Urang hu dut iek pak di labik 

Brei panuac di Nyaom biai quý 3 di Mban tacei jalan pacang caga bruk pablei salih dauk, bleik saleik dalam pablei salih saong pandap ja peih tabiak di page ini, Phó Thủ tướng Phạm Bình Minh mboh lac: 9 bilan tapa, bruk  pablei salih dauk, bleik saleik dalam pablei salih jeng daok rah tabiak dalam srau kadau. Dom gah chức năng dalam negar duah  mboh saong langyah labaih 100.000 bruk ngak suan. Pambak tame jit ruak, dom pandap ralo hu blei dauk tame nan lac pataik pacang mbaok, jru taong ruak Covid-19, mac ngak tabiak oxy, gai dut iek samar…Sa dalam dom bruk ba tal pablei salih dauk, bleik saleik dalam pablei salih daok rah tabiak srau kadau lac kayua kurang pasang iek, abih di nyu nan lac dom urang jakar, công chức, sĩ quan mboh yau daok  ngak suan.

Mintri Y tế brei thau daok jao ka jabat chuyên môn peih bruk pato tacei klauk jru ka ranaih umo meng 12 – 17 thun, tui kuhria harei 15/10 hu pato tacei, hadei di nan pasram ka urang y tế piah peih bruk klauk jru di puac bilan 10/2021. Mintri Y tế brei thau hu njauk gauk haong Hãng jru Pfizer ka bruk blei labaih 20 triệu mbang vaccine klauk caga COVID-19 ka kapul ranaih umo meng 12 - 17 thun.

Tui Sở Y tế Baa raya HCM, urak ini Ban raya daok labaih 2,5 trieu mbang jru vaccine pacang Covid-19, caga brei klauk ginup mbang dua ka bhap bini umo ala 18 thun daok veik di Ban raya HCM, dalam nan hu labaih 1 trieu mbang jru hu payua mai ka dom quận, huyen saong Ban raya HCM hu labaih jaik 12 trieu 500 ribau mbang  urang hu klauk jru vaccine Covid-19; urak ini urang hu klauk jru mbang ka 1 sumu 98,4% saong mbang ka 2 sumu 74,5%.

Đồng Nai bahrau taduan brei pabak bruk brei nao mai di ban raya HCM saong tinh ini meng radaih ô tô di drei, min ka oh brei ka urang ngak peih radaih mô tô, radaih mac tame tinh. Urang daok angaok radaih ô tô njauk ngak ginup 2 bruk lac hu klauk caga COVID-19 (takik di nyu lac 1 mbang janih vaccine klauk 2 mbang saong hadei di tuk klauk lac 14 harei) atau thit ruak COVID-19 ala 6 bilan; dut iek mboh âm tính haong SARS-CoV-2. Bruk peik brei ka urang nao mai di ban raya HCM saong Đồng Nai meda salih karei tuk pak ini hu harak peih ngak tui Sarak 128 di Rajaei

        Harei 14/10, yaom lac Sarak 128 ka bruk anak meta brei padeih ngak tui Sarak 15, 16 saong 19 hu pandar min balai khik iek daok ngak tui di rilo tỉnh bhum Tây Nam bộ. Yau ye,  di tỉnh An Giang urak daok 4 balai di jalan raya 91; urang ngak praong di tỉnh ni brei thau An Giang daok cang hu tacei pato di Mentri Y te. Daok di Bến Tre, dom balai khik iek daok peih ngak di jalan raya 60 lac labik pabah mbang tame tỉnh. Bruk ngak tui Sarak 128, urang ngak praong tỉnh Bến Tre brei thau daok cang Mentri Y tế saong Mentri Jalan mbak pajeng ba tacei pato meng brei ngak.

Gah Y tế dunya (WHO) brei thau dom urang metai kayua COVID-19 meng dit blaoh hu trun daok tanut bier di abih dalam jaik sa thun tapa, ngan haong jaik 50.000 urang. Dom urang metai jeng trun di yaok labik, langiu di châu Âu, min bruk ka oh samu gauk di bruk klauk vacxin jeng daok rahtabiak. Urak ini 56 taneh ia ka oh ngak hu bruk bo WHO ba tabiak ka bruk klauk ka 10% rahra di bilan 9. WHO ieu kakei dom taneh ia kaya mada padeih bruk klauk mbang 3 piah daong pabak bruk klauk ka takik di nyu lac 40% rahra di yaok taneh ia di puac thun ini.

       Tổng thống Nga Vladimir Putin khan lac kol khủng bố meng Iraq saong Syria daok tuh tame Afghanistan, mbuan ba tal sraw kadau. Yaom lac Taliban brei thau oh ngak hagait jhak tal dom taneh ia Trung Á,min dom taneh ia di Liên Xô dahlau diah hu jeng labik piah taong tame meng gah Islam Afghanistan. Hadei di tuk Taliban tagok pan akaok, Nga peih bruk brei pasram taong kalin saong Tajikistan haong Uzbekistan lac dua taneh ia hu sa jalan tapen negar haong Afghanistan.

Rajaei Philippines harei ini khan lac, dom urang metai kayua ribuk nhiệt đới Kompasu di taneh ia ini tagok tal 19 urang saong 13 urang lahik. Ribuk Kompasu ba tal ia sua saong jalieh taneh biak trak di dom labik gah barak Philippines. Jaik 2.000 urang hu ba nao daok di labik salamat. Khut khat di gah ngak nong kayua njauk  ribuk tui kuhria tagok tal  9,7 triệu đô la Mỹ./.

Urang lang: Thu Thảo -Ái Nghiêm -14/10