Rilo labik njauk pruh jru pametai anek ruak 

Mesup ni (18/8), Kapul pacang jit Covid-19 di mintri  Y tế daok di ban Đà Nẵng brei thau ka bruk metai di urang ruak  Covid-19 ka 25. Urang ruak  698 lac sa urang kamei umo  51 thun, dok di  phường Thuận Phước, Q. Hải Châu, Đà Nẵng, hu dalam rup ruak ung thư buồng trứng di căn ổ bụng, sỏi thận, nhiễm trùng jalan tiết niệu. Urang ruak metai di sang iek ruak  Phổi Đà Nẵng mboh lac viêm phổi kayua  Covid-19, nhồi máu cơ tim, suy đa tạng angaok urang ruak ung thư buồng trứng di căn thành bụng, sỏi thận hu cakak blaoh  thận gah ieu.

Mintri pato magru brei thau mayah jit Covid-19 daok rahtabiak sarau kadhau ye mada peih bruk tame thun bac bahrau tui jalan online. Tui sarak ka 2084 di Mintri patabiak vaktu peih thun bac 2020-2021 ngan haong mầm non, giáo dục phổ thông saong giáo dục thường xuyên, harei tame thun bac bahrau aval di abih lac harei 1/9/2020; peih bruk tame thun bac bahrau di harei 5/9/2020. Min, brei khik hu salamat prein yava ka anek saih, cei gru, nai gru, meda peih bruk tame thun bac bahrau iek tui bruk di anak meta. Di Hà Nội, rilo sang bac hu brei thau kandun vaktu peih harei tame thun bac bahrau kayua jit ruak Covid-19.

Mintri jalan mbak pajeng ba bahrau jao ka Tổng công ty Cửu Long ngak harak pathau khan roh duah bruk meda ngak hu danak dak peih prong  jalan roya ban raya HCM - Long Thành - Dầu Giây, pok tagok dalam quý 4 piah mintri pasang iek ba tame bruk ngak dalam vaktu 2021-2025. Dalam nan, tuk vak 2021-2030, labik meng canah pak An Phú (TPHCM) tal ban sit Long Thành (Đồng Nai) hu peih prong 8-10 jalan radeih. Labik dok veik meng Long Thành tal  Dầu Giây khik tamo  4 jalan radeih. Jalan roya ban raya HCM - Long Thành - Dầu Giây atah 55 km, phun jien buh tame ngak labaih  20.600 tỷ đồng. Jalan roya ni daong pambuak bruk nao mai, kinh tế di ban raya  HCM song dom bhum  Đông Nam Bộ song Tây Nguyên. Hadei di 5 thun peih tabiak, jalan roya daok quá tải. 

Dah page ni, pasak kuhria mboh dahlau bruk langik tasik pakat negar brei thau, áp thấp nhiệt đới di langiu tasik daok khang tagok jeng rabuk min mada trun bier jeng áp thấp nhiệt đới hadei di tuk tame pulao Lôi Châu (Trung Quốc). Min, urak ni di mangaok mbaok haluk, rilo labik jeng daok hajan biak khang. Di Nam bộ, kayua  hajan bilan Tây Nam nan ye harei ni (18/8) hu hajan saong hangin, hu labik hu hajan praong tal biak praong, bhian hu di tuk bier harei saong melam. Dalam tuk hajan khang tui kuhria mada hu tan klaak saong hangin khang.  

Harei 18/8, Viện KSND tỉnh Đắk Nông brei thau lac hu mbaok tangin tame harak  khởi tố bị can ngan saong Đỗ Văn Minh (umo 49 thun, Bí thư Đảng ủy xã Liên Hà, huyện Lâm Hà, tỉnh Lâm Đồng) njauk 2 duas gac, lac: Lạm dụng tín nhiệm meblah mek drap ar saong palai pajoa drap ar . Dahlau di nan, Viện KSND tỉnh Đắk Nông hu mbaok tangin tame sarak khởi tố  ka duas pametai menuac song lih mek taneh kubo. Dalam tuk pasang iek bruk pametai kamuan di duik ngak lac drei metai piah blah mek jien bảo hiểm, Jabat chức năng hu thau Đỗ Văn Minh dok meblah mek jien labaih  23 tỷ đồng di rilo urang. Taeng sruh radeih bán tải BKS: 51C-715.70 njauk Minh am piah ngak  hiện trường ja dok padang di sa gilang pariak song dok sre labaih  97 triệu đồng.

Dah page ni (18/8), di dunya hu abih tih 22 triệu urang njom Covid-19, dalam nan hu labaih 14,7 triệu urang hu siam veik saong labaih 776.000 urang metai. Dalam nan, Mỹ, Brazil saong Ấn Độ jeng lac 3 negar dang akaok ka dom urang njom ruak. Daok dom urang thit ruak, Mỹ dang akaok haong labaih 2,9 triệu urang, hadei nan lac Brazil  2,4 triệu urang saong Ấn Độ  1,9 triệu urang. Tui Hãng tin Reuters, Tổng thống Mexico - Andres Manuel Lopez Obrador brei thau ong halain hatain klauk jru vắc xin pacang caga Covid-19 di Nga mayah vắc xin ni brei mboh siam lagaih. Tổng thống Nicolas Maduro di Venezuela jeng halain hatain klauk jru Sputnik V di Nga tuk vắc xin ni hu ba mai tal.

Prang brei 130 cảnh sát pacang trun jalan  tal ban Marseille peih bruk pacap urang ngak tui adat cuh pataih pacang mbaok, kayua rilo urang oh ngak njauk tui bruk pacang jit. Bhap bini hu brei panuac ieu  cuk patiah pacang mbaok di tong abih labik pacang sre hu rilo menuac song dom radaih công cộng. Karja brei thau lac meda peih prong dom jalan ngak meyah mboh njauk ngak. Rilo ban prong di Prang dalam nan hu  Paris, Toulouse song Lille, jeng batabiak panuac ieu cuk patiah pacang mbaok di tong abih dom labik hu rilo menuac. Bruk ngak ni di rajaei Prang hu batabiak dalam tuk negar ni mbuan si dang anak jit Covid-19 mbang ka 2, tuk tagok labaih  12.300 urang njom dalam sa adit song bruk njom mbak jeng tagok glong di abih dalam 2 bilan./.  

Bruk njom mbak di jit praong Covid-19 dak harei dak khang jang saong bruk tagok dom urang njom di urang praong thun dalam umur 20, 30 tal 40 thun. Bruk njauk duh hatai jang lac rilo urang njom ruak daok oh thau lac drei daok njom ruak. Nan lac panuac brei thau di urang dang akaok dhar Tây Thái Bình Dương di gah Y tế dunya Takeshi Kasai ba tabiak di mbang họp báo harei ni (18/8). Bruk ni ngak tagok bruk mbuan njom mbak ka dom urang mbuan njauk ruak dalam rahra yau ye urang taha, urang lavang lavaih daok di dom trại dưỡng lão, dom urang daok di labik hu rilo menuac saong bhum atah bayah./.

Urang lang: Hanipha- Thu Thảo