong Pasak Y tế dom quận, huyện caga taduan urang ruak mai iek ruak, cấp cứu, oh caik rah tabiak bruk suai damuai atau oh taduan urang ruak tame taong ruak.

Piah khik kajap prein yava, plaih di metai lahik saong pabak siam abih bruk taong ruak ka dom urang ruak di dom labik taong ruak COVID-19 dalam tuk bruk njauk ngak samar drah yau urak ini, Phó akaok UB bhap bini ban raya Hồ Chí Minh Lê Hòa Bình bahrau hu panuac njauk hatai ka bruk padang ngak danak dak khí oxy y tế brei ka dom labik taong ruak ka urang ruak COVID-19 tui jalan padang ngak samar drah.

Anak bruk hu rilo kumei metian njauk ruak COVID-19, Sở Y tế ban raya Hồ Chí Minh hu brei padang rilo labik iek ruak caik karei ka dom urang ini. Sang iek ruak Hùng Vương haong sang iek ruak Từ Dũ lac 2 labik sản phụ khoa praong abih di ban raya hu brei bruk padang dom labik iek ruak ka dom kumei metian njauk ruak COVID-19. Tui tacei pato di Sở Y tế, 2 labik ini hu salih bruk ngak tui jalan "neh dua sang iek ruak", padang 1 labik caik karei ka dom kumei metian njauk ruak COVID-19 dalam khuôn viên sang iek ruak. Lingiu di bruk taduan dom kumei metain njauk ruak COVID-19, bác sĩ sang iek ruak Từ Dũ haong Sang iek ruak Hùng Vương daok hu pataom gauk ginum biai taong yaom ka ruak saong nao tal dom sang iek ruak karei piah pambuak gauk blac raih ka dom kumei metian njauk ruak COVID-19.

Kayua dom urang njauk ruak Covid-19 hu rilo veik, tỉnh Tây Ninh brei padang sang iek ruak dã chiến ka 6 hu 500 papan ndih iek ruak. Sang iek ruak Dã chiến ka 6 hu caik di Cty Cổ phần Đầu tư Sài Gòn VRG daok dalam labik ngak kong Phước Đông, huyện Gò Dầu; lac labik ka 2 di Pasak Y tế huyện Gò Dầu – daok dalam Sở Y tế, hu 500 papan ndih iek ruak.

Tui mBan Bangsa tỉnh Sóc Trăng, thun 2020, phun jien Danak dak bruk ngak negar patrun kan kathaot khang kajap vaktu 2016 - 2020 buh jien tame ka Sóc Trăng jaik 74 tỉ đồng piah padang ngak 73 danak dak jalan mbak palei pala, 2 sang  sinh hoạt ka rahra di palei, xã biak kan kandah, daong cakrok patagok bruk ngak mbang, pala drak, parilo jalan ngak mbang duah jien, pambak praong bruk patrun kathaot ka 1.383 sang, peih bruk pato pakai, pasram megru, paglaong ilamu ngak bruk ka urang jakar puk palei, urang hu angan je, ngan saong 2.090 mbang urang hu mbaok tame. Gam haong nan, tỉnh hu daong ia pandar brei ka 2.808 sang, haong yaom jien 4 tỉ 200 triệu đồng… Meng hu dom sarak an sinh xã hội, sarak bangsa hu peih ngak samu gauk, samar drah, hu daong ka yaok rabau sang urang Khmer tabiak truh kan kathaot. Urak ini, dom sang kan kathaot dalam urang bangsa takik di Sóc Trăng trun daok 3,76%.

Sa roh duah di Pasak Pasang iek saong pacang caga Mỹ brei mboh, dom menuac oh hu klauk vắc-xin caga COVID-19 mbuan njaom ruak veik glaong jang 2 mbang duk haong dom urang hu klauk ginup.Tui jabat ini, tapa nan sa mbang tra pakhang panuac kakei lac, taong abih dom menuac ginup prein yava njauk nao klauk vắc-xin yaom lac dahlau daih meda njaom vi-rút Sars CoV-2.

Bill de Blasio lac urang pan akaok ban New York, Mỹ, brei thau lac, rahra brei hu klauk takik di abih 1 mbang vắc xin pacang Covid-19, meng hu nao tame nhà hàng, nao pasram rup pabhap atau tal rạp chiếu phim. Adat ini hu ba tabiak ngak tui meng harei 13/9. Urak ini, dom taneh ia yau Prang, Italia hu panuac ieu tabiak Thẻ prein yava dom urang hu mbaok tame dom bruk hu rilo menuac, New York lac ban camereip abih di Mỹ ba tabiak ngak bruk ini.

Hy Lạp jeng daok having akaok pacang padam pui khuah dalam tuk langik pandiak daok rah tabiak. Gah padam pui daok glaih glar pacang khuah glai pambak praong, dalam tuk dom urang halan hatian haong bol bhap rahra daok kham merat khik caga baoh sang di drei saong daong ka dom drei athur daok gar. Langik pandiak labaih 40 độ C dui atah dalam 1 adit tapa saong oh ka mboh hagait brei thau lac pandiak trun dalam dom harei puac adit ini, gam haong ngin khang, ngak ka dom glai khuah mbuan pambak praong jang./.

Urang lang: M. Phương – 07/08 12:28:58