Ban Hà Nội brei pacang cakak Sang iek ruak nhiệt đới Trung ương (labik Đông Anh)

Mesup ni di Hà Nội rah tabiak bruk pahadar 70 thun padang gah gilang pariak karja Việt Nam (6/5/1951 - 6/5/2021) song taduan mek Huân chương Lao động hạng Nhất. Hu mbaok song brei panuac, Tổng Bí thư Nguyễn Phú Trọng pok meyaom dom rik dong prong di gah gilang pariak dalam luac 70 thun tapa song ndom lac: gah gilang pariak song labik dang lac “rak darah di gah kinh tế” brei jhul pakhang abih gah, samu gauk dalam ruk salih bahrau piah rik dong ba taneh ia tagok samar jang song khang kajap jang dalam vaktu bahrau.

Ngak tui tacei pato di Thủ tướng Rajaei, Tỉnh ủy Hà Nam hu jao brei Mban cán sự Đảng UB bhap bini tỉnh tacei pato jabat chức năng samar ngak brei cambaic laic bruk ngak, langyah catang bruk di urang pambuak tal jit ruak Covid-19 njom mbak dalam tỉnh. Dalam harak pathau khan Thủ tướng Rajaei, urang ngak praong di tỉnh Hà Nam brei thau hu ba tabiak kaoh tui hukum bruk ngak pambak jit ruak di palei Quan Nhân, xã Đạo Lý, huyện Lý Nhân saong langyah tui jalan cảnh cáo, ba angan tabiak truh angan palih ruah ka HĐ bhap bini huyện, xã ngan saong dom urang pambuak tal.

Harei 5/5, mintri Y tế hu panuac ieu urang halei salah bruk brei dok karei brei hu panuac sinya oh tabiak truh sang song labik drei dok, oh pataom gauk, tal labik rilo menuac. Meyah nao tal tỉnh ban karei brei khan dahlau ka pasak pasang iek ruka kik tỉnh, ban labik dok piah khan ka labik drei nao tal, khik iek pren yava. Urang brei dok karei pak di sang hu dut iek nCoV dalam harei canecar (kuhria meng harei tamat bruk brei dok karei). Meyah mboh âm tính ye hu pasang iek pren yava mbiah tal tuk ginup 14 harei; meyah njauk dương tính ye brei dok karei pak di labik y tế.

Ban Hà Nội brei pacang cakak Sang iek ruak nhiệt đới Trung ương (labik Đông Anh) kayua hu urang bac sĩ likei njom ruak Covid-19; brei padeih taduan urang ruak tame meng harei 5/5 saong dut iek ruak ka taong abih urang ngak bruk di sang iek ruak. Taong abih urang ngak bruk, urang bac, urang ruak saong guak gar di urang ruak di 2 labik Giải Phóng saong Đông Anh brei mek darah dut iek ruak, brei daok karei di sang iek ruak. Hà Nội urak ini hu 5 urang njom ruak dalm bhap bini, daok pacang dom labik piah padam jit.

Tui Cục Thú y, kuhria tal harei 5/5, dalam negar hu 11 sruh jit laka cambuai tapaok kakau ka oh tapa 21 harei, song tong abih athur rong njom ruak lac 434 drei, dom athur am cuh klaak lac 25 drei. Taphia di nan, dalam negar hu 376 sruh jit tả pabui châu Phi di 25 tỉnh, ban ka oh tapa 21 harei; tong abih pabui am cuk klaak lac 25 ribau drei. Cục Thú y hu padang dom kapul ngak bruk tal dom puk palei hu jit, tacei ba, pasang iek, hu panuac kakei bruk pacang caga jit ruak athur rong.

Harei ini, di Anh, Ngoại trưởng kapul 7 negar công nghiệp dang akaok dunya iew lac G7 ginum biai piah caga ka bruk nyaom biai pakat glaong di kapul di bilan 6 anak. Ini lac mbang taom gaok tapak akaok meti di dom Ngoại trưởng G7 dalam 2 thun tapa. Danak dak nyaom biai pataom tame bruk mesruh pacang caga jit Covid-19, pasiam veik “hijao” hadei jit…Tui kuhria, dom bruk karei yau Myanmar, Libya… meda hu dom Ngoại trưởng G7 ginum biai dalam dom mbang ginum biai harei ini, hu mbaok di dom taneh ia hu da-a lac Australia, Ấn Độ, Hàn Quốc, Nam Phi saong Brunei – taneh ia daok ngak taneh ia ASEAN.

Harei ni, Australia brei mbang par camereip tal Ấn Độ ba tui 1056 jamriak dong suah yava, 43 jamriak ngak tabiak oxy haong rilo pandap panda y tế piah dong ka bruk pacang jit Covid-19. Ni lac mbang ba pandap camereip bo Australia brei ka Ấn Độ. Dahlau di nan, rajaei Australia batabiak sarak pakauh bhap bini meng ẤnĐộ mai palei. Yaom lac bruk pakauh ni tok hu pandar tal harei 15/5, min dok gaok bruk cagar veik dalam bhap bini, dalam nan hu urang ẤnĐộ daok di Australia.

Đan Mạch birau brei thau dom jalan pambuak veik bruk mbang ngui daok dang yaok harei. Dom labik chieu phim, sang daoh saong pasak padhih the thao brei peih pabah mbang gilac veik meng harei paguh; dom bruk ngak langiu pataom rilo manuac ala 2.000 urang hu pambuak veik meng harei 21/5, dom bruk pataom tame dalam sang hu tagok 50 urang saong 100 urang meyah peih ngak di gah langiu. Bhap bini hu mbaok tame dom bruk njauk brei hu harak dut iek Covid-19, brei thau bruk klauk jru saong mboh âm tính virus Sar-cov2 dalam 72 tuk.

Urang lang: Ái Nghiêm – Hani Pha – 05/05 16:44:36