Thủ tướng Nguyễn Xuân Phúc njauk hatai haong bruk buh jien tame ngak pabak điện ka huyện Côn Đảo

Mesup ni (23/3), di Hà Nội, Kapul dam dara CS Hồ Chí Minh pakat negar peih bruk pahadar 90 thun harei padang Kapul song taduan Huân chương Hồ Chí Minh. Brei panuac tuk peih bruk, TBT, akaok negar Nguyễn Phú Trọng hu panuac ieu Kapul dam dara CS HCM njauk salih bahrau jang, paglong jang bruk ngak, jalan ngak, paglaong kein laba bruk ngak cách mạng, peih prong bruk jum pataom gauk, ieu pataom dam dara.

Di mbang nyaom ka 24 di HĐ bhap bini Ban raya HCM mbang 9 peih tabaik tuk page ini 23/3, Sở Quy hoạch Kiến trúc brei thau, dalam quý 1 thun 2021, Ban brei ngak salah harak gar ramik pasiam quy hoach tal thun 2040 saong pamaong tal thun 2060; quý 2 pok tagok Mentri Padang ngak pasang iek, pok tagok Thủ tướng Rajaei mbaok tangin. Kham merat tal thun 2040, Ban raya HCM brei ngak salah jalan mbak, tatua pambuak haong dom tỉnh jaik taphia; pambuak dom bhum karei dalam Ban raya HCM; cak rok patagok đô thị lagaih saong biến đổi khí hậu; peih praong đô thị saong patagok gilac dom labik đô thị urak ini…

Thủ tướng Nguyễn Xuân Phúc njauk hatai haong bruk buh jien tame ngak song jao ka mintri Công thương ba tabiak jalan ngak cambaih laih ka bruk pabak điện ka huyện Côn Đảo. Tui danak dak , điện hu mek meng bilac Vĩnh Châu (tỉnh Sóc Trăng) dui 3 km jalan talei angaok thu, 15 km angaok tasik kaoh song 78 km cáp ngầm, gam song sa bilac biến áp 110 kV... Tong abih phun jien tui kuhria lac 4.800 tỷ đồng. Tui kuhria mboh dahlau, bruk caong pandar điện di Côn Đảo tal thun 2025 lac 21 MW, thun 2030 lac 33,3 MW, min urak ni bahrau hu 11,8 MW.

Sở Ngak nong saong Patagok palei pala tỉnh An Giang brei thau, abih tih taneh glai dalam tỉnh lac jaik 16.900 ha. Urak ini tỉnh daok yam tame bilan pandiak thu, kurang ia biak trak, mbuan ba tal apui khuah glai rilo kayua bruk ramik phun hareik thu, cuh glai ngak apuh, tuai damuai prah pakao, cuh nhang, cuh ba-a vàng mã…Mban khik iek glai pacang caga saong đặc dụng tỉnh An Giang ndom lac, bilan pandiak bhang thun ini kham khik oh brei apui khuah glai. Meyah hu khuah njauk brei pataom abih prein khang, pandap panda, jamraih samar padam apui, patrun tal tanut biar di abih bruk palai pajua glai.

Yaom amriak kalu harei 23/3 trun jiak 10.000 đồng/sa kg dut song yaom tabung glaong ngak ka drak pasa srau kadau. Di Đồng Nai, yaom dok 69.000 đồng/sa kg; di Bà Rịa-Vũng Tàu lac 73.000 đồng/sa kg; di Bình Phước, amriak kalu hu urang blei yaom 72.000 đồng/sa kg... Ni lac harei trun ka 4 gam gam di yaom amriak kalu dalam negar. Dahlau di nan, yaom amriak kalu gam gam tagok pandiak tal 20.000 đồng/sa kg, dalam 2 adit akaok bilan 3, hu mong lac bruk oh lagaih. Tui Hiệp hội amriak kalu Việt Nam, tui kuhria mboh, amriak kalu dok hu biak rilo, tapa tanut urang blei. Kayua yau nan ye, bruk tagok yaom biak samar lac kayua urang padauk pandap piah tagok yaom, mbuan ba tal khat lahik ka urang nong song doanh nghiệp pablei tabiak negar langiu.

  Karja Đức njauk gauk brei dui atah tukvak peih ngak dom jalan pacang caga jit ruak tal abih harei 18/4 piah pacang cakak dom biến thể birau di virus SARS-CoV-2 njom mbak. Thủ tướng Angela Merkel saong dom urang ngak praong di dom mbang njauk gauk brei dui atah tukvak peih ngak dom jalan pacang caga saong khik tamo adat di karja dalm peih ngak adat Phục sinh meng harei 2/4 anak tal nan lac tok brei dua baoh sang hu taom mbaok gauk ngan saong 5 urang praong. Dom labik ilamu, ma-in sambai brei kareih pabah mbang, dom labik mbuan njom ruak brei pacang cakak catang.

Tổng thư ký Liên Hợp Quốc Antonio Guterres brei thau hatai suh sah ka bruk tagok tong paoh urang gốc Á di dunya dalam tuk jit prong Covid-19 dok rah tabiak srau kadau. Panuac di Liên Hợp Quốc hu batabiak dalam tuk jiak di ni rah tabiak dom mbang tong tame urang hu asal Á. Harei 16/3, hu takik di abih 8 urang metai dalam mbang cuh phao di 3 labik ngak siam binai di bang Georgia - Mỹ, dalam nan hu 6 urang kamei gốc Á.

Tòa Phúc thẩm Tokyo – Japon harei ini atah klak đơn kháng cáo, khik tamo duas daok guk lauc rai ngan saong Yasumasa Shibuya, lac urang pametai uranaih kumei Viet thun 2017. Urang công tố daok hu panuac brei tử hình Shibuya, min tòa Tokyo atah klak kayua oh lagaih haong hukum saong oh lagaih tuk mbang langyah sơ thẩm oh ba tabiak dius tử hình. Kamuan Nhật Linh lahik di harei 24/3/2017 tuk di jalan nao bac, atau hu duah mboh hadei di nan. Sa bilan hadei, Shibuya, akok kapol urang amaik ame di sang bac Mutsumi Daini njauk cảnh sát chap kareik.

Urang lang: Ái Nghiêm – Hani Pha – 23/03 16:01:09