Tết ini, raidiuk di mikva urang bangsa K’ho daok di palei 9, xã Mê Pu, huyện Đức Linh hu tani tanat jang dahlau rilo. Langiu di bruk ngak hamu, ngak apuh, mikva labik ini daok kham merat raong limo, pabe piah paglaong jien tame.

Di palei 9, rilo sang dahlau diah raidiuk gaok oh takik kan kandah kayua kurang jien padai, kurang ilamu dalam bruk ngak mbang patagok kinh tế sang, tal urak ini hu Karja sangka daong phun jien, tacei pato jalan ngak mbang yau habar ka hu kein laba, mikva thau pandar phun jien njauk bruk, thau patak pataom, piah buh tame bruk ngak mbang patagok kinh tế, urak ini raidiuk hu tani tanat.

Sang sa-ai K’ Thị Thoa, dahlau diah lac sang kan kathaot, hu Karja daong phun jien piah sang sa-ai padang ngak sang daok pakat 4. Kapol urang kumei plei jeng hu daong ka sa-ai Thoa hu mesre phun jien meng gilang pariak sarak karja ngan saong yaom jien 40 trieu dong, hu phun jien, sa-ai Thoa blei dua drei limo abih 37 trieu dong mai raong.

Ndom biai haong khol dahlak, sa-ai K’ Thị Thoa bui sambai khan lac: Sang hu tani tanat yau harei ini, meng hu dom dei limo bo rilo thun dahlau sang sa-ai  glaih glar raong glang”. Sa-ai daok brei thau, dahlau diah tok hu dom sao taneh hamu,  nan ye oh labaih piah patak pataom, diuk pasang sa-ai njuak nao ngak rilo bruk karei kerei piah duah jien mbang tapa harei jeng yau raong anek mbang bac. Hadei di sa tukvak kham meratiek glang dua drei limo, urak ini limo menek hu jaik pluh drei, yaok thun sang sa-ai Thoa mek jien tame hu labaih 50 triệu đồng meng pablei limo. Tapa bloh dom thun bilan kan kandah, sang sa-ai Thoa urak ini hu mbluak jang dahlau biak rilo. Sa-ai K’ Thị Thoa brei thau:“ Sang Dahlak hu gilang pariak sarak karja brei mesre 40 trieu dong, dahlak blei dua drei limo binai mai raong, tal harei ini limo menek hu pluh drei. Meng hu limo bo sang dahlak tabiak truh hu kan kathaot, diuk pasang dahlak biak thau dhar phol Karja”

   Bruk praong abih njauk ndom tal di Dhar Kapul urang kumei palei 9  lac bruk urang kumei daong gauk ngak mbang patagok kinh te sang, rilo adei sa-ai kumei tuk halei jeng kham merat ngak mbang piah duah jien tame ka sang drei. Sa-ai K’ Thị Im, Phó akok Dhar Kapul urang kumei palei 9, xã Mê Pu, huyện Đức Linh, tỉnh Bình Thuận lac:“ Meng hu karja daong phun jien ka mikva labik ini ngak mbang, yau nan ye, raidiuk mikva hu patagok jang dahlau biak ralo. Rilo sang hu anek bik nao ngak kong nhan di dom Công ty nan ye duah hu jien bilan tani tanat. Urak ini, dom baoh sang hu mesre jien di gilang pariak blei limo mai raong hu bayar jaik abih sre, oh thei luai sre tavak suai.”

 Dalam bruk daong gauk ngak mbang patagok raidiuk, Dhar Kapul kapol urang palei 9 duah hu rilo phun jien ka urang hội mesre laba lap, abih di nyu nan lac dom adei sa-ai sang kan kathaot, jaik kan kathaot. Langiu di bruk daong mbuan palagaih gah phun jien mesre, Kapol urang kumei xã jeng hu pambuak bruk saong gah chức năng peih dom tal pasram ngak ngak nong, raong kaya ikan ka urang hoi. Taduan hu phun jien mesraiy, jaik abih dom adei sa-ai kumei hu raidiuk kan kandah di labik ini hu pandar njauk bruk, patak pataom, tui bruk cak rok patagok di yaok baoh sang, bo dom adei sa-ai palih ruah cak rok pala drak atau raong glang ka nyu lagaih. Meng nan, rilo urang hoi tabiak truhn kan kathoat khang kajap.

Sa-ai Lê Thị Kiều Hương, Chủ tịch Kapul urang kumei xã Mê Pu, huyện Đức Linh, t.Bình Thuận brei thau:“Maong rah tapa, mikva urang palei 9 pandar phun jien mesre njauk bruk, patak pataom tame raong limo, pabe saong pala drak, mikva urang kham ngak mbang piah patagok raidiuk. Meng nan, baoh sang kan kathaot di palei 9 trun rilo duk saong dahlau.”

 Oh lac cak rok patagok kinh tế sang meng bruk raong glang, mikva K’Ho palei 9 daok hu pala rilo phun karei di taneh apuh, taneh hamu caga hu ia pruh tani tanat, piah patagok jien mek tame dalam thun. Meng tani tarieng ngak mbang bo urak ini rilo sang dahlau daih kan kandah, urak ini yam tagok ngak kaya meda. Dom siam lagaih meng dom jalan ngak, dom sarak daong di Đảng, Karja gam saong bruk kham merat yam tagok di mikva ngak brei salih birau biak ralo xã Mê Pu jeng yau mikva urang K’Ho palei 9./.