Sở Y tế hu var ngak bruk song ban raya ka bruk klauk vaccine 

Page ini, hadei di tuk Akok mentri LĐTB saong XH Đào Ngọc Dung salah bruk javap jalei, QH patui veik bruk tangi sua Akok mentri Pato megru Nguyễn Kim Sơn saong Akaok mentri Kế hoạch saong Đầu tư Nguyễn Chí Dũng. Dalam var tangi sua di biar harei kabroi, Akok mentri LĐTB saong XH pataom tame ngak brei cambaic  dom jalan sangka uranaih metui hadei di jit praong. Akok mentri jeng hu javap jalei cambaih ka bruk meluk dalam daong brei jien ka bhap bini di dom labik, brei thau cambaic laic ka bruk ini, taduan bruk ngak suan di gah drei, di dom urang ngak bruk pambuak tal dom bruk labaih kurang dalam peih ngak dom jalan daong ka bhap bini.

Mintri Y tế bahrau pasang iek, brei pandar vaccine Covaxin, tui nan, abih tih vaccine COVID-19 hu brei adat pandar di Việt Nam tal urak ini lac 9 janih. Covaxin hu Gah Y tế Dunya (WHO) pasang iek brei pandar chip. Janih vaccine ini biak lagaih piah pandar ka dom taneh ia hu jien mek tame biar saong mbiah kayua mbuan khik piah. Covaxin hu pandar ka urang umo meng 18 thun tagok, pacang anek ruak hu 78% hadei di 14 harei klauk mbang klauk ka 2 saong daong patrun hu 64% bruk mbuan njaom nCoV. Vaccine daong pacang caga 93% bruk mbuan njauk ruak trak tuk njaom COVID-19.

       UB bhap bini tỉnh Bình Phước brei thau tỉnh mbuan hu jit ruak pakat 2 lac sambo kanjik, njom ruak mbiah. Anak bruk dom urang njom Covid-19 tagok glong, hu harei tagok tal 100 mbang, UB bhap bini tỉnh pasang iek brei padang 3 sang iek ruak dã chiến, caga blaoh blai tuk hu urang njom ruak tagok 3.000. Dom palei brei pa-atah di gauk, taong ruak ka urang F0 oh mboh ruak saong F1 di sang tuk ginup lagaih. Tỉnh likau Mentri Y tế daong peih ngak Pasak hồi sức tích cực Covid-19, tui kuhria peih Sang iek ruak Dã chiến huyện Đồng Phú hu 100 gaiy laneng ndih iek ruak.

        UB bhap bini tỉnh Đồng Nai brei klaak dom bilai pasang iek COVID-19 di dom labik jaik taphia dom tỉnh, ban, lac  8 bilai angaok dom jalan roya saong 2 bilai angaok jalan kraong jaik taphia  TP.HCM, Bình Dương. UB bhap bini dom huyện, ban dalam tỉnh jeng yah klaak 13 bilai pasang iek kayua puk palei padang tagok. Dahlau di nan,  UB bhap bini tỉnh brei adat ka rahra Đồng Nai hu nao mai di dalam tỉnh, langiu di labik daok karei, labik pacang veik min brei hu klauk takik di abih lac sa mbang vaccine hadei di 14 harei atau thit ruak  COVID-19 mala 6 bilan

Dom sang bac THCS di tỉnh Bình Dương brei klauk jru vaccine pacang Covid-19 ka taong abih anek saih tal 9 saong ngak iek bruk klauk jru ka naek saih tal 8 di dom bhum palei mbuan njom ruak glong. Kuhria abih tih anek saih hu klauk jru mbang ini lac 39.401 adei, dalam 3 harei ( meng 10/11 tal 12/11).  Tui Sở Y tế tỉnh Bình Dương, ban Thủ Dầu Một, ban sit Bến Cát, ban sit Tân Uyên lac dom bhum palei hu rilo urang njom rauk Covid-19 dalam bhap bini, nan ye Sở pok panuac tagok UB bhap bini tỉnh brei ka dom adei tal 8 hu klauk jru dahlau. Dahlau di nan, jaik 77.000 anek saih umo meng 15-17 thun di Bình Dương hu klauk vaccine  pacang Covid-19. 

“Dom nền kinh tế daok dalam Diễn đàn pambuak bruk Kinh tế châu Á - Thái Bình Dương khang hatai pambuak gauk, daong gauk tabiak truh jit praong COVID-19”. Ini lac panuac di Thủ tướng Niu Di-lân, taneh ia ngak Chủ tịch Diễn đàn Pambuak bruk Kinh tế châu Á - Thái Bình Dương thun 2021 di nyaom biai pakat glaong abih dom Yam ndok điều hành APEC rah tabiak di harei 11/11. Urang pan akaok dom nền kinh tế APEC jeng khang hatai haong bruk pacang biến đổi khí hậu, oh pachreih pandar nhiên liệu hóa thạch saong padeih daong dom gah ngak kong pandar janih nhiên liệu ini.

Cộng hòa Séc brei ngak catang dom jalan pacang caga birau dalam tuk jit ruak dak harei dak jhak  dalam negar saong rajaei samar iew bhap bini brei klauk jru. Tui yaok pataom, taneh ini hu labaih 14.500 urang njom COVID-19 harei 9/11, glong jang 50% dut saong tatut glong abih di adit dahlau. Dom urang njom mbak  dalam harei di Séc  daok glong abih di châu Âu. Dom jalan pacang caga birau meda ba tabiak ngak di harei 15/11, pataom rilo tame dom urang oh ka klauk jru.

Rabuk ia patau tuh khang di bhum Đông Bắc Trung Quốc dom harei tapa haong ia patau laik trun biak rilo ngak brei duh hatai ka bruk pabak điện dalam tuk langik biak la-an. Bruk nao mai angaok jalan di tỉnh Liêu Ninh njauk klaik klaoh biak khang. Ban Yên Sơn di tỉnh ini brei padeih peih radaih buýt ngak ka rilo menuac njauk nao takai piah tal labik ngak. Mblang kapal haoh Tề Tề Cáp Nhĩ brei padeih, rilo jalan nduac samar brei kreik pabah mbang, brei padeih dom radaih pajeng tuai saong rilo jalan pasei jeng klaih klaoh./.

Urang lang: Mousaphuong- Ái Nghiêm -11/11