Bruk pajeng ba hu khik ramik biak siam

Ủy ban Bangsa brei thau: meng harei 30/9 mbiah tal ini, hu yaok rituh ribau urang ngak, dalam nan hu rilo urang bangsa takik meng Ban raya HCM, Đồng Nai, Bình Dương...nao meng radaih dua kong di drei, hu takik urang hu karja palei brei radaih taduan raok ba nao pablei di dom tỉnh gah Tây Nam bộ, bhum kreh negar - Tây Nguyên saong dom tỉnh gah Barak negar. Dom palei hu sangka, brei radaih taduan raok pajeng ba daong pandap mbang, xăng radaih…Yau nan min, ralo urang  eng drei nao palei, pataom biak ralo manuac nan ye dom palei oh kuhria sumu, kurang manuac piah daong. Anak bruk yau nan, Mban tacei pato pacang caga Covid-19, Uỷ ban Bangsa iew dom palei brei hu jalan taduan raok urang meng bhum jit mai palei, abih di nyu lac urang bangsa takik daok di dom tỉnh bhum Tây Nguyên, bhum ceik gah Barak saong Tây Nam bộ, khik brei hu salamat, langyah siam bruk pagrap tanat xa hoi piah bhap bini hu sahanang hatai ngak mbang, tani tanat raidiuk di palei pala.

Mintri jalan mbak pajeng ba bahrau brei ngak iek bruk peih viek radaih pajeng tuai nao mai dom tỉnh meng harei 13 tal 20/10. Tui nan, radiah pajeng tuai tapa dom tinh hu peih tabkik di abih lac 5% saong rilo di abih lac 30% dom mbang nduac dalam harei, khik paatah di gauk. Tuai nao meng bhum mbuan njom biak glaong, bhum mbuan njom glaong tal dom tinh bal dreih yau nan atau bier jang, brei klauk ginup vaccine caga COVID-19, atau abih ruak dalam 6 bilan; hu dut iek PCR atau dut iek samar drah mboh âm tính dalam 72 maong. Daok menuac oh ginup prein klauk jru tui adat ye njauk hu dut iek PCR âm tính atau dut iek samar mboh âm tính

  Tui Mentri Pato megru, kuhria tal ini hu 23 tỉnh, ban hu brei ka anek saih tame sang bac tapak, 9 tỉnh, ban karei gam pato tapak gam pato online saong tapa rayo papar binguk. Dalam negar daok hu 13 tỉnh, ban pato bac online kayua jit Covid-19. Tui bruk kuhria mboh, hu rilo anek saih, uranaih mam non saong baoh sang meng dom tỉnh, ban mai labik sang daok di palei hadeidi tukvak pa-atah gauk. Mentri Pato megru tacei pato dom Sở pato megru brei ba mbuan lagaih, taduan anek saih tame bac di labik daok, samar ngak brei salah harak gal likau salih sang bac tui njauk bruk ba tabiak.

Labaih 200 anek saih di sang bac Tiểu học Thạnh An saong sang bav THCS-THPT Thạnh An ka oh nao tal sang bac hu di harei ini. Tui urang par akaok UBND huyện Cần Giờ, anek saih di xã pulao Thạnh An meda kandul viek meng 1 tal 2 harei dut saong harei tui kuhria lac 11/10 piah cang tacei pato meng UBND ban. Piah caga ka bruk pato saong bac online. Sang bac tiểu học Thạnh An, sang bac THCS-THPT Thạnh An hu caga salah dom jalan ngak, meng bruk dut iek PCR ka anek saih

       Melam 10/10, Công an tỉnh Ninh Thuận hu harak van ban brei ka gah bao chi thau pambuak tal bruk langyah dom urang mai meng bhum jit, dom tỉnh gah Barak mai Ninh Thuan. Tui nan, meng harei 3-8 mbiah tal harei 1/10, hu 1.362 mbang bhap bini mai palei, dalam nan cong an brei ngak harak bien ban kayua ngak suan hukum hành chính 111mbang; khik veik 679 radaih patuh. Tui Công an tỉnh Ninh Thuận, bruk langyah dom bruk suan nan njauk tui hukum karja. Yau nan min, kayua jit ruak, bhap bini gaok biak rilo kan kandah  nan ye dom urang oh ka tui bruk taong phạt, meda brei duah thau piah brei kadun tukvak taong phạt. Dom radaih hu chap khik brei bayar veik ka bhap bini hadei tuk urang salah tuklvak daok karei piah pacang ruak.

Meng harei ini (11/10), Malaysia brei klaak bruk patakik nao mai di dom tiểu bang jang yau dunya ngan haong rahra di taneh ia ini hu klauk ginup vaccine caga COVID-19. Urak ini 90% rahra praong jeng dam dara di Malaysia hu klauk 2 mbang vaccine. Min, dom menuac khin tame negar Malaysia jeng brei daok karei 14 harei. Taneh ia ini hu 2 triệu 300 rabau menuac njom saong labaih 27 ribau urang metai kayua COVID-19.

       Jabat kapal haok vũ trũ di Nga brei thau: Kayua bruk khin pandar oxi daka harei dak rilo tagok yau nan ye jabat ini brei padeih dom bruk ngak iek động cơ tên lửa di duk bilik pandang ngak  tự động hóa di Voronezh mbiah tal puac bilan, piah brei oxi pabak  ka urang ruak Covid-19. Urak ini, Nga daok having akaok ngan saong bruk parilo tagok urang birau njom Covid-19. Harei 10/10, taneh ia ini hu labaih  28.600 mbang urang birau njom ruak, dalam nan hu 962 urang metai.

Kapul di Taliban harei kabroi tabiak panuac lac bruk ginum biai haong Mỹ di Đô-ha, Ca-ta mek hu siam lagaih.Tui gah khau tin Al Jazeera, quyền akaok Mintri thông tin di Taliban brei thau, Rajaei Afganista caong lac, mbang ginum biai ini lac sa jalan nao tal bruk Mỹ công nhận Taliban. Mbang taom gaok harei kabroi lac mbang camriep di dom urang jakar ngak praong di Mỹ haong Taliban meng di tuk Mỹ ba lin tabiak truh Afganistan di bilan 8. Kapul Taliban jeng daok kuhria taom gaok dom urang lambuak di EU pak di Đô-ha./.

Urang lang: Thu Thảo -Ái Nghiêm -11/10