Mikva Cam gah meraong bui sambai tame bilan Ramadan
 
Mikva saong grauk yut uranam! 
Harei ini, harei 27/5, labiah 45 rabau urang Cam Islam yam tame harei akaok mereip di bilan eik Ramadan. Ini lac bilan siam abih dalam thun di urang Cam Islam daok gah meraong. Dom thun tapa, hu bruk sangka di Đảng saong karja, raidiuk di mikva hu rilo salih barau. Mikva Cam ngak siam tui dom sarak di Đảng, hukum di karja, diukrai siam ka dunya, mekre ka agama, bui sambai yam tame bilan eik Ramadan. Kadha vak di Hanipha –urang vak di rayo sap ndom VN daok di ban raya Ho Chi Minh.  
     Urak ini, An Giang hu labaih 17 rabau urang Cam Islam, daok rilo di huyen An Phú saong ban sit Tân Châu. Thun ini, mikva uan tabuan kayua raidiuk hu tani tanat saong laneng lahei jang. Thun 2016, huyen An Phú hu patruh eik ka labaih 300 sang urang Cam, peih dom tan pato bruk saong ba bruk ngak ka 550 adei saai kumei Cam ngan saong jien mek tame meng 3 tal 4 trieu dong sa bilan. Kinh te hu hadah hadai, jien mek tame tani tanat jang. Ramadan thun ini sang halei jeng blei caik piah pandap mbang biak rilo. Yaok melam, dom sang megik, surao di An Giang hu biak rilo mikva mai talaih eik.
- Xã Bình Sơn, huyện Long Thành, tỉnh Đồng Nai urak ini hu labaih 100 sang mikva Cam. Dom thun jaik ini, raidiuk di mikva dak harei dak salih barau kayua dom công ty, libik cong nghiep oh lac ba bruk ngak ka urang ngak di puk palei bo daok ba  bruk ngak ka rilo urang ngak di dom tỉnh, ban jaik taphia ye : An Giang, Tây Ninh saong ban raya Hồ Chí Minh. Urak ini, mikva Cam hu patruh kathaot labaih 80%, jalan nao mai hu mbuan lagaih jang, hu labaih 60% sang pandar Internet, taong abih anek kamuan urang Cam hu nao bac njauk thun. Bilan eik ini, mikva Cam oh lac pataom gauk sambahyang di sang megik bo daok pakacah bac Qur’an, pakacah daoh tamia, pasram padhih di sang ilimo bhapbini di xã.
- Oh lac hu mikva Cam An Giang, Đồng Nai, Tây Ninh, Ninh Thuận, Bình Thuận tame bilan eik Ramadan dalam  bui sambai bo mikva Cam di ban raya Ho Chi Minh jeng yau nan. Meda lac dom jamaah mikva Cam hu patruh kathaot labaih 90%. Taphia nan, yaok thun mban dai dien bhapbini Cam Islam ban raya jeng hu alin pandap saong jien ka dom sang kan kandah. Langiu di nan, Mban bangsa ban raya, uy mban mat tran negar ban raya jeng jak ba manh thuong quan, dom doanh nghiep dalam ban raya rik pataom, daong ka mikva mbang eik, ngak siam bruk agama. Ini jeng lac bruk pachreih ba praong ka mikva Cam thau daong gauk yam tagok ngak kaya meda di ban raya hu angan Wa Ho anit ranam.
- Urak ini, raidiuk di mikva Cam dak harei dak hu salih barau. Mikva oh var hu bruk daong di Đảng saong karja, ba gauk jum pataom diukrai siam ka dunya, mekre ka agama. 
       -Ngan saong mikva Cam gah meraong, bilan eik Ramadan hu makna biak praong, ini lac bilan piah dom urang dalam sang mai pataom gauk, ba gauk ngak bruk pahla. Tapa nan urang dak kak kajap jang talei rohim jum pataom, ba gauk khik ilimo, patagok jalan diukra :siam ka dunya, mekre ka agama” di urang Cam gah meraong./. 

                                                                                                                                                                     Thúy Linh