Ban Đà Nẵng padeih cuh phao bingu salam uan thun bahrau di tuk Tết kayua "jit Covid-19 daok rah tabiak srau kadau"

Mesup ini (8/2), mBan Tacei jalan pakat negar pacang caga jit Covid-19 brei thau: dalam negar hu gac 4 urang njom jit Covid-19 dalam bhap bini di TPHCM (meng urang ka 2.002 - 2.005), hu ba nao daok atah, iek ruak di sang iek ruak dã chiến Củ Chi. Dom urang ruak jeng lac menuac cakaong glam pandap di mblang kapal haoh Tân Sơn Nhất, dalam kapul haong urang ruak 1979, hu taom gaok, ndom biai haong gauk, min bruk ngak nan oh taom gaok tuai nao kapal haoh. Tal urak ini, dom urang ruak Covid-19 di Việt Nam lac 2.005 urang, dalam nan 1.115 urang njaom dalam taneh ia. Dom urang ruak bahrau dalam bhap bini meng harei 27/1 tal harei ini, lac 422 urang.

Pagam tal 1 dalam 4 urang medhil njom Covid-19 bahrau brei thau Pasak pasang iek ruak kik ban raya HCM song pasak y tế quận 1 dok pacang veik labik Mả Lạng (phường Nguyễn Cư Trinh, quận 1) piah mek mẫu, pruh jru pametai anek ruak. Urang medhil njom ni oh taom gaok rilo menuac. Min, gam nao jalan sit, yau nan ye mbuan si njom mbak glong. Urak ni jabat chức năng pak ni dok cang panuac tacei di ban raya, njauk mek mẫu dut iek abih labik ni halei oh. Kayua menuac urang pak ni biak rilo labaih 1.900 urang.

Thành uỷ Đà Nẵng bahrau hu panuac ieu UBND TP Đà Nẵng padeih cuh phao bingu salam uan thun bahrau di tuk Tết kayua "jit Covid-19 daok rah tabiak srau kadau". Dahlau di nan, rilo tih3 ban dalam negar yau TP.HCM, Long An, Bình Dương, Đồng Nai, Đồng Tháp, Hậu Giang, Hà Tĩnh, Quảng Trị, Quảng Nam saong Thanh Hóa brei klaak bruk cuh phao bingu. TP Hà Nội ramik veik bruk cuh phao bingu, tok brei cuh phao bingu glaong di sa labik piah papar binguk tapak, oh daok cuh di 29 labik yau bruk ba tabiak.

Meng 6 tuk mesup (8/2), Quảng Ninh padeih bruk pajeng ba tuai công cộng meng tỉnh ni tapa tỉnh deih (dalam nan hu jalan radaih, jalan krong) tame tabiak tỉnh (lingiu di bruk njauk nao), tui harak hỏa tốc ka 788 di UBND tỉnh. Dom urang khin tabiak truh Quảng Ninh brei hu adat di thủ trưởng đơn vị, brei pathau khan y tế song hu dut iek âm tính song SARS-CoV-2. Bhap bini meng tỉnh karei mai Quảng Ninh brei hu cơ sở y tế pasang iek, brei harak.

Harei pataom Phố ông Đồ “Xuân bình an” peih tabiak tuk melam blaoh (7/2) di Việt Nam Quốc tự, Quận 10, TPHCM kayua Giáo hội Phật giáo ban raya dang tabiak peih ngak. Rah tabiak tal 26/2 (lac harei ia bulan bak baoh bilan 1 thun sak kubao), lac bruk brei mboh veik ilamu meng kan dalam raidiuk, saong daok lac bruk caong khin di Phật giáo Việt Nam ka talei jum pataom dom agama, dom bangsa, ngak jeng prein khang di bhap bini, ba gauk pacang caga jit Covid-19, ba mai raidiuk siam mekre, salamat saong jak jeng dalam thun bahrau thun sak kubao.

Mỹ brei padeih song daok tame bruk padeih dom thỏa thuận pambuak bruk tị nạn song rajaei 3 negar Trung Mỹ: El Salvador, Guatemala, Honduras, hu mbaoh tangin tuk ong Donald Trump daok ngak Tong Thong. Mintri Ngoại giao Mỹ brei thau ni lac dom jalan ngak camereip dalam kham merat pambuak veik talei pambuak bruk dalam bhum dalam vaktu ong Joe Biden ngak Tổng thống. Sarak di Mỹ hu ba tabiak hadei di tuk Tổng thống Joe Biden ba tabiak dom jalan ngak dalam adit dahlau piah salaih bahrau bruk nhập cư di Mỹ.

Nam Phi brei padeih pandar vắc-xin pacang Covid-19 di hãng jru AstraZeneca dalam danak dak klauk pacang. Dom urang roh duah brei thau, dahlau di tuk hu anek ruak bahrau meng SARS CoV-2, vắc-xin brei mboh hu siam jaik 75%. Min ngak saong anek ruak bahrau di virus, janih vắc-xin ini tok pacang hu 22%. Nam Phi caong klauk vắc-xin caga ruak Covid-19 ka 40 triệu menuac, lac 2/3 menuac sia dalam taneh ia. Adit anak, Nam Phi meda klauk vắc-xin di hãng Giôn-xơn en Giôn-xơn brei ka dom urang ngak gah y tế.

Dom urang lahik hadei di mbang ia sua di bang Uttarakhand di Ấn Độ tagok tal 125 urang. Urang lahik meda dok hu rilo jang kayua labik gaok bala biak prong. Brei panuac di var họp báo samar ka bruk trak damak ni, lambaok karja bang U-ta-ra-khan brei thau: bruk dong duah dok hu peih ngak chip song hu mbaok di cảnh sát song bol lin Ấn Độ. Takik di abih 16 urang ngak hu dong tabiak truh sa jalan lubang. Dahlau di nan, mesup 7/2, sa krong ia patau angaok ceik Himalaya nyu talah, tuh trun gah la. Ia patau ralai gam tui cuah patau ba tal ia sua, palai tayah rilo boh sang song danak dak thủy điện Ri-xi Gan-ga./.

Urang lang: M. Phương – Hani Pha – 08/02 10:39:41