Rilo urang jakar urang lin padeih ngak pakat glong hu mbaok pak ni 

Mesup ni,di Hà Nội,Quân ủy Trung ương, mintri Quốc phòng peih bruk taom mbaok urang jakar pakat glong Bol lin padeih  hưu, padeih ngak di thun 2020. Đại tướng Ngô Xuân Lịch, Ủy viên mintri Chính trị, Akaok mintri  Quốc phòng hu khan brei dom urang nan thau ka jalan padang ngak bol bala  dom thun anak tal; abih di nyu nan lac bruk pok panuac tagok Đảng, karja ka bruk quân sự, quốc phòng; dak padang quốc phòng tong abih bhap bini, dak padang bol bala bhap bini … Ong Ngô Xuân Lịch cong khin dom uang jakar pakat glong padeih hưu blaoh, padeih bruk blaoh patagok ilamu “Urang lin Wa Hồ”, hu rilo rik dong, ka bruk cách mạng di Đảng song bruk dak padang bol bala.

Harei 12/1, Công an TPHCM peih bruk brei thau lac padang jabat An ninh mạng saong pacang caga khol tội phạm pandar công nghệ glaong (jabat PA05). Tui akaok UBND TPHCM Nguyễn Thành Phong, meng thun 2017, an ninh mạng hu ban raya  thau lac sa dalam 4 bruk praong di danak dak padang ban raya HCM jeng đô thị thông minh. Bilan 10/2020, ban hu tabiak mbaok pasak salamat khau tin piah peih bruk pasang iek, pacang caga saong daong ka bruk khik salamat khau tin. Bruk padang jabat PA05 di Công an TPHCM lac sa kadha praong, pabak bruk ngak dalam tukvak bahrau.

Bộ Chỉ huy Bộ đội Biên phòng ban raya HCM song tỉnh Bà Rịa-Vũng Tàu bahrau jao sarak  ba 93 urang jakar, urang lin daong pabak bruk khik iek jalan tapen negar song hu mbaok tame pacang caga jit Covid-19 di jalan tapen negar gah Tây Nam. Dahlau di nan, Bộ đội Biên phòng ban raya HCM hu ba 83 urang jakar, urang lin nao ngak bruk di jalan tapen negar Tây Nam. Bruk pabak urang jakar, urang lin di jalan tapen negar piah patagok bruk mesruh pacang dom bruk tame negar suan hukum dok tagok tui rilo jalan ngak dak harei dak kan mboh. 

Mbang langyah Trịnh Sướng, Giám đốc Công ty TNHH Mỹ Hưng, tỉnh Sóc Trăng saong 38 kol tangin takai di nyu dalam bruk ngak xăng ja praong abih  njauk brei padeih kayua sa urang manek, sa urang daok taong ruak glo akaok saong sa urang oh hu mbaok oh thau kayua halei. Dom urang njauk ba tabiak langyah ka duas ngak tabiak, pablei salih pandap ja tui paka 192 BLHS, tui nan duas ini njauk caik guk meng 7-15 thun. HĐXX brei padeih mbang langyah tui hukum kayua ni lac sa vụ án biak trak, dom bị cáo pambuak tal gauk yau nan ye bruk oh hu mbaok di dom urang meda gaok tal kein laba, bruk ngak di dom bị cáo karei. Tui kuhria mbang langyah tui hukum meda hu peih veik hadei di Tết sak  kubao 2021.

Harei 12/1,Mban tacei jalan pacang caga, jit Covid-19 tỉnh Đồng Tháp brei thau, urang ruak  1452  tapa duh iek mboh âm tính mbang ka 3 song SARS-CoV-2 song 8 urang F1 mboh âm tính mbang ka 2.Urang ruak 1452 lac sa dalam  6 urang meng Myanmar tame suan hukum tapa jalan sit tame Việt Nam harei 24/12. Di huyện Thanh Bình, 1 uang tame suan hukum meng jalan tapen negar bahrau duah mboh. Gah chức năng dok samar brei dok karei 8 urang taom gaok jiak song mek mẫu di urang tame VN suan hukum piah dut iek.

Nhà Trắng brei thau Tổng thống Donald Trump hu tabiak bruk samar drak di Washington saong ieu liên bang daong pabak tame dom kham marat pacang caga di ban ine meng harei 11 tal 24/1 kayua dom bruk samar drak tamuh tabiak  ngak kan kandah tal bruk tagok rai ngak Tổng thống di ong Joe Biden. Anak harei tagok rai di ong Biden harei 20/1, FBI brei thau dom bruk trun jalan daok hu caga peih tabiak di 50 baoh sang nghị viện bang saong baoh sang Quốc hội Mỹ.

Tổng thống Bồ Đào Nha Marcelo Rebelo de Sousa bahrau brei thau lac dương tính haong vi-rút SARS CoV-2. Ong Mác-xê-lô Rê-bê-lô Xu-xa dok khin ngak mbang ka 2 dalam bruk palih ruah harei 24/1 anak tal.Tui kuhria harei ni,Tổng thống Bồ Đào Nha hu taom gaok dom urang  y tế piah ginum biai ka bruk pacang cakak negar dalam tuk jit Covid-19 dok rah tabiak kan kandah.

Rilo tinh, bal di Nhật Bản, abih di nyu nan lac dom tỉnh gah barak saong tapen tasik tuyết laik kapan yaok mét.Tal urak ni hu yaok pluh urang metai, yaok rituh urang njauk rambuac kayua tuyết.Tuyết khang jeng ia patau ngak ka bruk nao mai gaok kan kandah, janar, mbuan rahtabiak bala.Di dom tỉnh Toyama,Fukui tuyết laik kapan meng 80-90 cm.Di Hokkaido,Niigata, tuyết pataom di tabung sang yaok mét.Daok di tỉnh Niigata ye kan kandah jang kayua ribuk tuyết,ni jeng lac labik hu rilo manuac metai abih kayua bala di tuyết laik./.

Urang lang: Hanipha- Thu Thảo- 12/1