Rilo tỉnh ban brei padeih dom bruk piah patagok pacang caga jit Covid-19

Mesup ni (4/5), mintri Y tế brei thau hu 4 urang njom Covid-19, dalam nan hu 2 urang dalam negar di Hà Nội song Đà Nẵng, 2 urang tame VN brei dok karei chip. Việt Nam urak ni hu 2.985 urang ruak Covid 19. Dalam nan hu 1607 urang ruak kayua njom mbak dalam negar. Dalam dom urang ruak COVID-19 dok iek ruak di dom labik y tế dalam negar urak ni hu 72 urang ruak âm tính song virus SARS-CoV-2 meng 1-3 mbang.

Ngak tui jalan tacei ba di Phaok Thủ tướng Rajaei – Akok Mban tacei jalan pakat negar pacang caga jit Covid-19, dah page ini 4/5, Cục Y tế pacang caga ruak hu hrak payua Pasak pasang iek ruak kik, Pasak y tế pacang caga ruak dom tỉnh/ ban dalam negar, iew padeih brei tabiak truh labik brei daok karei gam di bol lin, dân sự khik iek ngan saong taong abih dom urang ginup tukvak brei daok karei,takik di nyu 14 harei, dut iek ruak tapa dua mbang mboh âm tính kayua tukvak jiak ini hu dom urang abih brei daok karei blaoh jeng mboh ruak veik SASR-CoV2, ngak njom mbak ruak.

Anak bruk rah tabiak kan kandah di jit Covid-19, rilo tỉnh ban brei padeih dom bruk piah patagok pacang caga jit Covid-19. Dalam nan di TPHCM, meng 18 tuk harei 3/5 dom bruk massage, xông hơi, sân khấu daoh tamia, rạp chiếu phim, dom labik main điện tử njauk padeih bruk; saong brei padeih bruk di mblang bein ia Đầm Sen kayua ka oh khik hu bruk pacang caga jit Covid-19. An Giang jeng brei padeih dom bruk: karaoke, quán bar, vũ trường, phòng game, massage, rạp chiếu phim… Daok harei Vía Bà Chúa Xứ Núi Sam anak tal, hu peih ngak binah adat, oh peih bruk me-in sambai. Di Bình Thuận, meng 0 tuk harei 3/5 brei padeih dom bruk mbuan si njom mbak glong jit Covid-19 yau quán bar, karaoke, massage, vũ trường, game....

Pasak kuhria mboh dahlau bruk langik tasik negar brei thau, meng harei 4 tal harei 6/5, ban hạ long, tỉnh quảng ninh, ban hà nội, tỉnh hải dương, chỉ số uv biak glaong mbuan ngak jhak rilo tal prein yawa meng mbiah tal glaong, pakat 5 tal 8. Dalam nan, meng Thừa Thiên Huế tal Cà Mau, chỉ số UV biak glaong dalam harei mbuan tagok tal tanut jhak biak glaong, pakat 9 tal pakat 10.Chỉ số UV lac chỉ số ka sa janih UV meng ia harei. Tuk pandiak catang, dom urang ngak bruk gah langiu langik suai lavik njauk tia UV ngak ruak meta, kalik saong ngak mebuh pandiak.

Dalam 4 harei padeih lễ, gah cảnh sát jalan mbak pajeng ba pakat negar hu pasang iek, duah mboh song langyah 32.621 urang ngak suan, phạt jien jiak 32 tỷ đồng, chap khik labaih 200 ô-tô, labaih 7.000 radeih mac song mek harak peih radeih di 2.320 urang. Tui yaok pataom di mintri Công an, dalam 4 harei padeih lễ, dalam negar rah tabiak 111 mbang bala angaok jalan, ngak brei 58 urang metai, njauk rambuac 64 urang. Dutr song tuk vak ni thun bloh, bala angaok jalan radaih takik jang, meng menuac metai, menuac njauk rambus tal dom mbang radaih paoh gauk.

Truyền thông Mỹ ba khaw tin Cục khik iek Pandap mbang saong Jru cavao Mỹ meda brei adat pandar vaccine di PFIZER klauk ka uranaih umo meng 12 thu tagok di adit anak tal. Meyah hu mbaoh tangin, bruk nan meda lac sa bruk ngak brei yam tagok khang piah hu ka anek saih pakat 2 saong pakat 3 di Mỹ hu tame dom tal bac di sang bac meng bilan Thu anak tal. Vaccine di PFIZER urak ini birau brei adat pandar ngan saong uranaih umo meng 16 thun tagok. Labaih 100 trieu urang praong di Mỹ hju klauk jru ginup yau nan min bruk klauk daok trun ralo.

Đức bahrau khan lac brei klaak harei pataom bia prong abih di dunya Oktoberfest thun ni kayua huac jit Covid-19 njom mbak khang. Ni lac mbang ka 2 gam gam harei pataom hu angan je ni njauk klaak. Ban Muy-ních dang tabiak peih ngak harei pataom ilamu Oktoberfest cametreip di thun 1810. Dalam dakrai sajarah, harei pataom ilamu ni njauk klaak labaih 20 mbang ngan song rilo makna yau mesruh metak dunya mbang ka sa. Mesruh metak dunya mbang ka 2, mbang tamuh jit tả di kreh abhap 19… Oktoberfest harei pataom bia prong abih di dunya, dui pachreih hu labaih 6 triệu tuai.

Ấn Độ daok taduan hu rilo ndap y tế kayua dom taneh ia châu Âu daong piah pacang caga bruk sraw kadau di jit ruak tuk dom urang njom Covid-19 di taneh ia Nam Á nan tagok tal jaik 20 trieu urang. Sa mbang kapal par meng Italia pajeng mac jamraih ngak tabiak oxy saong 20 mac suka yawa harei kabroi 3/5 hu tal Ân Độ. Jamraih nan meda pabak oxi sa mbang haong gauk ka 100 urang ruak Covid-19. Jeng dalam harei nan, kapal pajeng pandap mbang ka 4 hu 60 mac suak yawa saong dom janih pandap daong ka pahlah Covid-19 karei mai meng negar Anh hu tal taneh ia ini./.

Urang lang: Ái Nghiêm – Hani Pha – 04/05 10:21:53