Urang tame tabiak brei khan ka gah y tế 

Mesup ini (9/2), mBan tacei jalan pakat negar pacang caga jit Covid-19 brei thau lac dalam 12 maong tapa, dalam taneh ia hu gac 3 urang njom Covid-19 dalam bhap bini di sruh jit ban sit Đông Triều, Quảng Ninh. Yau nan tal urak ini, dalam negar hu 2.053 urang njom Covid-19, dalam nan hu 1.163 urang njom dalam negar. Dom urang njom bharau kuhria meng harei 27/1 tal urak ini, lac 470 urang. Abih tih menuac taom gaok jaik haong menuac meng negar lingiu mai meng bhum jit daok hu tui iek saong brei daok pa-atah lac 89.782 người. Hu thau, dalam dom urang njom, hu 1.472 urang ruak Covid-19 hu taong thit ruak. Dom menuac metai lac 35.

Meng mong 12 harei ni (9/2), TPHCM brei padeih dom brukilamu, thể thao, main sambai, giải trí tui tacei pato di  UBND ban raya, anak dom bruk rah tabiak srau kadau di jit Covid-19 dalam ban raya. TPHCM jeng brei padeih dom bruk ngak adat di domt agama  hu meng 20 urang tagok. Dom labik pablei xăng menyek, pandap pandar yaok harei, jru tavoa, labik iek ruak hu peih ngak yaok harei min brei ngak njauk bruk batabiak di jabat y tế. Jalan bingu, jalan tapuk Tết oh ngak adat peih pakak, tok brei peih pambah mbang ka tuai rivang iek meng mong 8 mesup tal mon 5 biar harei.  

Biar harei 8/2, tỉnh Quảng Ninh khan lac pasang iek hu jit ruak Covid-19 dalam tỉnh, saong daok brei pasit veik dom labik pacang cakak, piah ka bhap bini mbang Tết dalam siam mekre. Kuhria tal mong 4 biar harei 8/2, Quảng Ninh hu 50 urang dương tính; hu peih bruk dut iek 110 rabau mẫu, dalam nan hu gam mẫu sruh jit saong mẫu dut iek dalam bhap bini, urak ini oh ka mboh mẫu dương tính. Meng mesup ini (9/2), di dom labik khik iek menuac tame tabiak tỉnh, Quảng Ninh peih bruk khai báo y tế điện tử angaok smartphone piah jhul samar jang tukvak nao tapa dom labik khik iek..

Peih ngak sarak di Thủ tướng ka dom jalan samar pacang caga  jit Covid-19, UBND dom tỉnh: An Giang, Vĩnh Long, Sóc Trăng, Bình Thuận oh peih bruk cuh phao bingu di melam palo thun klak, uan raok thun bahrau . Di Sóc Trăng, UBND tỉnh tacei pato dom sở, dom mban, dom gah dom puk palei padeih dom bruk doh tamia  song dom bruk pataom rilo menuac tuk thun bahra,padang dom bilai tame tabiak pak nan piajh pasang iek pacang caga jit. 

Ủy ban Mặt trận negar tỉnh Bình Thuận hu peih Nyaom biai hiệp thương mbang camriep piah ba tabiak dom menuac hu tabiak angan piah bhap bini pilih ruah ka Quốc hội mbang XV saong ka HĐ bhap bini tukvak 2021-2026. Tui sarak di UBTVQH, Bình Thuận hu parabha 7 urang hu mbaok tame Quốc hội. Tui kuhria, HĐND tỉnh Bình Thuận tukvak 2021-2026 hu 53 urang. Dalam nan, dom urang hu tame angan piah pilih ruah ka HĐND tỉnh lac urang bangsa takik kham marat mek hu meng 4,6% - 6,9%.  

Urang pal akaok Thượng viện Mỹ khan lac  mek hu thỏa thuận ka phiên tòa kaoh duas urang dahlau deih ngak Tổng thống Donald Trump, meng di harei 9/2 (tui tuk vak  Mỹ). Ni lac mbang kaoh duas ka 4 ngan haong tổng thống atau urang dahlau deih ngak paok tổng thống dalam dakrai negar Mỹ. Phiên tòa meda tamat avar di abih dalam adit hadei, meyah lac dom gah njauk hatai oh ieu pataom nhân chứng di mbang xét xử.

Urang dang akaok bol bala Myanmar - tướng Min Aung Hlaing hu panuac sinya brei peih sa bruk palih ruah bahrau song jao veik  bruk pan rajaei ka urang jayah. Dalam panuac ndom nyai angaok rayo papar binguk mbang camereip hadei di dom bruk srau kadau bahrau rah tabiak di Myanmar, tướng Min A-ung Hơ-la-inh brei thau, bruk thiêt quân luật di dom labik dalam negar ni hu dui atah dalam tuk vak sa thun  . 

Philippines brei thau urang metai camereip kayua  biến thể di virus SARS-CoV-2. Tui mintri  Y tế Philippines, urang ni lac sa urang ruak umo 84 thun, oh tuk halei taom gaok song urang halei, oh tabiak truh sang.Urak ni di negar Philippines hu 25 urang njauk  biến thể virus SARS-CoV-2 hu asal meng negar Anh, 22 urang hu pasiam veik.Jabat  y tế Philippines dok duah urang njom ruak ka 2 urang njom biến thể bahrau oh thau cambaih laih asal./.

Urang lang: Mousaphuong- Hanipha- 9/2