Urak ini, bhap bani Cam Chăm pak bal raya Hồ Chí Minh hu labaih 6.000 urang. Dom thun tapa, Rai diuk mikva Cam di bal raya hu ralo salih bahrau, hu jien blei ralo pandap panda pandar dalam sang yau: tu la-ar, bếp hồng ngoại, tivi... Tui nan, yaok baoh sang jeng pandar điện rilo jang saong bayar jien điện rilo jang. Piah paglaong akaok saneng ka bruk pandar điện siam mekre, patak pataom ka bhap bani, Tổng công ty điện lực bal raya Hồ Chí Minh pambuak haong dom mban, ngành, quận, huyện peih bruk pakacah gauk pandar điện patak pataom. Bruk  ini ba mai ralo siam mekre, daong ka bhap bani patak pataom hu jien ndo saong khik caga môi trường, grap tanat năng lượng taneh aia.

Phường 17, quận Phú Nhuận labik hu labaih 120 baoh sang urang Cam. Urak ini, rai diuk di mikva Chăm labik ini dak harei dak tagok, taong abih baoh sang pak ini thei jeng pandar dom pandap điện dalam dalam sang. Thun 2017, Công ty Điện lực Gia Định pambuak haong haong quận Phú Nhuận peih tabiak bruk pathau khan pakacah gauk patak pataom điện tal dom baoh sang…dalam nan hu labaih 45 baoh sang urang Cam hu mbaok tame. Sang sa-ai Ma Riêm daok di phường 15, quận Phú Nhuận, bal raya Hồ Chí Minh. Urak ini, sang sa-ai Ma Riêm pandar taong abih pandap panda dalam sang jeng meng điện. Yaok bilan sang sa-ai ba-yar jien điện meng 600 tal 800 ribau đồng. Hadei di tuk hu mbaok tame van pathau khan patak pataom điện pandar dalam sang kayua dom urang halan hatian daok pak phường tacei pato. Sa-ai Ma Riêm hu thau cambaih saong tacei pato veik ka dom urang dalam sang pandar điện hợp lý. 

Sa-ai Nguyễn Thị Ánh, urang ngak bruk pathau khan di  phường 17, quận Phú Nhuận brei thau: tapa pathau khan pakacah gauk patak pataom điện bo dalam 6 bilan akaok thun  2017, phường hu labaih 10 baoh sang urang Cam patak pataom điện, mek hu labaih 3% dut haong tukvak ini thun dahlau. Tapa nan, phường hu quận pok meyaom lac peih ngak siam bruk patak pataom điện: Langiu di bruk pathau khan dalam dom mbang sinh hoạt tổ dân phố, khaol dahlak daok ginum biai haong dom ong hakim, na-ip dalam bhap bani pathau khan dahlau atau hadei di tuk sambahyang, kakei mikva pandar điện tuk njauk pandar, caik hatai tal bruk pacang caga khuah patuh, takik pandar dom pandap mbuan khuah. Mikva Cam ngak tui biak siam.

Pak Phường 1,  Quận 8, bal raya Hồ Chí Minh, bhap bani  Chăm hu mbaok tame  mbang pasram kayua dom urang pathau khan patak pataom điện di Kapul urang kamei quận 8 pambuak haong Công ty điện lực Chợ Lớn peih tabiak. Hadei di sa thun peih ngak hu ralo baoh sang bhap bani bangsa takik ngak siam bruk patak pataom điện. Pagap yau baoh sang sa-ai So Phi Gia. Sa-ai So Phi Gia lac sa dalam dom sang nao dahlau dalam bruk patak pataom  điện di Phường 1 brei thau: Dahlau diah, sang sa-ai rak aia meng bếp từ hu công suất 2000W, hadei di tuk hu mbaok tame danak dak, sa-ai hu thau saong salih bình rak aia patak pataom điện, trun hu 1/3 công suất. Urak ini, yaok bilan sang sa-ai abih takik jang meng 200 tal 300 ribau đồng jien điện.  

      Oh ta-eng hagait adei sa-ai kumei Chăm di Quận 8, quận Phú Nhuận ngak siam bruk pakacah gauk “Patak pataom điện pandar dalam sang” bo daok hu ralo sang urang Cam di Phường 13, Quận 3 jeng hu mbaok tame bruk ini. Piah hu pok brei angan lac baoh sang patak pataom điện, dalam 6 bilan tapa, dom baoh sang patrun hu takik abih meng 3- 5 % điện pandar dut haong tukvak ini thun dahlau saong mboh tangin sanya patui veik di dom bilan hadei. Langiu di dom tiêu chí nan, dom baoh sang njauk pandar dom janih patak pataomđiện yau: Bình điện ia harei, gom patak pataom điện, menyek compact, máy điều hòa patak pataom điện…

      Yaom lac bruk ngak sit, min piah ka bruk patak pataom điện hu jeng bhian randap saong hu tame dalam hatai sahneng di yaok urang, tukvak anak tal, karja pu njauk patui veik jhul pakhang bruk pathau khan, jak ba bhap bani hu mbaok tame, piah rik daong haong gah Điện lực ngak siam bruk pandar điện patak pataom, khik caga môi trường saong an ninh năng lượng negar./.