UBMT negar tỉnh Bình Thuận hu dong brei ka mik va di labik 

Mai hu mbaok saong alin hadiah paok bingu hadah mekre, dom paok pandap hadaih ka bhap bini di Khu phố 3, phường Linh Tây, Ban Thủ Đức di  Harei roya jumpataom bangsa thun 2021 di melam harei kabroi (16/11), ong Nguyễn Văn Nên- Ủy viên Mintri Chính trị, Bí thư Thành ủy Ban raya HCM brei thau lac, biak uan tabuan tuk thau hu di dalam khu phố oh hu ma tuý, oh hu tệ nạn xã hội; bhap bini dalam khu phố caik hatai rik panuac dak padang, daong gauk  yam tagok. Abih di nyu nan lac, dalam mbang jit COVID-19 bahrau blaoh, bhap bini dalam khu phố thau iek glaong bruk pacang caga jit, kham merat hu mbaok tame ngak dom bruk siam, yau ye “mbang darak 0 đồng”, “asal brah anit ranam”, daong jien pak sang tro, daong jien ia, jien dien ka urang ngak, dom urang ngak pahla rik prein tame bo oh caong hu pok mayaom… Tui ong Nguyễn Văn Nên, piah hu dom harei sron mbon yau urak ini, khol drei hu buh biak rilo prein yava, ia huak, ia mata. Urak ini, Ban raya daok pasang iek hu jit ruak saong daok brei peih veik meneing bruk ngak mbang, pablei salih, tani tanat raidiuk.

Mesup ni 17/11/2021, Ủy ban Mặt trận negar  Việt Nam tỉnh Bình Thuận pambuak  song mban  ngak pahla Giáo hội phật giáo Việt Nam tỉnh peih  “Drak pasa 0 đồng” di ban Phan Thiết (Bình Thuận), piah dong ka dom boh sang kan kandah  kayua jit  COVID-19. Jeng dalam mbang ni, Mban ngak pahla Giáo hội phật giáo Việt Nam tỉnh Bình Thuận hu alin hadiah jamriak oxy dong ka bruk pacang caga jit COVID-19.

Tỉnh Trà Vinh urak ini hu labaih 3.200 doanh nghiệp daok ngak bruk haong yaom phun jien tut angan abih tih jaik 47.000 tỷ đồng, ba bruk ngak ka labaih 95.000 urang ngak. Min, dalam nan rilo meng lac doanh nghiệp sit saong mbaih, nan ye daok takik hu phun jien saong takik hu pandar dom ilamo công nghệ, takik hu darak pasa pablei salih… Tukvak 2021-2025, tỉnh Trà Vinh caik tabiak abih tih jaik 477 tỷ đồng piah peih ngak dom bruk cak rok patagok doanh nghiệp sit saong mbaih, dalam nan, kadung jien karja jaik 360 tỷ. Danak dak cak rok patagok doanh nghiệp sit saong mbaih hu daong labaih 8,5 tỷ đồng, dom gah karei yau ye gilang pariak pablei salih, dom kadung jien đầu tư, daong ka doanh nghiệp sit saong mbaih … lac labaih 108 tỷ đồng, doanh nghiệp rik tame 0,6 tỷ đồng.

Bier harei kabroi, Mban jak ba, taduan kadung jien pacang caga COVID-19 ban raya Hồ Chí Minh peih bruk taduan  22.362 lon ia tasau meng Australia brei ka anek  kama,  hu yaom labaih  13,5 tỷ đồng, kayua dom urang ngak pahla alin brei, dong ka uranaih sang kan kandah kayua jit  COVID-19.

Kayua yaom xăng manyek tagok glaong (lac tanut glaong di abih dalam 7 thun tapa), ngak kan kandah tal rilo bruk ngak mbang, pablei salih di doanh nghiệp saong bhap bini. Sa adit tapa, rilo janih pandap panda, pandap mbang,  dịch vụ di Ban raya HCM jeng ba gauk tagok yaom. Tui kuhria, meng ini tal puac thun, yaom dom pandap mbang, pandap panda jeng tagok khang mayah yaom gas, xăng manyek oh trun.

Karja Tổng thống Mỹ Joe Biden dalam adit ni dok kuhria khan brei thau bruk blei   10 triệu mbang  jru pacang virus Covid-19 di Pfizer. Bruk ni hu mong lac piah ngak brei salih karei bruk jit ruak meng patrun urang tame sang iek ruak song urang metai di Mỹ.

Rilo mbang tamuh gam gam dalam dom harei jaik ini di châu Âu saong châu Á brei mboh jit kum manuk ada daok njom pambak samar viek. Bruk ini ngak ka dom urang dịch tễ học biak duh hatai. Dahlau di nan, Gah Thú y dunya (OIE) ba panuac pathau khan di dom jabat chức năng Italy brei thau, sa mbang tamuh jit kum manuk ada daok rahtabiak di sa labik raong praong di Ostia Antica jaik ban ine Rome. Đức, Ba Lan, Anh hu dom sruh jit saong daok patagok dom bruk ngak catang piah pacang caga. Rajaei France jeng ba taneh ia daok di tanut báo động glaong.

Dalam sa panuac khan, Cao ủy nhân quyền Liên Hợp Quốc harei kabroi brei thau, takik di abih  1.000 urang, rilo meng lac urang bangsa Tigray njauk chap khik di grauk  Ethiopia dalam adit meng bloh.  Tổng thư ký Liên Hợp Quốc Antonio Guterres dok biak suh sah ka dom  pathau khan chap mek urang suam adat di Ê-ti-ô-pi-a, bruk neh rabha di dom kapul nyaom bangsa dak harei dak tagok.  Bruk njauk biai nan lac, dalam dom urang njauk chap mek nan, hu 10 urang Ê-ti-ô-pi-a ngak bruk ka Liên Hợp Quốc.. Liên Hợp Quốc hu tabiak panuac ieu peih palao dom urang ni./.

Urang lang: Thu Thảo -Hanipha- 17/11