Harei 6/5, hu veik Bắc Ninh, Thái Bình, Quảng Ngãi brei ka anek saih dalam tỉnh padeih bac

Mesup ni (6/5), di TPHCM akaok negar Nguyễn Xuân Phúc song dom urang tabiak mbaok piah palih ruah ka Quốc hội mbang XV, labik palih ruah ka 10 (huyện Củ Chi, Hóc Môn) hu mbaok di nyaom biai pathau khan ka bruk kinh tế - ilamu xã hội - quốc phòng an ninh tal dom urang tabiak mbaok piah pilih ruah ka Quốc hội mbang XV song urang ka HĐND TPHCM vaktu 2021-2026. Dalam danak dak ngak bruk, akaok negar Nguyễn Xuân Phúc brei thau biak hadah mbaok meta hu Hội đồng palih ruah pakat negar meyaih khan tabiak ứng cử urang Quốc hội mbang XV di TPHCM. Meyah hu cử tri pilih ruah, ong kham merat abih drei duh ka taneh ia, duh ka bhap bini.

Page ini 6/5, Sở Y tế Hà Nội brei thau ka bruk 4 urang dương tính saong SARS-CoV-2 birau hu mboh pak ini, pmbak tal sruh jit ruak di Sang iek ruak Bệnh Nhiệt đới Trung ương cơ sở 2 saong sruh jit ruak di tỉnh Vĩnh Phúc. UB bhap bini Ban Hà Nội hu tabiak Sarak, dalam nan eiw dom jabat chức năng, karja palei brei pakhang bruk pathau khan, jak ba bhap bini juai tabiak truh sang tuk oh hu bruk hagait praong saong brei ngak tui bruk pacang caga jit. Di Thái Bình, hadei di tuk hu 5 mbang urang dương tính SARS-Cov-2 pambuak tal Sang iek ruak Bệnh Nhiệt đới Trung ương, tỉnh brei pa-atah di gauk dalam tỉnh meng mong 12 harei 6/5.

Harei ni, pasak pasang iek ruak kik TPHCM brei thau, sa urang dok di quận 11 dut iek samar mboh dương tính Covid-19 di Campuchia. Nan ye, hu panuac ieu dom menuac urang hu nao tal balik giao dịch Tân Bình di gilang pariak Shinhan Việt Nam, labik 113-115 jalan Cộng Hòa, phường 12, quận Tân Bình meng mon 4 tal mon 7 biar harei 27/4 samar pambuak bruk song labik y tế jiak di abih. Tui pasak pasang iek ruak kik , urak ni, TPHCM hu 264 urang njom Covid-19, urak ni dok 27 urang dok iek ruak. Ban raya dok jhul samar bruk klauk jru mbang ka 2. Tong abih urang ngak y tế, urang ngak bruk di mblang kapan haoh Tân Sơn Nhất hu klauk jru lac 55.049 urang

Harei 6/5, hu veik Bắc Ninh, Thái Bình, Quảng Ngãi brei ka anek saih dalam tỉnh padeih bac; Lào Cai, Hà Tĩnh, Ninh Bình brei ka uranaih di dom huyen hu Covid-19 padeih bac. Yau nan, tal page ini, 18 tỉnh, ban hu brei ka anek saih padeih nao bac kayua Covid-19 pambak praong. Urak ini, anek saih hu bac salah danak dak thun bac, daok caga pakacah bac kỳ II piah tamat thun bac dahlau di harei 31/5. Daok ban raya HCM hu ramik veik harei pakacah bac kỳ II piah hu tamat dahlau harei 9/5.

UB bhap bini tỉnh Thừa Thiên Huế bahrau dang tabiak ginum biai song dom sở, dom mban, dom gah ka bruk kuhria caga bruk dong duah dom urang gaok bala dok lahik kayua glut jaleih taneh di Thuỷ điện Rào Trăng 3, xã Phong Xuân, huyện Phong Điền. Meng di tuk rah tabiak bruk nan di harei 12/10 thun bloh ngak ka 17 urang lahik, jabat chức năng ba abih pren yava peih bruk dong duah urang gaok bala, urak ni duah hu 6 urang metai, dok veik 11 urang daok lahik. UBND tỉnh Thừa Thiên Huế brei thau, piah ka bruk peih ngak hu siam mekre, mbuan lagaih ye njauk cang tal bilan 7, tuk nan ia di dom chraoh danao nyu trun beir .

Piah ba bruk ngak kinh tế tabiak truh trak damak kayua jit Covid-19 saong jhul pakhang bruk brei urang kumei tame ngak bruk, Rajaei Australia brei thau meda bayar 1 tỷ 700 trieu dola Australia (labaih 1 tỷ 300 triệu USD) piah tagok jien daong iek glang ka uarnaih piah ba mbuan lagaih ka urang kumei ngak bruk gilac veik. Paok jien nan brei daong ka dom baoh sang hu meng 2 urang anek tagok, tui kuhria meda daong pabak 300 ribau mong ngak bruk yaok adit, sumu labaih 1,5 tỷ dola Australia yaok thun.

2 urang Ấn Độ tapa dut iek mboh dương tính haong nCoV harei 4/5, hadei di tuk tal London hu mbaok di mbang nyaom G7, ngak ka tong abih kapul negar ni eng drei brei dok karei song hu mbaok di dom mbang ginum biai dok veik tui jalan online. Bruk nan nyu ngak srau kadau ka mbang nyaom ngoại trưởng G7 London, kayua lac bruk ni hu mong iek yau sa bruk ngak iek ka mbang nyaom pakat glong G7 abih gah di Anh bilan anak tal.

Jabat tư pháp Liên minh châu Âu tacei pato brei pasang iek dom dhar ngak bruk di Công ty Avrox di dom taneh ia, piah ngak brei cambai laic bruk ngak ja, pachot, rao jien saong pacang bruk đấu thầu. Tui gah truyền thông Bỉ, dom bruk pasang iek kayua gah Bỉ ba tabiak. Bilan 6/2020, Bỉ blei 15 trieu pataik pacang pabah di Công ty Avrox ngan saong yaom jien jaik 32 trieu EUR piah brei saoh ka bhap bini. Hadei di nan, pataik pacang pabah nan mboh njom dom asar nano bạc saong jru mek titanium dioxide.

Urang lang: Hani Pha – Ái Nghiêm – 06/05 16:11:06