Urang jakar nao pruh jru pametai anek ruak di Da Nang 

Njauk pasang iek veik, kiểm điểm bruk brei adat ka chuyên gia, gah buh jien tame ngak, urang ngak bruk ilamo glaong lac urang negar langiu tame ngak bruk dalam negar drei dalam tukvak tapa tuk ka oh hu panuac di kapul ngak bruk di 5 jabat; kiểm điểm chip dom tinh, bal oh ngak ginup prein dut iek. Asal kadha nan hu ba tabiak dalam harak brei thau panuac tamat di Thủ tướng Phạm Minh Chính di mbang nyaom biai online haong dom tỉnh tapen negar gah Tây Nam saong mbang ginum biai Thường trực rajaei ka bruk pacing caga jit COVID-19, kayua jabat rajaei bahrau ba tabiak.

Anak bruk rah tabiak hu pagam tal  dom urang njom bahrau lac urang ngak , mesup ni 12-5, gah chức năng Đà Nẵng hu pruh jru pametai anek ruak  song dut iek ka labaih  8.000 urang di Khu công nghiệp An Đồn. Dahlau di nan di melam  11-5, Đà Nẵng brei thau urang ruak  angan N.T.N. urang kamei,umo  25 thun , dok  trọ di jalan Nguyễn Khắc Cần, phường Nại Hiên Đông, Sơn Trà), lac urang trực tổng đài Công ty CP Trường Minh dhar Đà Nẵng (jalan ka 2, Khu công nghiệp An Đồn). Ni jeng lac urang ruak  bo gah y tế TP Đà Nẵng ka oh duah tabiak jalan njom mbak, ka oh duah mboh labik pambuak pagam haong dom urang njom  COVID-19 dahlau di nan

Dah page ni 2-5, CDC Hà Nội brei thau lac hu gac sa urang ruak COVID-19 di sang iek ruak Thanh Nhàn, Hà Nội.  Sang iek ruak Thanh Nhàn lac sang iek ruak đa khoa hạng 1 di Hà Nội saong lac sang iek ruak bahrau abih di Hà Nội hu urang njom ruak (dahlau di nan dom sang iek ruak Nhiệt đới trung ương, K, 105 hu manuac ruak) urak ni daok brei daok karei meneing atau taong abih, ba tal biak rilo kan kandah dalam bruk taong ruak. Di dalam negar, ni lac sang iek ruak ka 10 hu manuac njom ruak atau njauk brei daok karei kayua hu taom gaok haong manuac ruak.

Ong Lê Văn Phước – phaok akaok UBND tỉnh An Giang brei thau,  UBND tỉnh mboh lac urang Việt mai jalan tapen negar di  huyện An Phú biak rilo. Kayua yau nan ye, UBND tỉnh brei padang sang iek ruak  dã chiến di  huyện An Phú piah taduan urang Việt Nam mai palei meyah njom ruak. Pasak pato pakai bruk ngak song patao pakai thường xuyên hu taneh prong labaih  19.000m2 hu ngak sang iek ruak  dã chiến song hu labaih  250 gage ndih. Urak ni,  huyện An Phú hu  4 labik brei dok karei ginup ka  400 urang dok

Dah page ni (12/5), urang par akaok UBND tỉnh Bình Dương brei thau: Tỉnh pok meyaom bruk rik daong di dom manuac urang, dom doanh nghiệp ka bruk pacing caga jit Covid-19 di tỉnh. Daok bruk Cty CP Đại Nam (phường Hiệp An, ban Thủ Dầu Một) hu panuac caong alin jaik 20.000m2 taneh piah pablei to yaom piah mek jien pacing caga Covid-19, urang par akaok tỉnh meda ginum biai pasang iek piah javap jaloi ka cty. Dahlau di nan, Cty CP Đại Nam hu harak payua tal UBND tỉnh saong mban pato tacei pacing caga jit Covid-19 tỉnh Bình Dương ka bruk alin hadaih 2 block hu 127 lô taneh, samu haong labaih 19.900 m2 di danak dak labik sang daok di Đại Nam (phường Phú Tân, ban Thủ Dầu Một) kayua công ty ni ngak po piah ka jabat chức năng pablei taneh mek jien pacing caga jit Covid-19.  Tui kuhria di Công ty Cổ phần Đại Nam, tui yaom di darak pasa urak ni, mblang taneh alin hadiah ini hu yaom labaih 500 tỷ đồng (labaih 25 triệu đồng/m2).

Biến thể B.1.617 di virus SARS-CoV-2 hu duah mboh camereip abih di  Ấn Độ bilan 10/2020, urak ni njom mbak tabiak 44 negar di dunya.   Biến thể B.1.617 hu duah mboh di  đầu Ấn Độ di bilan 10/2020, song hu WHO ba tame angan ‘biak njauk duh hatai pakat dunya’. Dom roh duah oh ka ginup abih brei mboh lac biến thể ni meda njom mbak mbuan jang dalam bhap bini.

Italia harei kabroi brei thau bruk roh duah mboh lac Covid-19 meda diuk dalam darah di manuac njom blaoh takik di abih lac 8 bilan.  Tui bruk roh duah, dom kháng thể pacang veik virus Sar-cov2 daok dalam darah di urang bhian njom Covid-19 dalam tukvak lac 8 bilan, yaom lac tanut njom ruak trak yau habar, urang ruak hu hadom umo atau urang hu ruak dahlau dalam rup trak halei oh. Dalam nan, bruk roh duah jeng brei thau lac bruk cak rok patagok kháng thể Covid-19 dalm tuk siam ruak di urang ruak hu makna biak praong. Abih di nyu nan lac, dom urang ruak oh cak rok patagok prein pacing cakak ruak dalam 15 harei hadei di tuk njom virus  mbuan njauk biến chứng Covid-19 trak jang.

Tamat bilan eik Ra-ma-đan (Ramadan), harei page urang Islam di In-đô-nê-xi-a mbang roya Eidil-Fitry. Rajaei hu panuac ieu bol bala song cảnh sát  khik ka bhap bini mbang roya Eidil Fitry dalam siam mekre salamad di tuk hu jit praong. Tổng thống Indonesia, Joko Widodo hu panuac ieu khik kajap jalan ngak dalam bruk peih ngak dom hukum yau urak ni, abih di nyu nan lac bruk oh brei nao palei, daong ka rahra saong brei pataih pacang mbaok di grauk labik di Indonesia piah caga taduan harei ginreih di urang Islam./.

Urang lang: Hanipha- Thu Thảo -12/5