Dom janih njam patam saong baoh karaoh tagok yaom kayua hanjan ribuk

Kuhria mbiah tal page 8/10, dalam negar oh hu urang halei njom ruak birau Covid-19. Viet Nam kuhria abih tih hu 1.099 urang njom ruak, dalam nan hu 1.023 urang ruak hu taong abih ruak. Urang ruak Covid-19 birau abih lac urang ruak ka 1099 lac urang negar Australia trun di mblang kapal haok  Cần Thơ meng kapal haok QH89, hu brei daok karei chip di labik daok pataom di ban Cần Thơ. 

Mesup ni (8/10), Mban khik ramik jalan pasei  đô thị ban raya HCM hu taduan dom  toa radeih pasei camereip di  canah metro ka  1 Bến Thành - Suối Tiên di pambah lamnge Khánh Hội (quận 4). Gah nhà thầu Hitachi (Japon hu taduan bruk khik caga siam  tuk pajeng ba meng pambah lamnge Kasado (Nhật Bản) mai  Việt Nam. Mbang camereip radeih chuyên dụng siêu trường, siêu trọ hu pandar piah ba dom toa radeih pasei ni meng pambah lamnge  Khánh Hội mai depot Long Bình (quận 9). Tui mban khik ramik jalan pasei  đô thị TPHCM, canah jalan metro ka 1 hu  17 kapul radeih  hu ngak di Japon. Dalam tuk camereip meda taduan song peih nduac janih radeih hu 3 toa. Radeih pasei ni atah  61,5 m, pajeng hu  930 urang.

Tui Cục Chế biến saong Patagok darak kaya nong, dom harei tapa, dom janih njam patam saong baoh karaoh di dom tỉnh bhum taneran kraong Cuu Long, Ban raya HCM tagok yaom kayua hanjan ribuk. Cambaic laic, yaom bei Prang, carot, sup lơ tagok yaom 10.000 đ/kilo. Langiu di nan, rilo janih baoh kayau jeng tagok yaom. Pak di Kiên Giang, yaom patei ameh tagok yaom gilac meng 9000 – 10.000 đồng sa thi, tagok glong 5 mbang dut saong tukvak ini thun 2019. Yaom baoh panat Thái di Hậu Giang, Vĩnh Long, Cần Thơ…gaok tuk tagok tal jaik 70.000 đồng sa kilo, kuhria rahntapa tagok labaih 25.000 đồng kilo, dut saong pauac bilan 8.

Tuk vak  2011 – 2020, Gilang pariak sarak karja dhar  Cần Thơ hu pabak samar bruk caong mesraiy  ka jiak  325.000 boh sang kan kathaot, sang jiak si kathaot song dom urang dalam sarak karja karei karei, oh caik ka dom urang halei khin mesraiy jien, ginup  điều kiện bo oh hu mesraiy phun jien sarak karja di rajaei. Tapa nan dong hu ka labaih  ka 52.000 boh sang yam tapa kan kathaot, labaih  44.400 anek saih, sinh viên hu jien piah bac daa, jiak 141.000 urang ngak duah hu bruk ngak , rik dong siam dalam bruk patrun kan kathaot di ban . Tui nan kuhria tal puac thun  2019 ban  Cần Thơ dok 0,66% boh sang kan kathaot tui tanut kan rilo gah.

Bol lin biên phòng tỉnh Sóc Trăng birau brei 1 tấn meteh brah ka dom baoh sang raidiuk kan kandah di xã Trung Bình saong ban sit Trần Đề, huyện Trần Đề. Tapa nan, piah rik daong dak padang bruk jum pataom taong abih bangsa, dak padang hatai jia dalam bhap bini tame urang ngak praong di Đảng, rik daong talei rohim bol lin saong bhap bini di bhum tapen tasik di negar hu khang kajap, rik daong khik siam salamat xã hội di bhum taneh tapen tasik negar dalam tỉnh.

Bruk ndom puac tapak mek janeh gauk tok sa mbang camereip di 2 urang daok pakacah gauk lac Phó Tổng thống Mỹ ong Mike Pence haong Thượng nghị sĩ Kamala Harris meng tuk mon 8 mesup ni (8/10) di sang bac Đại học Utah. Mbang ndom nyai nao mai hu rah tabiak  ala bruk ba danak dak di Chánh văn phòng di hãng tin USA Today di Washington - muk Susan Page. Dom jalan pacang caga Covid  hu peih ngak catang. Dom mbang ndom nyai nao mai rah tabiak song asal kadha ka bruk Tổng thống Trumph dok njauk Covid-19 song patagok  vắc-xin pacang Covid-19.

Tổng thống Nga Vladimir Putin meyaom bruk cuh iek hu jak jeng tên lửa hành trình siêu thanh Zircon birau lac sa bruk praong ngan saong negar. Bruk cuh iek rah tabiak di harei 6/10 di baoh gilac sruh angan  Đô đốc Groshkov di tasik biển Trắng, gah Barak negar Nga. Tên lửa cuh tame tasik Barents. Dahlau di nan, urang ngak praong di Nga lac tên lửa Dia-con meda par samar  tal 9 mbang dut saong  sap yawa saong cuh tah tal 1.000 km.

Di dunya hu jiak 1,1 triệu urang metai dalam labaih  36,3 triệu urang njom nCoV, WHO kuhria mboh lac virus nyu njom tabiak  10% menuac sia dunya. Mỹ - bhum jit prong abih di dunya, hu  9 bang khan lac urang njom  nCoV tagok glong di abih dalam labaih sa adit tapa, rilo meng lac di gah pai. Dom urang ilamu gah y tế Mỹ oh ka thau cambaih kayua halei ba tal bruk urang njom tagok khang, min urang tok tacei tabiak bruk gleih glar di bhap bini ngan song dom jalan pacang caga jit song anek saih jeng hu mai bac veik./.

Urang lang: Ái Nghiêm – Hani Pha – 08/10 10:43:40