Urang halei tabiak gah langui oh njauk brei tong phat 

Mintri Y tế brei patrun tukvak taong ruak saong tukvak brei daok karei ngan haong urang njom ruak Covid-19. Dom urang ruak bo oh mboh dalam rup hu hagait daok taong ruak di labik y tế, meda dut iek RT-PCR di harei ka 9 saong ka 10. Mayah 2 mbang dut iek mboh âm tính atau 2 mbang dut iek mboh dương tính min  nồng độ virus bier ye hu tabiak truh sang iek ruak saong oh njauk nao daok karei, kayua prein njom mbak jit ruak tabiak rahra lac oh hu, min jeng njauk tui iek di labik daok 14 harei. Dom urang dương tính ngan haong SARS-CoV-2 duah mboh di rahra, mayah chỉ số nồng độ vi rút glaong ye ba nao tal labik y tế saong mek mau dut iek mbang ka 2 hadei di 24 maon. Mayah dut iek mbang ka 2 âm tính atau dương tính min chỉ số nồng độ vi rút bier ye urang ruak hu brei tabiak sang iek ruak saong pasang iek y tế 14 harei di labik daok.

Mintri Y tế brei parabha labaih 746.000 mbang vaccine di Pfizer ka  63 tỉnh ban, gah công an, bol bala song 21 sang iek ruak di  mintri  Y tế. Dalam nan TPHCM hu paraba jiak  55.000 mbang ; Hà Nội labaih 38.000 mbang... Pataom iek veik  400 urang  njauk ruak veik  hadei di tuk tabiak sang iek ruak, oh hu urang halei pambak tabiak bhap bini , nan ye, mintri  Y tế hu panuac kakei, meyah dom tỉnh ban hu urang njauk  ruak  veik  dalam bhap bini  ye oh cang brei dok karei.Gam haong nan, patrun tuk vak brei dok karei trun daok 14 harei.

Tui danak dak kuhria bruk ngak iek raok tui rivang main di dunya tal Phú Quốc bo Mintri ilamo -TT-DL payua tal dom kapul pambuak tal piah mek panuac, tui kuhria dalam 6 bilan ngak iek raok hu 25.000 - 40.000 mbang tuai rivang main negar langiu mai tal Phú Quốc. Mintri ilamo - TT-DL meda dang akaok, pambuak haong dom mintri, gah pambuak tal pilih ruah darak pasa tuai rivang main dunya meng dom taneh ia saong bhum taneh dalam tukvak ngak iek (hu kein laba, mboh salamat ka bruk pacang caga jit ruak Covid-19 di dom gah yau ye: Đông Bắc Á, châu Âu, Hoa Kỳ, Trung Đông, châu Úc...). Tukvak ngak iek tui kuhria lac meng bilan 10-2021.

Gilang pariak sarak karja TPHCM daok taduan harak gar di doanh nghiệp khin mesraiy phun piah bayar jien bilan padeih bruk , bayar jien bilan ramik veik bruk ngak, tui pok jien dong  26.000 tỷ đồng di rajaei . Tui nan, DN hu mesraiy piah bayar jien bilan ka urang ngak padeih bruk  meng 15 harei tagok  dalam tuk vak meng  1/5/2021 tal  31/3/2022; DN oh ka hu sraiy jhak di tuk khin mesraiy. Ngan song  DN njauk padeih bruk tui panuac ieu di jabat karja hu thẩm quyền piah pacang caga jit Covid-19 meng harei 1/5/2021 tal abih harei 31/3/2022… ye hu mesraiy  piah bayar jien bilan ka urang ngak , ngan song yaom laba  0%.

Jabat Cảnh sát pasang iek Công an ban sit Long Mỹ, tỉnh Hậu Giang bahrau brei langyah tui hukum ka duas ngak njom pambak jit ruak kan kandah ka urang karei ngan haong N.T.B, ndik tapui thun 1987 (BN27883). Tui mban pato tacei jalan pacang caga jit Covid-19 ban sit xã Long Mỹ, urang ni mai meng ban raya HCM min oh nao chip tal bilai y tế piah pathau khan. Hadei di nan, urang ruak hu nao pathau khan min pathau khan oh njauk, oh brei thau jalan nao mai meng darak đầu mối Bình Điền. Yaom lac hu ieu kakei njauk daok karei di sang min N.T.B oh ngak tui saong nao mai rilo labik, taom gaok jaik haong rilo urang karei.

Pathau khan bahrau abih di Gah Y tế dunya brei mboh lac, dut iek axit nucleic  di labaih 30 rabau rahra CHDC bhap bini Triều Tiên tal urak ini jeng mboh âm tính, taneh ia ini jeng oh ka hu urang halei njom Covid-19. Yaom lac yau nan, min dom jalan pasang iek biak catang piah pacang caga jit jeng ngak ka kinh tế Triều Tiên gaok kan kandah trak. Tui gah Nông lương Liên hợp quốc (FAO), taneh ia ini meda kurang 860 rabau tấn pandap mbang dalam thun 2021.

Negar France daok mboh bruk rilo bhap bini tut angan klauk vắc-xin pacang Covid-19 glaong abih meng di tuk peih danak dak klauk jru di puac thun. dalam harei 13/7 hu labaih 792 ribau bhap bini France nao klauk vaccine. Dahlau di nan, Tổng thống France Macron hu tabiak dom adat bahrau. Meng harei 21/7, yaok bhap bini negar Frace mangaok umo 18 thun njauk hu harak thông hành y tế, vak cambaih lac hu klauk 2 mbang vaccine caga Covid-19, atau dut iek PCR âm tính haong SARS-CoV-2 meng hu mbaok tame dom bruk hu labaih 50 urang atau nao tal rạp chiếu phim, atau miuyim. Tal akaok bilan 8/2021, harak thông hành y tế meda lac sa bruk njauk hu piah nao tal nhà hàng, pasak pablei salih atau nao siêu thị.

Nam Phi dok dang anak bruk kanjah jhak trak damak di abih dalam rilo thun tapa kayua bruk srau kadau song co, blah. Dom nyaom trun jalan biak jhak tong gauk haong cảnh sát, blah mek pandap dom labik pablei salih di pasak .Dom bruk tong paoh gauk rah tabiak hadei di tuk urang dahlau deih ngak Tổng thống lac Jacob Zuma tabiak mbaok di cảnh sát harei 7/7 piah tame dok guk 15 bilan  ka duas iek lap tòa án. Bruk iek lipa kathaot rambah kayua Covid-19 jeng ngak ka dom srau kadau xã hội patagok. Tui cảnh sát Nam Phi, hu labaih 72 urang metai  song labaih 1.200 urang njauk chap kreik  dalam dom mbang tong paoh. Dom dịch vụ y tế di negar ni njauk klaik klaoh./.

Urang lang: Hanipha- Thu Thảo -14/7