Jien brei mesraiy ngan song yaom laba lap samu meteh yaom laba brei mesraiy mbiah di dom gilang pariak

Bruk pakacah pok meyaom brei sangka tal urang bangsa takik, urang daok di bhum atah bayah, urang ngak nong. Nan lac panuac di dom urang QH ndem ka Danak dak Hukum pakacah pok meyaom pasiam veik di mbang nyaom online ginum biai ka Danak dak Hukum harei 28/10. Tui nan, urang QH caong lac brei hu quy định, tanut ngak cambaic laic, lagaih saong dom bhum palei, abih di nyu lac bhum ceik, bhum atah bayah, piah jhul khang bruk pakacah di dom bhum kan kandah, bhum urang bangsa takik. Danak dak hukum njauk pasang iek dom menuac urang, dom sahneng duah bahrau saong ba mbuan lagaih ka bhap bini daok di bhum atah bayah hu mbaok tame dom bruk pakacah.

Mintri padang ngak bahrau panuac likau Thủ tướng rajaei pok jien mesraiy 65.000 tỷ đồng dog peih ngak sarak sang dok xã hội dalam danak dak pasiam veik kinh tế khang kajap tal thun 2023 dok hu mintri Kế hoạch Đầu tư peih ngak. Dom gilang pariak hu brei bruk pasang iek, taong yaom, brei mesraiy ngan song yaom laba lap samu meteh yaom laba brei mesraiy mbiah di dom gilang pariak min oh yam tapa 6%/sa thun dalam 5-15 thun. Po padang ngak sang dok piah pah ka urang ngak, danak dak sang dok xã hội hu mesraiy meyah hu sarak brei ngak, hu taneh saat song hu brei adat padang ngak.  

Melam 28/10, Mentri Jalan mbak pajeng ba brei ramik pasiam, pabah dom asar kadha di Quy định tạm thời ka bruk peih veik dom jalan par dalam negar piah khik kajap salamat, pasang iek siam jit Covid-19. Tui nan, hệ thống PC-Covid saong dom jalan ilamu ky thuat hu siam piah meda brei thau bruk nao mai dalam negar di tuai tui yaok mbang par. Kayua yau nan ye, tuai nao kapal haok brei khan y te điện tử angaok ứng dụng PC – Covid, daong ka tukvak ngak harak saong brei thau ka dữ liệu hu samar jang.

Sở LĐTB-XH tỉnh Bình Phước brei thau, dom doanh nghiệp dalam tỉnh dok caong hu labaih 10.000 urang ngak. Tui nan, Bình Phước hu 65 DN brei hu 44.000 urang ngak. Dalam nan dom urang ngak brei padeih harak pambuak bruk, padeih bruk hu mai ngak bruk veik lac 34.000 urang, pataom rilo di gah ngak takhaok klik, jhik pet, pandap kayau, ngan song yaom jien bilan 7 triệu đồng/sa urang dalam sa bilan. Urak ni, Bình Phước hu 166/174 DN langiu labik ngak cong ngak bruk song 42.540 urang ngak, di dom labik ngak cong hu labaih 3.000 DN ngan song labaih 56.000 urang ngak mai ngak veik tui jalan siam mekre salamad.

Sa adit ini mai, yaom pabui diuk di Đồng Nai, labik hu taphon pabui praong abih dalam dom tỉnh, ban gah Meraong, tagok meng 12 -18 ribau đồng sa kilo. Ini lac yaom tagok glong saong tui Kapul Raong glang tỉnh Đồng Nai, kayua pabui hu pablei tapa Trung Quốc, bruk blei rilo pabui tame daok dang veik kayua yaom dalam negar daok biar lo, kan pablei. Kapul Raong glang tỉnh Đồng Nai kakei urang raong glang meyah pabui tal tuk pablei ye pablei nao dalam tuk yaom daok tagok piah khat takik saong brei sahneng kuhria tuk raong gilac.

Rajaei Anh brei thau hu ieu Đại sứ Prang di Anh, saong brei adat ka 2 kapan pasang iek di lin tasik negar Anh caga dalam tuk dok meriak gauk ka bruk tong chap ikan Prang Anh catang tagok ba tal bruk Prang chap kih kapan di Anh dalam melam 27/10 haong makna lac kayua tong chap ikan oh hu harak adat. Ni hu mong yau bruk tong phạt di Prang song bruk rajaei Anh takik brei adat tong chap ikan ka urang tong chap Prang dalam bhum tasik di Anh tuk vak tapa, yau panuac sinya di gah Anh trong thỏa thuận Brexit.

Ba Lan brei thau meda padang ngak paga pacang urang di cư meng Belarus bo oh cang hu bruk daong meng EU atau oh. Ini lac panuac ndem khang hadei di tuk EU saong Ba Lan daok dalam tuk catang di abih anak bruk oh njauk gauk pambuak tal bruk pháp quyền hadei di nyaom biai pakat glong di EU meng blaoh. Kuhria meng akaok thun mbiah tal ini, Gah Biên phòng Ba Lan mboh hu labaih 20.000 urang tapa negar Ba Lan-Belarus suan hukum. Tui kuhria, jien buh tabiak padang ngak paga tapen negar saong Belarusn abih labaih 350 trieu euro.

Mark Zuckerberg, urang padang tabiak Facebook harei 28/10 khan brei thau salih angan công ty jeng Meta. Ni hu mong lac sa jalan ngak di Facebook piah patagok meng mạng xã hội tapa sa công ty vũ trụ ảo. Tui po Facebook ni, yaom lac hu mong lac sa công ty mạng xã hội, min anak meta, Facebook lac sa công ty padang ngak công nghệ piah pambuak pagam menuac urang song Mê-ta atau vũ trụ ảo lac jalan ngak patui di nan di công ty. Meng jaik 3 tỷ urang pandar yaok bilan, Facebook lac mạng xã hội prong abih di dunya urak ni./.

Urang lang: Ái Nghiêm – Hani Pha – 29/10