Brah hu caga dong ka dom urang gaok bala di jit ruak covid 19 

Mesup ni,Mintri Lao động-Thương binh song  Xã hội peih nyaom biai ba tabiak bruk urang ngak, urang buh pren ka taneh ia song xã hội thun 2021. Brei panuac di nyaom biai, Phó Thủ tướng Vũ Đức Đam tong yaom: thun 2020, gah Lao động-Thương binh -Xã hội hu rilo salih bahrau, abih di nyu lac duah thau harak gar  urang hu pren yava ka taneh ia, peih pok jien dong 62 ribau tỷ đồng ka dom urang gaok kan kandah kayua jit Covid-19. Phó Thủ tướng hu panuac ieu mintri  Lao động -Thương binh song Xã hội pambuak bruk khang kajap jang song dom mintri  dom gah dom kapul nyaom xã hội piah dong  dom sarak siam mekre tal jiak bhap bini jang .

Hầm Hải Vân 2 dalam ban sit Đà Nẵng hu peih pakak di dah page ni (11/1). Bruk ni daok dalam danak dak hầm jalan takai Đèo Cả, atah 6,2 km, lac danak dak hầm jalan takai atah abih di Đông Nam Á. Lac danak dak kan kandah abih gah kỹ thuật saong langyah tui công nghệ, hầm Hải Vân 2 hu ngak salah hadei di 4 thun meda rik tame bruk patrun patakik bala di dom jalan ceik. Dalam tukvak tabung glaong Tết Nguyên đán 2021, dom sruh radaih hu nao tapa 2 jalan hầm meng harei 1/2 tal puac harei 21/2/2021. Hadei di nan, hầm Hải Vân 2 padeih brei nduac kayua gaok kan kandah gah jien padai, hầm Hải Vân 1 jeng daok brei nduac yaok harei.

Harei 11/1, Học viện Quân y brei thau, mintri Y tế bahrau pasang iek brei klauk iek vaccine Nanocovax ka nyaom pandar janih glong di abih  75 mcg (microgam). Tui kuhria, 3 urang hu klauk dahlau song hu tui iek dalam  72 tuk. Tuk nyaom 3 urang camereip  hu salamad, kapul ngak iek hu klauk  ka 17 urang patui di nan. Jeng tui Học viện Quân y, 40 urang klauk iek janih 25, 50 mcg urak ni pren yava siam mekre  song eng drei tui iek pren yava di sang. Bilan  2/2021 hu peih mbang ka  2 klauk iek jru Nanocovax, brei hu meng 400-600 urang halan hatain dalam umo  12-75 thun.

Tapa bruk dut iek mbang ka 9 di "urang ruak ka 1440", umo 33 thun di dah page ni 11/1 jeng daok dương tính haong nCoV, hadei di 17 harei taong ruak Covid-19. Sở Y tế tỉnh Vĩnh Long brei thau "urang ruak 1440" meng tuk tame sang iek ruak tal urak ni oh mboh hagait karei. Ni lac sa dalam 6 urang mai meng Myanmar tame negar suan hukum tapa jalan sit, jalan takai di dah page harei 24/12/2020. 15 urang taom gaok jaik (F1) haong “urang ruak 1440” tapa dut iek mbang ka dua mboh âm tính nCoV. Klau urang karei dalam kapul klaak palei tame negar drei jeng njom Covid-19

Mesup ni (11/1), Jabat Cảnh sát pasang iek,duah thau Công an huyện Châu Phú, tỉnh An Giang brei thau lac hu tabiak harak brei ba tabiak kaoh tui hukum song chap khik  Đặng Văn Liêm,umo 45 thun, ở xã Giai Xuân, huyện Phong Điền, ban .Cần Thơ piah duah thau ka bruk “Pajeng ba suan hukum jru phien”. Mesup 31/12/2020, Liêm peih radeih mô tô pajeng 16kg cần sa tal Cần Thơ. Tuk công an ieu padeih radaih piah pasang iek, Liêm oh pang tui bo peih nduac klaak, hadei di nan klaak radeih song cần sa, chat trun ribaong piah nduac. Beir harei nan, Liêm njauk chap mek. Dalam tuk pasang iek, Liêm khan lac dahlau di nan hu rilo mbang pajeng pah, yaok mbang meng  5 tal 10kg cần sa piah mbang jien pah.

Nhật Bản bahrau ni duah mboh biến thể virus SARS-CoV-2 bahrau meng 4 tuai Brazil, ngak tagok bruk duh hatai ka bruk salih janih karei jang yau jalan njom mbak ruak di Covid-19. Viện njom mbak ruak pakat negar Nhật Bản brei thau, ka oh hu bằng chứng brei mboh chủng virus bahra meng Brazil hu tanut biak kanjak jhak jang saong njom mbak glaong jang tanut njom mbak glaong jang chủng virus yaok harei. Gah roh duah Nhật Bản urak ni daok pasang iek ka dom janih biến chủng Covid-19.

Dom urang pasang iek di  Ủy ban Salamat jalan mbak pajeng ba pakat negar  Indonesia ndom lac, sruh Boeing 737 di  Hãng kapan haoh  Sriwijaya  gaok bala meda patuh hadei di tuk laik trun tasik Jakarta di negar ni. Dahlau di nan harei 9/1, sruh kapan haoh pajeng tui  62 urang, dalam nan hu 12 phi hành đoàn song 50 tuai, ye lahik hadei di 4 minite par tagok. Urak ni gah dong duah dok pataom tame duah dom urang njauk bala. Paaop jnuk  di sruh kapan haoh jeng hu pataom mek piah duah thau makna ba tal bala.

Hu takik di nyu 13 urang metai dalam tuk 27 urang karei lahik hadei di bala jaleih taneh biak trak rahtabiak di tỉnh Tây Java di Inđônêsia di dah page 10/1. Hajan praong melam 9/1 ngak brei jaleih taneh di ban sit Sumedang, hadei di nan, mbang jaleih ka dua nyu lam lahik rilo bhap bini saong kapul daok duah dom urang njauk bala dalam bala jaleih taneh mbang camriep. Rajaei Inđônêsia brei thau urak ni daok rilo urang lahik, rilo abih lac dom urang daong manuac njauk bala./.

Urang lang: Hanipha- Thu Thảo -11/1