Mintri Y tế bahrau hu harak payua tal dom tinh, bal ka bruk pacang caga jit Covid-19 di dom labik ngak bruk, pablei salih. Tui nan, dom tinh, bal, doanh nghiệp, labik pablei salih njauk caga dahlau peih ngak dom bruk pacang caga jit; UBND dom tỉnh, bal pato tacei dom kapul padang ngak dom jalan saong langyah ka nyu lagaih tui panuac pato tacei di mban tacei jalan pakat negar, Mintri Y tế saong peih bruk pasang iek. Tui Mintri Y tế, tukvak tapa, dom tinh bal pandar bruk “3 di labik” atau “1 jalan nao, 2 labik tal” ka oh biak lagaih kayua hu rilo makna meng rilo gah.

UBND tỉnh Bình Dương bahrau njauk hatai ka sarak dong jien dar menuac metai  ka boh sang hu urang metai kayua Covid-19, ngan song tanut takik di abih 18 triệu đồng ka sa urang. Urang pal akaok  tỉnh tacei pato Sở Lao động-Thương binh song Xã hội pambuak bruk song puk palei pathau khan piah ka bhap bini thau cambaih laih ka sarak nan.Dom puk palei njauk dong palagaih, samar drah, harak gar piah ka gauk gar urang metai kayua Covid-19 taduan hu bruk dong brei. Bruk dar menuac metai kayua Công ty Cổ phần Đầu tư-Xây dựng Chánh Phú Hòa, Công ty Cổ phần Xây dựng song Dịch vụ công cộng Bình Dương dang tabiak ngak.

Công an huyện Phú Tân, tỉnh An Giang bahrau brei khởi tố vụ án, khởi tố bị can,chap kreih Trần Thị Tuyền, umo 42 thun, dok di xã Hòa Lạc, ka duas “Cagar veik urang dok ngak bruk”. Harei 3/8, tuk mboh pasang likei njauk ngak harak biên bản langyah ka bruk tabiak jalan oh hu bruk hagait, muk Tuyền preo puac kapul pasang iek, tong sa urang công an. Di  Kiên Giang, muk Nguyễn Thị Yến (umo 37 thun), sa po pablei salih pandap mbang menyum di Rạch Giá jeng njauk khởi tố ka duas cagar veik urang dok ngak bruk dalam tuk vak langyah bruk ngak suan sarak 16. 

Pasak pasang iek ruak kik tỉnh Đồng Nai brei thau lac hu 81 urang ngak gah y tế saong dom urang jakar UBND xã, phường, công an, dân quân saong urang halain hatain njom Covid-19. Anak bruk njom mbak jit ruak daok rahtabiak sarau kadhau, gah y tế tỉnh hu ieu kakei dom huyện, ban caga pandap panda, manuac piah peih bruk dut iek ruak ka rilo manuac. Gam tui di nan jeng paglaong bruk pasang iek, dut iek ka urang ngak dalam dom doanh nghiệp hu peih bruk “3 di labik”, khik tani tanat dom doanh nghiệp ngak njauk haong adat ka bruk dut iek pasang iek saong rami ramik bruk ngak, labik daok, ngak tui 5 paka di Mintri Y te.

Hội đồng taong yaom pandap panda inem mek tỉnh Quảng Nam saong mban khik ramik inem mek ilamo dunya Mỹ Sơn bahrau pasang iek, njauk gauk ka harak gar ilamo ka Đài thờ Mỹ Sơn A10, pok tagok Hội đồng taong yaom Bảo vật di taneh ia brei angan lac inem mek di taneh ia. Đài thờ Mỹ Sơn A10 daok di labik bimon Mỹ Sơn, huyện Duy Xuyên, tỉnh Quảng Nam, hu pagam meng 17 khối sa thạch, daok biak tamo, hu duah mboh di ala lubang girieh dalam tuk ramik pasiam inem mek ilamo dunya Mỹ Sơn. Đài thờ hu ngak meng puac abap ka 9 tal puac abap ka 10, lac sa pandap panda meng kan daok tamo, độc bản, dreih yau patau kakuh Linga -Yoni pagam praong abih dalam điêu khắc Chămpa tal urak ni.

Tui kuhria yaok triệu mbang vaccinne abih tuk vak pandar dalam dom adit tal, dalam tuk rilo labik di  dunya dok kurang jru klauk. Di Hà Lan, labaih 200.000 mbang AstraZeneca njauk klaak kayua abih tuk vak pandar; labaih 80.000 mbang Pfizer abih tuk vak njauk klaak di puac bilan 7 di Israel; di Mỹ, abih tih jru abih tuk vak  atau jiak si abih tuk vak pandar tagok tal yaok triệu. Piah pacang cakak bruk vắc-xin abih tuk vak pandar kayua suai damuai  parabha, Jabat khik ramik pandap mbang song jru tavoa  Mỹ hu tagok tuk vak pandar ka  vắc-xin di  Johnson & Johnson di Mỹ meng  4 -5 bilan  tagok 6 bilan. Kadung jien buh tabiak tapak di Nga jeng kuhria tagok tuk vak pandar  di Sputnik V meng 6 bilan tagok 1 thun.

Hãng tin AP di Mỹ ba panuac Tiến sĩ Peter Embarek, lac urang dang akaok bruk pasang iek duah thau di gah Y tế dunya brei thau, jit praong Covid-19 meda tamuh tabiak meng 1 urang roh duah ilamo Trung Quốc njauk njom vi-rút SARS-CoV-2 dalam tuk daok mek mẫu anek cim thur. dom urang roh duah ilamo di Viện Vi-rút học Vũ Hán brei thau lac hu pasang iek roh duah ka vi-rút di mangaok anek cim thur di dom bilik ngak iek, min Trung Quốc oh pambuak bruk pabak cambaih laih ka dom roh duah di drei. Bilan dahlau, WHO hu panuac ieu sa bruk pasang iek dalam min gah Trung Quốc oh pachreih tui. Rilo chuyên gia brei thau lac rahra dunya njauk samar drah ngak cambaih laih jalan ngak brei tamuh tabiak jit ruak Covid-19.

Karja Haiti khan lac brei kadun bruk palih ruah urang ngak Tổng thống hadei di Tổng thống Jovenel Moïse njauk urang cuh pametai. Harei palih ruah tui kuhria lac harei 7/11. Bhap bini Hai-i-ti jeng plaik phiếu palih ruah sa hội đồng lập pháp bahrau dalam sa mbang mek panuac di bhap bini dalam harei.Pagam tal bruk pametai urang dahlau deih ngak Tổng thống Haiiti, urak ni, gah Cảnh sát hu chap mek labaih 40 urang, min oh ka thau cambaih urang halei dang gah likuh bruk pametai Tổng thống./.

Urang lang: Thu Thảo & H.Pha -14/08/2021