Hu rilo urang njom ruak dirilo labik karei karei 

Meng harei 1/7/2021, tui Sarak 20 - thun 2021 di Rajaei hu pabak dom urang di bhum urang bangsa takik saong bhum ceik hu brei saoh thẻ. Nan lac urang umo thun ginup meng 75 thun tal 80 thun sang kan kathaot, jaik kan kathaot daok di dom xã, palei bhum urang bangsa takik saong bhum ceik biak kan kathaot; uranaih umo ala 3 thun sang kan kathaot, jaik kathaot daok di dom xã, palei bhum urang bangsa takik saong bhum ceik biak kan kandah; urang njom HIV/AIDS sang kan kathaot jien mek tame yaok bilan oh tani tanat.

Đắk Lắk hu labaih 1.000 urang hu angan je dalam bhap bini bangsa takik. Luac 2 thun tapa, urang hu angan je kham merat dalam bruk pathau khan jak ba mik va urang bangsa takik  peih ngak dom bruk pacang caga jit ruak  Covid-19. Urak ni Đắk Lắk dok pataom tame pathau khan pacang caga jit ruak  tui rilo jalan ngak, lagaih song bruk di yaok puk palei, yaok bangsa.Langui di bruk sangka pathau khan tapa dom jalan  papar sap di puk palei, pathau khan meng rilo sap bangsa takik, tỉnh hu jhul khang  bruk ngak di kapul urang jakar, urang hu angan je dalam  bhap bini bangsa takik tame pathau khan song ba akaok nao dahlau dalam bruk pacang caga jit  .

Jala pandiak 16/6, Mentri Y tế brei thau, dalam 6 mon tapa, dalam negar hu 176 urang birau njom Covid-19, dalam nan hu 2 urang brei daok karei chip hadei di tuk tame negar di Tây Ninh. Hu 174 urang ruak dalam negar, di Bắc Giang 128 urang , di TPHCM 35 urang, daok veik hadom lac di Bắc Ninh, Hà Tĩnh saong Nghệ An.

Mesup ni ,sang iek ruak  Đại học Y dược TP.HCM brei thau, hu sa urang kamei  ngak bruk di sang iek ruak  mboh yau njom Covid-19. Sang iek ruak hu mek mẫu dut iek tong abih  menuac di khoa ni song dom urang taom gaok jiak, abih tih lac 336 urang  song mboh âm tính. Urak ni sang iek ruak padeih taduan urang ruak  song pacang veik  Khoa nội thần kinh. Di  huyện Bình Chánh, UBND xã Bình Chánh jeng bahrau pathau khan ka sa urang medil njom  Covid-19, lac urang ngak bruk di khoa dut iek pasak  Y tế quận Bình Tân. Dahlau di tuk njom  Covid-19, meng harei  2 tal  14/6, urang kamei  ini hu nao tal dom labik  pandiak ka jit Covid-19 takik di abih  15 mbang piah mek mẫu dut iek ka rahra.

Harei 16/6, Công an tỉnh Đồng Nai brei thau lac chap mek Bùi Mạnh Hùng, Phaok Yam ndoc Pasak nyaom biai saong peih ngak sự kiện - Jabat UB bhap bini tỉnh Đồng Nai piah duah thau ka bruk “ Pachot pagat blah mek drap ar”. Dahlau di nan, Công an tỉnh taduan rilo harak pathau Bùi Mạnh Hùng pachot pagat blah mek drap ar di rilo urang. Tapa duah thau, tuk camereip mboh lac Hùng meblah di muk Nhan Thị Hồng Loan daok di quận 7, TPHCM labaih 400 triệu đồng.

Tui blah yaok pataom dunya Worldometers, kuhria tal  mon 6 mesup harei 16/6, jit prong  Covid-19 daok tamuh khang di  220 negar song bhum taneh, njom mbak anek ruak ka labaih  177 triệu urang song ngak brei labaih  3,83 triệu urang metai . Labaih  162 triệu urang ruak hu tong abih  virus corona chủng bahrau  song jiak 11,8 triệu urang ruak trak dok hu iek ruak. Dalam harei kabroi, Brazil lac bhum jit pandiak abih di dunya, hu labaih  78.300 urang ruak bahrau song jiak  2.300 urang metai.

Subuh page ini, bol lin kapal haok I-xra-en patuh phao tame dải Ga-da hadei di tuk dom urang Pa-le-xtin palao baoh blung par apui khuah mai bhum taneh gah meraong I-xra-en, ngak khuah labaih 20 labik. Ini lac bruk taong tame akok meti di I-xra-en pak dom bhum taneh urang Pa-le-xtin di Dải Gaza kuhria meng tuk dua gah ginum biai brei padeih patuh phao kayua Ai Cập dang kreh piah padeih 11 harei mesruh gauk di bilan dahlau.

Tui kuhria, kapan vũ trụ hu menuac peih Thần Châu-12 hu nao tame  quỹ đạo di mesup  17/6. Bruk ini hu jabat  Vũ trụ hu menuac peih  Trung Quốc brei thau dalam mbang  họp báo mesup ni.Kapan Thần Châu 12 hu ba 3 phi hành gia tagok bilai vũ trụ Thiên Cung dalam  3 bilan piah ramik pasiam veik song peih dom  bruk  ngak không gian karei.Ni lac sa dalam dom bruk njauk ngak piah ngak salah  bruk padang bilai vũ trụ Trung Quốc tui kuhria di puac thun 2022./.

Urang lang: Hanipha- Ái Nghiêm -16/6