Di ban raya HCM urang hu klauk jru pacang caga mek hu rilo jak jeng 

Mintri Y tế brei thau dom menuac njaom bahrau COVID-19 dalam bhap bini dalam adit blaoh mboh trun jang duk haong adit dahlau di nan di dom tỉnh, ban hu menuac njauk ruak glaong, yau ye: Đà Nẵng trun 60%, Bình Dương trun 27%, Long An trun 3%. Dom menuac metai dalam taneh ia kuhria rah tapa yaok harei trun 30%. Duk haong adit dahlau, dom menuac ruak dalam abih tih dom menuac hu duk iek dalam bhap bini trun, meng 1,9% trun daok 1,6%. TP.HCM haong Long An ngak hu blaoh bruk klauk takik di abih lac 1 mbang ka urang umo meng 18 tagok , hu ginup abih. Daok mbang klauk ka 2, TP.HCM hu 13%; Hà Nội hu 10%.

Mesup ini (14/9), di jabat Mintri Ngoại giao hu peih bruk taduan tượng trưng 1 triệu 500 rabau mbang vaccine Astra Zeneca caga Covid-19 di Rajaei Prang haong Italy daong ka Việt Nam tapa danak dak COVAX. Meng dom vaccine ini, Việt Nam taduan hu labaih 11 triệu 700 rabau vaccine caga COVID-19 tapa COVAX. Tal urak ini, Italy haong Prang lac 2 dalam dom taneh ia di EU daong brei vaccine caga COVID-19 praong abih ka Việt Nam.

Mesup 14/9, mBan tacei pato pacang caga COVID-19 tỉnh Đồng Nai peih ginum biai haong dom puk palei piah ba tabiak jalan peih pabah mbang kinh tế hadei di harei 20/9. Tui nan, meda brei cadu bruk nao mai di bhum hijao, khik catang bhum bhong, meriah, kanyik , katam piah hu jalan langyah ka nyu lagaih. Đồng Nai daok ba tabiak bruk lac tal harei 20/9, klauk hu taong abih mbang 1 vacvcine ka 2 triệu 200 rabau menuac umo labaih 18 thun. Tal urak ini, tỉnh hu buh tabiak labaih 304 tỷ đồng piah daong bruk mbang huak ka bol bhap rahra.

“Labaih 1.500 anek saih TP.HCM metui amaik ame kayua COVID-19”. Urang pan akaok Sở Pato Megru hu khan brei thau yau nan dalam mbang ngak bruk haong HĐND TP.HCM ka bruk di akaok thun bac bahrau, rah tabiak di harei 14/9. Urak ini daok hu labaih 10.000 anek saih njom COVID-19, rilo abih lac di pakat tiểu học haong THCS; jaik 3.400 gru pato, menuac ngak di gah pato megru lac F0. Hadei di 2 adit bac online, jaik 94% anek saih tiểu học hu mbaok tame bac; di pakat THCS hu jaik 94%, THPT jaik 98% haong giáo dục thường xuyên labaih 89%. Jaik 340.000 uraniah mầm non oh ka nao bac.

UBND tỉnh Bình Thuận brei thau, melam 13/9, urang pan akaok tỉnh hu mbaok di Trạm CSGT Hàm Tân piah pok harak meyaom di Akaok UBND tỉnh brei ka 6 kapul nyaom, menuac urang hu rilo bruk ngak gheih dalam pacang caga jit COVID-19. Yau ye bruk duah mboh sruh radaih pajeng 15 menuac dalam thùng radaih đông lạnh, tapa bilai pasang iek jit piah nao palei di Thừa Thiên Huế, Quảng Trị, yaom pajeng 700 rabau đồng sa urang. Urak ini, 15 urang nan hu Bình Thuận rami ramik brei labik mbang huak ndik daok saong pambuak bruk haong karja palei di dom urang nan piah ba nao palei.

Meng hu rilo menuac njaom ruak hanjul, Singapore tabiak bruk lac meng harei 15/9 dom F0 brei daok karei di sang piah pamaong tal bruk diuk haong COVID-19. Bruk klauk vaccine rilo lac jalan piah ba tabiak bruk ngak ini, tuk bruk klauk vaccine rilo hu daong patrun biak rilo dom menuac ruak trak saong menuac metai, kuhria gam tuk biến chủng Delta tamuh khang. Singapore jeng brei peih praong bruk dut iek, ngak brei bruk ini jeng bruk bhian randap di urang ngak mai veik labik ngak bruk. Dom sang hu pabak brei kit test samar saong kakei brei gam gam eng drei dut iek.

Hu maong lac taneh ia pacang jit COVID-19 jak jeng, Hàn Quốc daok kham merat ngak jeng labik pabak vaccine di dunya. Taneh ia ini daok padang jalan salih tapa pacang jit bahrau ka nyu lagaih, tui kuhria hu khan brei thau di puac bilan 10. Meng hu jalan ngak aval meng dahlau, Hàn Quốc oh gaok kan kandah dalam bruk hu ngak po dom vaccine. Rajaei taneh ia ini jia lac meda ngak hu bruk klauk sa mbang ka 70% rahra di drei dahlau di Tết Trung thu, saong mbang klauk ka 2 ka 70% rahra di puac bilan 10.

Di nyaom biai kayua Liên hợp quốc peih tabiak di Thụy Sĩ, labaih 1 tỷ USD hu sanya daong brei chip piah daong ka 11 triệu urang Afganistan. Ini lac nyaom biai pakat glaong camereip abih ka Afganistan kuhria meng di tuk Taliban tagok pan karja, rilo jang biak rilo duk haong 606 triệu USD yau hatai caong tuk camdereip di Liên hợp quốc, piah daong ka Afganistan meng ini tal puac thun saong khik ka urang plaih di eik lipa. Min dom taneh ia jeng ndom lac, bruk daong nan daok iek tui jalan ngak bruk di Taliban./.

Urang lang: Mousaphuong -14/9