Sa sruh haoh trực thăng hu palao trun 1,5 tấn pandap daong ka bhap bini

Mesup ni (23/10), Quốc hội ginum biai ka dom asar kadha dok hu rilo panuac karei di gauk di dự thảo Hukum urang ngak Việt Nam nao ngak bruk di negar langui tui harak pambuak bruk (pasiam veik). Tui Phó Chủ nhiệm Ủy ban kadung jien di Quốc hội Bùi Đặng Dũng, yaok thun jien meng negar langui payua mai tagok tal pluh tỷ đô la, dalam nan hu rik dong biak prong di urang ngak Việt Nam di negar langui. Urang ngak Việt Nam di negar langui taduan hu panuac tong yaom biak siam di dom kapul ngak bruk dunya ka bruk tari tarieng hadah krah, kham merat. Min khol drei oh ka sami samar, oh duah thau pasang iek piah hu thau jang ka drak pasa urang ngak negar langui, ba tal kurang urang ngak, lahik rilo bruk ba urang tabiak negar langui ngak bruk. Bruk pasiam veik hukum brei pamong tal bruk ni.

Dah page ni (23/10), UBND huyện Hướng Hóa, tỉnh Quảng Trị ba 10 sruh radaih pajeng pandap panda, nhu yếu phẩm nao Quảng Bình, blaoh tui jalan Hồ Chí Minh nao tal xã Hướng Lập saong Hướng Việt. Hajan ia sua ngak glut jaleih biak trak dom jalan tame 2 xã. Jalan phone, jalan radaih klaoh abih, bhap bini 2 xã kurang pandap mbang, pandap manyum. Dahlau di nan, bier harei 22/10, sa sruh haoh trực thăng hu palao trun 1,5 tấn pandap daong ka bhap bini; dom kapul nao tui jalan gilai, ba pandap mbang, jru tavao saong dom pandap mbang menyum yaok harei tame xã Hướng Việt. Hu 3 urang lahik tuk nao ngak puh meng harei 17/10, tui sanneng lac njauk taneh lam tuk jaleih taneh.

Jabat chức năng brei thau angan di urang ngak ka 2 metai di Rào Trăng 3 bahrau duah mboh. Tui kuhria harei ni (23/10) hu peih jalan piah peih bruk dong duah 15 urang dok veik. UBND tỉnh Thừa Thiên- Huế hu panuac ieu Quân khu 4, Cục dong duah urang gaok bala Bộ Tổng tham mưu ba saw nghiệp vụ tame dong duah. Jang yau patagok dom gah, pandap panda, radeih jhul khang bruk peih jalan roya 71 tame Rào Trăng 3 piah ba pandap panda pabak ka bruk dong duah urang lahik ..

Hajan khang, riyak praong, hangin khang saong triều cường ngak ka rilo labik jaik taphia tasik di Bình Thuận jaleih trak. Mblang tasik puk 1, xã Bình Thạnh, huyện Tuy Phong jaleih 1.100 mét, ngak kan kandah tal dom baoh sang daok saong pablei salih di ni. Ia tasik mbang tame daok ngak jaleih yaok ribau phun dương, njom tame dalam mbaok haluh meng 20-30m; hu dom labik tok daok jaik takai jalan 2-3m. Jalan ĐT 716 biak mbuan glut jaleih mayah hu riyah praong, hangin khang dui atah. UBND xã Bình Thạnh, huyện Tuy Phong brei tuh patau labik jaleih jaik takai jalan piah khik jalan ĐT 716, labik meng Bình Thạnh tal Chí Công.

Sang ike ruak Nhi Đồng 2 (TPHCM) hu tabiak báo động đỏ brei dong chip uranaih likei umo 2 thun njauk saw Alaska rong dalam sang kiak klaok khí quản. Tapa nội soi, dom bác sĩ mboh jalan suak yava nyu tahak , ngin nyu nao tame phổi ye njauk xì tapa labik tahak ngak ka uranaih kan suak yava song kurang oxy, biak patuah lac dom rak drah prong oh njauk hagait. Ni lac bruk kan si mboh song biak kan kandah, uranaih meda metai glaow akaok meyah jalan suak yava nyu gar. Bác sĩ hu panuac kakei: biak rilo sang rong saw atau thú cưng dalam sang kan si thau dahlau dom cuang kandah. Dom labik kiak biak trak damak, meda njom mbak anek ruak, virus ruak gala, abih di nyu nan lac ba tal metai meyau njauk di rak drah prong pak di takuai.

Harei ni (23/10), Ngoại trưởng Mỹ Mike Pompeo ginum biai haong dom Ngoại trưởng Armenia saong Azerbaijan piah duah dom jalan padam dom bruk mesuh gauk rahtabiak di labik Nagorno-Karabakh. Ong Mike Pompeo jeng ieu kakei dom negar karei njauk plaik oh ba tangin tame bruk di dua negar, jhui pabak phao ndao. Nan lac dom kham marat piah padeih bruk mesuh gauk biak khang di dua negar meng dom thun 1990. Dahlau di nan, dua harak sanya padieh cuh kayua Nga dang tabiak langayh ba brei siam jeng oh pacang hu bruk mesuh metak daok rahtabiak di dua gah.

Nga hu brei quyền daok veik ka urang dahlau deih ngak di Cục Tình báo Trung ương (CIA) Edward Snowden, sa jalan nao tal bruk nhập tịch meyah lac ong khin. Snowden (umo 37 thun) dahlau deih ngak bruk ka jabat An ninh negar Mỹ (NSA), thun 2013 ngak ka menuac sia di dunya tatuan megei tuk khan ka gah harak mbao dom khaw tin kanduak ka bruk NSA loa pasang iek, loa pang, tui iek email, Internet di dom urang ngak prong, urang di Mỹ, châu Âu song châu Á. Ong hu Nga brei adat tị nạn dalam bilan 8/2013 song njauk Mỹ truy nã ka duas phản quốc song gián điệp. Ngan song duas ni, Snowden meda dang anak yaok pluh thun guk.

Takik di nyu 18 urang metai saong rilo urang daok gar ala dom cuah patau tuk nhà thờ klau tal jaleih trun di gah timur Ghana. Sa urang patuah daok diuk brei thau lac labaih 60 urang daok ngak lễ dalam nhà thờ di Giáo hội Phồn thịnh di ban sit Akyem Batabi tuk nyu jaleih trun di harei 20/10. Nhà thờ hu ngak meng 28 thun dahlau saong jeng ka oh hu ngak salah di tuk rahtabiak bala. Dom urang jaka di kapul pacang caga pakat negar brei thau bruk daong duah manuac daok rah tabiak dalam suai damuai kayua karang pandap, manuac saong urak ni ka oh thau cambaih hu dom urang njauk bala daok gar dalam nan./. 

Urang lang: Hani Pha – Thu Thảo 23/10 10:25:11