UB bhap bini Ban Thủ Đức brei padeih dom bruk pablei pandap tapak di darak Praong kaya nong Thủ Đức

Tui khaw tin page ini 7/7 di Mentri Y te, hu 277 urang njom Covid-19 di 6 tinh, ban, dalam nan Ban raya HCM hu tal 270 urang. Piah pasang iek hu jit ruak Covid-19, Sở Y te Ban raya HCM hu panuac lac tuk menuac di tỉnh khin tabiak truh Ban raya, nao dom tỉnh ban karei brei hu dut iek ruak SARS-CoV-2 samar atau dut iek RT-PCR ye brei nao tal dua labik. Nan lac, piah dut iek ruak samar Covid-19, mikva brei nao tal dom sang iek ruak saong pasak y te quan, huyen saong Ban Thủ Đức. Meyah caong khin dut iek SARS-CoV-2 atau dut iek RT-PCR ye brei tame dom labik dut iek di dom labik hu Mentri Y tế brei adat dut iek SARS-CoV-2. Dut iek ruak samar kháng nguyên yaom 238.000 đồng sa mbang.

Mesup ini, jaik 1 triệu anek saih dalam negar yam tame mbang pakacah tamat THPT thun 2021 (mbang 1) haong môn pakacah Ngữ Văn tui jalan tự luận. Dalam tuk jit Covid-19 rah tabiak srau kadau, bruk pakacah di dom labik pakacah meda salih karei tui bruk jit ruak. Kayua yau nan ye, Mintri Pato Megru hu panuac ieu dom tỉnh, ban, brei caik hatai sangka, tui iek kajap bruk jit ruak, caga dahlau dom bruk meda tamuh tabiak, khik kajap siam mekre salamat ka anek saih pakacah saong dom urang iek bruk pakacah. Dom anek saih pakacah brei ngak njauk tui dom bruk pacang caga jit Covid-19; gam haong adat pakacah.

Anak bruk jit ruak Covid-19 rah tabiak sraw kadau, UB bhap bini Ban Thủ Đức brei padeih dom bruk pablei pandap tapak di darak Praong kaya nong Thủ Đức. Tui nan, bruk padeih dom bruk pataom pandap, pablei salih di darak Praong kaya nong Thủ Đức meng mon 8 harei 7/7. Dom urang pablei pandap brei pajeng pandap tabiak truh darak, suai di abih lac mon 8 melam nan. Yau nan, tal urak ini, 3 darak praong di Ban raya HCM lac Thủ Đức, Bình Điền saong Hóc Môn brei padeih piah pacang caga jit Covid-19.

Biar harei kabroi haong mesup ini, rilo menuac di TP Hồ Chí Minh nao tal dom darak pasar, siêu thị saong dom labik pablei pandap, piah blei pandap pataom piah, anak bruk mehit lac TP Hồ Chí Minh meda pacang veik dalam dom harei anak tal. Ong Nguyễn Nguyên Phương, Phaok Yam ndok Sở Công thương TP Hồ Chí Minh ndom lac, pandap panda di TP Hồ Chí Minh jeng hu khik ramik tani tanat, pabak ginup bruk blei pandar di bhap bini, oh hu bruk kurang pandap. Saigon Co.op brei thau, hu pambuak bruk haong dom labik piah pabak ralow pablei ka bhap bini. Dalam nan, dom labik pabak brei yau ye Vissan, Nam Phong, Anh Hoàng Thy... daok ngak abih công suất saong caga pabak rilo mbang dalam harei ka dom siêu thị di Saigon Co.op.

Melam blaoh, bruk sraw kadau rah tabiak dalam sang guk Chí Hòa, TP.HCM. Dom urang guk pachuh pajarak gauk cagar veik, prew tagok tuk dom urang y te dut iek prein yawa ka dom urang daok mek kreik di labik ini. Công an TP.HCM samar brei manuac khik tani tanat bruk nan, ba urang tame bilik kareih saong pajeng ba dom urang guk nao labik T30 ( Củ Chi) piah brei pa-atah di gauk pacang caga jit. Bruk langyah hu ba siam abih ka dom urang jakar khik iek sang guk saong urang guk. Bruk ngak sraw kadau hu Công an TP.HCM daok ngak brei cambaic laic piah langyah.

Karja di Tổng thống Mỹ Joe Biden tabiak panuac lac payua 2 triệu mbang vaccine pacang COVID-19 di hãng Moderna brei ka Việt Nam saong 1 triệu 500 rabau mbang vaccine di hãng ini brei ka Guatemala. Dalam panuac khan tuk page ini 7/7 (mon Việt Nam), Thư ký báo chí Nhà Trắng, amuk Jen Psaki ndom cambaih: "Guatemala haong Việt Nam meda taduan hu vaccine pacang COVID-19 di karja Tổng thống Biden - Phó Tổng thống Harris daong brei." Dahlau di nan, Tổng thống Biden hu panuac sanya lac Mỹ meda caik tabiak 80 triệu mbang vaccine pacang COVID-19 kayua taneh ia ini ngak piah daong dom taneh ia angaok dunya.

Dalam 24 tuk tapa, Indonesia hu urang njom Covid-19 tagok rilo oh ka bhian mboh tal 31.189 urang njom ruak saong urang metai jeng biak rilo, 728 urang. Dom urang ilamu kuhria mboh dahlau, dom urang njom Covid-19 di taneh ia ini daok tagok dalam tukvak anak tal, tabung glaong di puac bilan 7 ngan saong 100.000 urang njom ruak yaok harei. Bruk urang njom mbak Covid-19 tagok samar rilo mbang nan lac kayua biến thể Delta daok ngak ka gah y tế Indonesia jaoh, jaleih.

Dah page 7/7 (mon Việt Nam), 1 phóng viên điều tra tội phạm hu angan di Hà Lan njauk urang cuh phao tame ngak brei njauk rambus trak di angaok jalan praong dalam pasak ban ine Amsterdam. Nan lac ong Peter R.de Vries, umo 64 thun, 1 phóng viên điều tra, urang bình luận angaok rayo papar binguk dane angan haong dom danak dak điều tra tội phạm. Ong njauk urang cuh 5 siu, dalam nan hu 1 siu cuh tame akaok. Urak ini mboh biak trak, mbuan metai. Cảnh sát khan lac cap mek hu 3 urang, dalam nan hu 1 urang medil lac menuac cuh phao./.

Urang lang: M. Phương – Ái Nghiêm – 07/07 10:33:21