Thanh long hu mong lac janih boh kayau hu prein meriak gauk glong di Việt Nam

Patui mbang nyaom oh kuhria dahlau mbang ka sa, Quốc hội mbang XV, harei ini, dom urang lambaok ginum biai tui nyaom kapol di 3 asal kadha hu makna praong ka dự án Hukum pasiam veik, pabak dom paka di hukum đầu tư công, jalan tacei brei buh jien tame Danak dak padang ngak jalan cao tốc Bắc – Nam gah Timun negar saong dự thảo Sarak ka Cần Thơ. Ndem ka Sarak peih ngak iek dom jalan ngak, sarak kareipatagok Ban Cần Thơ hu tacei tabiak cambaih, bruk padang ngak Sarak nan njauk ngak kayua ban Cần Thơ lac đô thị ka I di Negar daok labik pasak Bhum taneran kraong Cuu Long ndung bak dom bruk di sa pasak rilo chức năng, hu prein khang pambak praong gah kinh tế, ilamu, xa hoi saong lac pabah mbang di abih bhum gah ala kraong Mekong, pambuak negar drei saong dom taneh ia dalam bhum sit kraong Mekong peih praong.

Piah langyah siam bruk pala, ngak, pablei thanh long, nyaih pagam pambak tame drak pasa Trung Quốc, mesup ni, mintri ngak nong song patagok palei pala peih ginum biai ngan saong kadha "pambuak gauk pala, ngak song pablei thanh long". Tui mintri ngak nong song patagok palei pala, thanh long urak ni hu pala di labaih 30 tỉnh, ban, min dom bhum taneh pala prong rilo meng lac di 3 tỉnh Bình Thuận, Long An song Tiền Giang. Thanh long urak ni hu mong lac janih boh kayau hu prein meriak gauk glong dalam dom janih boh kayau di Việt Nam, saong hu ba tame nyaom janih boh kayau pablei tabiak negar langiu praong .

Anak bruk njom mbak samar di biến chủng Omicron, Mentri Y tế birau hu harak payua dom tỉnh ban brei tacei pato khang, peih ngakdom jalan pacang caga jit Covid-19. Tuk mboh hu urang ruak Covid-19, abih di nyu nan lac biến chủng Omicron, dom tỉnh brei peih praong bruk dut iek ruak, brei daok karei y te sumu, mek mẫu dut iek ruak F1 saong brei thau samar abih bruk dut iek ruak nan piah peih ngak dom jalan pacang caga jit sumu, lagaih, siam. Langiu di nan, dom tỉnh brei jhul pasamar bruk klauk jru vaccine pacang Covid-19 la urang umo meng 12 thun tagok. Brei klauk pabak mbang jru ka ginup, klauk hadar veik jru ka dom urang ginup tukvak blaoh. Mbiah tal ini, Viet Nam hu 25 urang njom COVID-19 biến thể Omicron, dom urang nan hu brei daok karei chip hadei di tuk tame negar.

TP Hồ Chí Minh bahrau hu rajaei brei adat ngak iek taduan tuai dunya tal Việt Nam meng bilan 1. Urak ni, gah du lịch ban raya hu caga blaoh menuac ngak, pandap dịch vụ, tour tuyến…, caga ka bruk taduan tuai dunya gilac veik. Tui Sở Du lịch ban raya, bruk samar hu peih pabah mbang raok tuai dunya hu "passport vaccine" hu dong pasiam veik kinh tế, kayua ban raya Hồ Chí Minh lac pasak pablei salih pambuak bruk dunya song rilo bruk kinh tế - xã hội karei. Gah du lịch ban raya batabiak jalan ngak thun 2022 raok 3,5 triệu mbang tuai dunya , daok tuai du lịch dalam negar tui kuhria hu labaih 25 triệu urang .

Pamaong tal darak pasar Tết Nguyên đán thun ini, urang ngak nong huyen Chợ Lách, tỉnh Bến Tre pala labaih 7 trieu yot bingu yaok janih, dalam nan rilo abih lac dom janih bingu Cúc, Vạn Thọ, hoa Giấy, mào Gà...Dut saong thun blaoh, bingu pala thun ini takik jang jaik meteh. Tukvak ini, bingu tết oh njauk ia mbak njom tame, meda chroh bingu njauk tuk Tết. Njauk caik hatai nan lac jit ruak Covid-19 daok rah tabiak sraw kadau min rilo urang nong mbaoh tangin hu rilo harak pambuak bruk blei bingu that ka urang dalam negar. 

Dom urang ngak praong di Nga song Mỹ mboh lac meda hu dom mbang ginum biai dalam harei 9 song 10 bilan sa tal di Thụy Sĩ dalam tuk bruk daok catang tagok di 2 taneh ia pagam tal bruk Nga brei rilo lin hu mbaok di labik tapen negar song Ucraina. Nga dok ieu Mỹ song NATO oh brei Ucraina tame dalam liên minh song patrun dom bruk quân sự. Min, Mỹ song dom đồng minh khan lac hu dom jalan tong phạt kinh tế, meyah Nga ngak catang tagok song Ucraina. 

Di negar Anh urak ini, dalam yaok 20 urang ye hu labaih 1 urang njom COVID-19. Ini lac glaong abih hu mboh meng tuk jit ruak praong tamuh tabiak di negar ini. Adit puac abih di thun 2021, hu labaih 3,7 trieu urang Anh ruak Covid-19, dalam tuk bruk njom ruak kayua biến thể Omicron daok pambak samar di negar ini. Bruk njom mbak tagok samar hadei di tuk Thủ tướng taneh ia ini brei pacadu dom bruk ba tabiak ka dut iek ruak ngan saong urang Covid-19 oh mboh hagait lac ruak.

Ấn Độ tabiak panuac lac oh pabak jru pacang virus kayua hãng Merck & Co di Mỹ ngak tabiak tame jalan iek ruak pakat negar COVID-19 kayua huac bruk oh salamat di jru ini. Hội đồng roh duah Y khoa Ấn Độ ndom lac: Janih jru ni meda ba tal dị tật bẩm sinh song đột biến, ngak khut sụn song talang. Bruk prong di abih lac urang kamei metain ndih tapui uranaih njauk dị tật bẩm sinh, meyah pandar jru COVID-19 di hãng ni dahlau di nan 3 bilan. 

Urang lang: Hani pha – Bhumi – 06/01