Harei ni, harei 26/6, labaih 45 ribau  mik va Chăm Islam saah bilan eik Ramadan dalam bui sambai haniem phol. Ngan song urang Chăm Islam, bilan eik  Ramadan lac sa dalam 5 paka caik ka yaok urang Islam meng umo 15 thun tagok. Dalam bilan Ramadan ni, adei sa-ai atah jaik bhian mai pataom gauk mbang eik, melam nao sambahyang tarovaih di sang megik saong ngak bruk pahla. Ha Ni Pha, urang vak di rayo sap ndom Việt Nam hu kadha vak brei thau ka bruk uan tabuan tamat  bilan eik  Ramadan di mik va Chăm Islam. 

       Xã Xuân Hưng, huyện Xuân Lộc tỉnh Đồng Nai, hu labaih  1000 sang  song 4600 menuac. Urak ni, palei Chăm xã Xuân Hưng patruh kan kathaot hu labaih  80%, rilo sang hu pandar Internet, blei hu tivi, tu liar , radeih patuh piah nao mai. Tong abih dam dara di labik ni hu bruk ngak tan tanat di dom  khu chế xuất dalam  huyện, song jien bilan meng 5 tal 7 triệu đồng yaok bilan.  Dalam bilan eik Ramadan ni, yaok melam, sang megris saong dom surao di labik ni hu biak rilo menuac mai talaih eik song samen likau brei hu siam mekre salamad. Ong Haji Amad, Na-ib sang megris Nourul Ehsaah, xã Xuân Hưng, huyện Xuân Lộc, tỉnh Đồng Nai brei thau: Tong abih dom sang megris di Việt Nam  meda tanek dom pandap mbang meng kan, piah menuac urang mai talaik eik…

        Tỉnh An Giang - labik hu labaih  17 ribau mik va urang  Chăm daok, rilo meng lac di  huyện An Phú song ban sit Tân Châu. Mik va Chăm labik ni nao ngak mbang atah, min tame bilan eik  Ramadan jeng kham merat mai palei piah tom gaok gauk gar dalam sang, ba gauk uan bilan eik Ramadan. Tame dom palei  Chăm dalam bilan eik Ramadan ni, tuk harei mboh kandang joa jang. Min meng tuk ia harei tame, puk palei mboh chreih chrai tagok. Hadei di tuk talaih eik bloh, mik va ba gauk mai di sang megris, surao piah sambahyang . Hadei di sa harei eik, mik va  Chăm ba gauk mbang dom janih pandap meng kan di bangsa. Ong Rozaly, Chánh Văn Phòng Ban Đại diện urang Islam tỉnh An Giang lac: Mikva Chăm An Giang bahrau abih sa bilan eik biak siam mekre. Tuk ni, sang halei hu rimi ramik…

       Oh lac hu mik va urang Chăm di Ninh Thuận, Bình Thuận, Tây Ninh bo labaih 7 ribau urang  Chăm di ban raya Hồ Chí Minh jeng hu tamat bilan eik Ramadan.  Ong Haji Musa,  na-ib sang megik Awar,  phường 1 quận 8, ban raya  Hồ Chí Minh lac: Tong abih mik va Chăm Islam dalam jang yau langiu negar  hu tamat bilan eik  Ramadan dalam siam mekre salamag.

      Ong Haji Madreh Samael, Phó Ban đại diện cộng đồng hồi giáo urang Islam ban raya Hồ Chí Minh brei thau: “Khol hulin biak bui sambai, kayua bilan eik Ramadan hu tamat biak siam. Rai duik mik va da kharei dak tagok ,….

Thun ni, mikva Chăm taduan hu rilo bruk dong brei di dom pakat karja, dom kapul nyaom, menuac urang tuk halei jeng halan hatian klah rabha. Ni jeng lac pren khang dong ka mik va yam tagok dalam rai duik. Ramadan jeng lac tuk piah ka urang dalam sang hu taom gaok gauk, kak kajap talei rohim anit ranam gauk jang, kakei gauk duik rai siam jang./.