Piah hu angan njam hacih, mikva Cam palei Tuấn Tú salih jalan pala njam  meng kan tapa pala njam hacih sa-at. Dalam nan, hu jaik 200 ha taneh pala njam hu ngak jalan nding pruh ia patak pataom. Taong abih taneh pala njam jeng pandar dom janih pandap oh ngak jhak tal alam moi trương saong prein yawa urang blei mbang piah njam hu hacih sa-at. Meng ngak njauk tui jalan pala hacih sa-at yau nan ye tuk pablei tabiak darak pasar, urang blei mboh sanang hatai. Ong Hùng Ky, urang pala njam hacih sa-at di palei Patoh Tuấn Tú brei thau:

 “Dom thun dahlau diah mikva oh ka hu ngak jalan  pruh ia patak pataom ye dom urang blei jeng huac njam oh  hacih. Meng harei hu ngak jalan nding pruh ia patak pataom ye dahlak takik pruh jru  halak. Jalan pruh ia nan nyu rao hacih yau nan ye mikva urang Cam palei Patoh ngak mbang hu cak rok, patruh kan kathaot.”

                    Urang nong  xã An Hải ( Ninh Phước) mek hareik di lathun. Thaok binguk: Văn Miên

Yaom lac bhum taneh cuah, min palei Patoh hu rilo halau ia ala taneh. Yau nan ye, yaom lac oh hu ribaong ba ia, min meng jalan pruh ia patak pataom, dom janih njam mikva pala jeng hu ginup ia pruh piah raong nyu praong, ba mai kein laba glaong. Mikva pala njam duah hu jien tame yaok harei, hu sang pala meng dom sào tal dom ha njam hacih, laba hu yaok pluh trieu đồng sa thun. Ong Kiều Thanh Thoảng, akok palei Tuấn Tú, xã An Hải, huyện Ninh Phước, tỉnh Ninh Thuận lac:

 “ Meng bruk pala njam hacih bo raidiuk di mikva palei Tuan Tu hu cak rok patagok. Thun 2009, jaik 20% nan lac baoh sang kan kathaot, urak ini baojh sang kan kathaot daok takik, jaik 5% min. Raidiuk mikva gap mbiah mai meng bruk pala njam hacih.”

Yaom lac yau nan, min bruk pablei njam hacih di labik ini jeng daok pagam pambak tame urang blei salih saong yaom kaom oh tani tanat. Dalam tuk nan,  jien buh tame pala njam hacih glaong jang saong prein iek glang jeng rilo jang. Dom kan kandah nan nagk ka urang pala njam oh lac di palei Cam Tuan Tu saoh bo rilo labik pala njam hacih di Ninh Thuan biak haduh hatai, daok caong khin hu bruk daong di dom pakat karja, dom gah chức năng di t nh. Ong Phan Quang Thựu, Pho akaok Sơ Ngak nong saong patagok palei pala Ninh Thuan brei thau:

“Dalam tuk vak anak tal brei pambuak dom kapul, dom urang, doanh nghiep dalam saong langiu tỉnh blei njam hacih sa-at  ka mikva palei Tuấn Tú jeng yau mikva xã An Hải saong mikva dalam tỉnh. Langiu bruk pablei di dom darak pasar, siêu thị quán mbang di tỉnh ye daok  pambuak bruk ngak mbang di  Ninh Thuận saong ban raya Hồ Chí Minh ka dom janih pandap hacih sa-at ba tame pablei di ban raya Ho Chi Minh.