Pacang meon sre ka limo kabau dalam bilan liar 

Mintri ngak nong saong patagok palei pala bahrau hu Sarak ka 8711 payua dom tỉnh ban ka bruk pataom tame peih ngak khang, samu gauk dom jalan pacang caga jit ruak athur raong, menuk ada bilan đông xuân. Tui nan, jit ruak di angaok athur raong rah tabiak srau kadau, dom puk palei njauk tacei pato urang raong tui jalan sinh học; puh ramik, pruh jru pametai anek ruak di var ro meng cur tapung, jru hóa chất; peih bilan rami ramik haci hacih, pruh jru pametai anek ruak meng harei 20-12-2020 tal 20-1-2021. Klauk jru caga ka tapon athur raong, brei hu takik di abih lac labaih 80% dom tapon hu klauk vắc-xin.

Dah page harei 15-12, Công an TP.HCM daok peih mbang tabiak bruk dua bilan cap khik kol ngak chung adat dalam tukvak peih tabiak nyaom roya Đảng bộ dalam negar mbang ka XIII, harei Noel, tết Dương lịch saong tết Nguyên đán... meng harei 15-12-2020 tal 28-2-2021. Brei panuac di mbang tabiak bruk, ong Ngô Minh Châu, phó akaok UBND ndem lac Công an TP.HCM njauk ngak catang jalan pacang caga urang ngak chung lac bruk di abih urang Đảng, abih bol lin, abih hệ thống chính trị dalam nan gah công an lac dang akaok. Pak halei caik ha urang ngak chung, urang dang akaok pakat ủy, rajaei saong công an labik nan njauk hu trách nhiệm.

UBND huyện Tuy Phong bahrau hu harak ieu mBan tacei pato pacang caga bala meng langik tasik saong daong duah urang gaok bala tỉnh Bình Thuận pasang iek, pathau khan UBND tỉnh hu jalan ngak piah padang ar khang kajap, piah pacang glut jaleih, khik tani tanat takai tasik saong khik salamat ka jalan ĐT 716.Urak ini rah tui takai tasik labik palei 1, xã Bình Thạnh - huyện Tuy Phong daok glut jaleih khang di labik atah labaih 1 km.Bruk glut jalei takai tasik daok ngak kan kandah tal bruk ngak mbang, ngak huak di dom sang bhap bini, labik ngak saong pasiam kapal gilai,ngak jaleih rilo phun dương,mbang tame dalam baoh taneh meng 20 - 30m.

Harei ni (15/12), TAND TPHCM peih bruk langyah mbang camereip 19 urang pambuak tal bruk Lê Quốc Tuấn meblak mek drap ar, cuh pametai manuac.Hu thau,kayua kandah gauk dalam tuk main mbia, Lê Quốc Tuấn (ndik tapui thun 1987, daok di huyện Củ Chi, TPHCM)  cuh phao ngak brei 4 uran metai. Hadei di nan,Tuấn mek radaih mac saong 802 triệu đồng blaoh nduac nao ndauk.Di mangaok jalan nao ndauk, Tuấn blah mek 2 sruh radaih mac,cuh pametai 1 urang tra saong ngak joh jo 2 urang karei. Tuk njauk pagui cap mek, kayua Tuấn mesruh veik, nan ye gah công an cuh phao pametai Tuấn. Kayua yau nan ye, jabat Cảnh sát pasang iek, Công an TPHCM brei padeih bruk pasang iek ngan haong Tuấn.

Labik kreik menuac guk Cây Cầy (Tây Ninh) bahrau tabiak harak brei thau bruk duah chap 2 urang daok njuak guk ka duas pametai menuac, co klaik drap ar, blah mek drap ar, nduac tabiak truh sang guk ini di mesup 14/12. Dalam nan, Lâm Viết Phú Lộc (SN 1994) njauk Tòa án bhap bini tỉnh Tây Ninh kaoh duas chung thân kayua pametai menuac di thun 2017. Daok Bùi Nguyễn Thiên Thuận ((SN 1982) njauk 27 thun guk ka duas co klaik drap ar, blah mek drap ar, pametai menuac di thun 2008. Tui harak brei thau nan, urang halei jeng hu quyền cap mek saong ba 2 ja guk nan nao tal jabat công an, viện kiểm sát atau UBND halei daok jaik di abih.

Taong abih 538 đại cử tri, urang lambaok ka cử tri di 50 bang saong ban ine Washington hu plaik tapak dom blah phiếu piah pilih ruah tổng thống saong phó tổng thống Mỹ tukvak bahrau.Tui gah truyền thông Mỹ, ứng cử viên Dân chủ Joe Biden urak ni mek hu labaih 270 phiếu đại cử tri, labiah piah tagok ngak Tổng thống. Quốc hội Mỹ mbang bahrau meda pasang iek saong pathau khan cambaih laih ka bruk buh phiếu di dom đại cử tri di harei 6/1 saong Tổng thống bahrau meda tagok rai di harei 20/1/2021.

QH Hàn Quốcbrei tapa Hukum pakauk oh brei prai harak cagar veik Triều Tiên. Tui nan, taong abih dom bruk nao cagar veik Hiệp định di 2 urang dang akaok Hàn Quốc saong Triều Tiên yau bruk prai truyền đơn, caik loa preo puac Triều Tiêndi labik tapen negar... njauk taong phat glaong di abih lac 3 thun guk atau phat jien 30 triệu won (jaik 650 triệu đồng). Menuac sia mboh lac, bruk Hàn Quốc brei tapa Hukum nan, meda daong biak praong dalam bruk pasiam veik talei pambuak bruk di Hàn Quốc haong Triều Tiên

Dunya hu labaih 73 triệu urang njom saong labaih 1 triệu 6 rituh ribau urang metai kayua nCoV, dalam nan hu 51 triệu urang thit ruak.Gah Y tế dunya (WHO) brei thau daok khik khau tun ka sa janih nCoV bahrau duah mboh di labaih 1.000 urang di Anh, yaom lac ka oh brei mboh cambaih lac nyu daok jeng janih karei ngan saong dom chủng hu duah mboh. Tui Giám đốc danak dak y tế samar drak di WHO Mike Ryan,“Giới chức daok pasang iek dom makna praong prang di nyu.Khol hulin hu gaok rilo biến chủng, janih virus ni cak rok patagok saong salih gam gam"./.

Urang lang: Thu Thảo -Mousaphuong- 15/12