Rilo panuac hu batabiak di mbang nyaom ka 52 

Mesup ni (11/01), mbang nyaom ka 52 di  Ủy ban Thường vụ Quốc hội peih tabiak di Hà Nội.Rah tabiak dalam 2 harei , Mbang Nyaom hu brei panuac ka rilo asar kadha prong.  Dalam harei ngak bruk camereip  11-1,Jabat thường trực di Quốc hội hu brei panuac ka sarak  pathau khan bruk ngak tuk vak 2016-2021 di akaok negar;sarak pathau khan bruk ngak tuk vak 2016-2021 di rajaei; brei panuac ka bruk salih jalan buh jien tame ngak dom danak dak angaok jalan Brak – merong gah pai tuk vak 2017-2020. Njauk caik hatai lac, UBTVQH meda brei panuac ka bruk ramik caga palih ruah urang  ka Quốc hội mbang 15 song palih ruah urang ka hội đồng bhpa bini dom pakat tuk vak 2021-2026. 

Dah page 10/1,di mblang pasram rup pabhap pakat negar Mỹ Đình, Tiểu ban khik saron mbon nyaom roya Đảng mbang13, Mintri Công an peih bruk ngak iek jalan khik caga nyaom roya pakat negar mbang ka 13 di Đảng. Dom kapul hu pasram ngak iek langyah bruk pataom rilo manuac ngak sarau kadhau, pacang caga khủng bố, daong manuac njauk cap khik di sang rilo tal saong khik caga urang ngak praong. Dom kapul di mintri Quốc phòng, Bộ Tư lệnh ban ine saong dom kapul di Mintri Công an hu caga dom jalan ngak, khik siam makre salamat nyaom roya Đảng pakat negar mbang ka 13 ngan haong sa kapul naih gheih di abih, ginup pandap panda abih.

Di TPHCM, beir harei kabroi, Mintri pajeng ba peih pakak tuk vak ka sa  1 danak dak pasiam veik jalan par trun, tagok di mblang kapan haoh dunya Tân Sơn Nhất song danak dak pasiam veik jalan par trun, tagok di mblang kapan haoh dunya Nội Bài, hu ngak haong yaom jien abih tih labaih  4.000 tỷ đồng. Ni lac 2 danak dak hu peih ngak samar darah tui tacei pato di rajaei  dalam sarak  41 harei  9/4/2020. Dua danak dak nan piah patagok pren khang pajang ba,khik ramik siam mekre ka bruk di kapal haoh di  2 mblang kapan haoh prong abih di Việt Nam; rik dong tame bruk pasiam veik, patagok kinh tế.

Tui pasak kuhria mboh dahlau bruk langik tasik pakat negar, mbang laar biak ar di rilo labik di gah barak negar drei meda daok dui atah dom harei tra. Langik di gah barak saong dom tỉnh meng Thanh Hóa tal Thừa Thiên - Huế meda ala 10°C (rilo labik daok ala 0°C); dom tỉnh meng Hà Tĩnh tal Khánh Hoà hu hajan di akaok adit ni. Pasak kuhria mboh dahlau bruk langik tasik pakat negar jeng brei thau dahlau ka sa mbang triều cường, ia tagok glaong saong mbuan dauk, ngak glut jaleih di tapen tasik gah maraong kayua hu hangin. Kayua triều cường gam haong ia tagok, mbuan hu ia dauk di dom labik dhon, glut jaleih di ar tasik dom tỉnh Đông Nam bộ saong Tây Nam bộ dalam dom harei meng 12/1 tal 15/1.

Mban pato tacei pakat negar ka bruk pacang caga jit Covid-19 brei thau lac hu mboh urang njom ruak Covid-19 bahrau, lac urang tame negar meng Nhật Bản. Ni lac urang ruak ka 1514 di Việt Nam, hu brei daok karei chip di Thanh Hóa. Tal urak ni, daok 17.634 urang taom gaok jaik haong dom urang ruak saong tame negar meng bhum jit daok hu brei daok karei tui iek prein yava piah pacang caga jit. Harei 10/1 lac harei 40 gam gam Việt Nam oh hu urang halei njom Covid-19 dalam rahra.

Gah Y tế dunya (WHO) daok peih bruk brei panuac daong ka bruk brei adat pandar  chip  vắc-xin pacang Covid-19 Xpút-ních V di Nga tui jalan online dalam harei 20/01 anak tal. Vắc-xin Xpút-ních V di Nga lac vắc-xin ka 2 angaok dunya yam tapa tanut ngak iek  di menuac  tuk vak puac abih, bruk prong lac siam mekre, kein lagaih song oh hu hagait dalam tuk suai lavik. Gah Nga ndom lac Xpút-ních V hu siam lagaih tal 92% dalam bruk khik ramik urang oh njom mbak  Covid-19 song tal urak ni hu labaih 1 triệu 500 rabau mbang jru hu ba tame pandar.

Ixraen harei ni jeng lac sa negar camriep di dunya salih tapa tukvak klauk veik vắc-xin caga Covid-19. Hu takik di nyu 1 triệu mateh urang Ixraen hu klauk vắc-xin caga Covid-19, samu jaik 1/6 rahra dalam oh ka tal 3 adit peih bruk klauk jru. Jalan ba tabiak glaong abih di negar ni lac ngak salah bruk khik caga dom urang mbuan njaukruak di abih tal bilan 2,samar drak ba negar tabiak truh dom kan kandah gah kinh tế.Nao gam haong danak dak klauk jru samar drak, Ixraen paglaong dom jalan piah pacang cakak it ruak piah patakik dom urang njom mbak ruak.

Ủy ban An toàn Giao thông negar  Inđônêsia khan lac  duah mboh hu labik 2 paaop juk di hãng kapan haoh Sriwijaya Air song urak ni kapul nyuk ia dok samar duah Sruh kapan haok Boeing 737-500 hu angan SJ 182 njauk lahik nao tuk maon 2 meteh jala pandiak tui tuk vak pak ni hadei di 4 minite par tagok. Sruh kapan haok pajeng 62 urang, dalam nan hu 50 tuai  song 12 urang phi hành đoàn, tong abih jeng lac urang Inđônêsia./.

Urang lang: Hanipha- Thu Thảo -11/1