Tapa pasang iek di 63 tỉnh ban, Mintri  Y tế brei thau hu 19 triệu 400 rabau urang di nyaom hu ngak dahlau hu klauk jru pacang caga Covid-19 brei saoh. Glong di abih dalam bruk ni lac ban raya HCM hu 1 triệu 560 rabau urang, beir di abih lac tỉnh Bắc Cạn hu 41.700 urang. Việt Nam hu ginum biai song hu pabak 38 triệu 900 rabau mbang vaccine pacang caga COVID-19, ginup klauk ka 19 triệu 400 rabau urang di nyaom urang ngak dahlau, kayua yau nan ye mintri Y tế hu panuac ieu oh blei pabak vaccine  bo peih bruk "xã hội hoá".

Dah page ni 27/4, tỉnh Bến Tre peih bruk klauk vaccine caga Covid - 19 camriep dalam tỉnh. Bruk duh ka mbang klauk jru  ni hu gah y tế tỉnh Bến Tre caga biak tani tanat. Mbang 1, tỉnh Bến Tre hu Mintri Y tế  parabha 7.300 mbang vaccine. Dahlau di nan, ngak tui jalan ba tabiak di Minti quốc phòng, Bộ chỉ huy quân sự tỉnh Bến Tre hu peih bruk klauk vaccine  caga jit Covid-19 ka 118 urang jakar, urang lin, urang ngak gah pacang caga jit ruak, ngak dalam labik daok karei. Tapa labaih 10 harei klauk jru, prein yava di dom urang ni jeng tani tanat.

Anak dom kan kandah di jit  Covid-19 di dom negar di dunya, abih di nyu  lac dom negar hu jalan tapen song Việt Nam, MBan tacei jalan pacang caga jit  Covid-19 tỉnh Quảng Ninh tabiak bruk brei padeih cuk phao bingu di tong abih dom labik  dalam tuk padeih lễ 30/4, 1/5; padeih tong abih dom harei pataom ilamu, thể thao, agama meng harei 30/4 tal abih harei 23/5. Di dom tỉnh ban karei  yau tỉnh Hải Dương, ban Hải Phòng… jeng hu panuac ieu patagok dom jalan pacang caga jit Covid-19 dalam tukvak bahrau.

Huyện Giồng Riềng, tỉnh Kiên Giang bahrau peih bruk pathau khan, jao Sarak di Thủ tướng rajaei brei angan huyện Giồng Riềng, tỉnh Kiên Giang mek hu tanut chuẩn palei pala bahrau thun 2020. Tal thun 2025, huyện caik tabiak jalan ngak lac hu taong abih dom xã khik hu asal kadha palei pala bahrau, paglaong prein khang huyện palei pala bahrau; dalam nan hu 5 xã mek hu chuẩn palei pala bahrau paglaong saong 1 xã mek hu tanut chuẩn palei pala bahrau kiểu mẫu. taong abih dom xã peih bruk padang ngak dom  puk palei pala bahrau tui kiểu mẫu, dalam nan hu meteh dom xã hu puk palei pala bahrau tui kiểu mẫu mek hu tanut chuẩn. Jien mek tame yaok thun tui kuhria yaok manuac dalam puk palei di dalam huyện tal thun 2025 hu 88 triệu đồng/sa urang, dom baoh sang kan kathaot trun daok ala 1,8 %, dom urang ngak hu tapa pato pakai lac labaih 65% saong dom urang hu blei BHYT dalam rahra mek hu 95%, labaih 70% dom baoh sang hu pandar ia hacih...

Tamat tuk vak pathau khan, jak ba, meng hadei di harei 23-5, Công an ban raya HCM pataom tame taong phạt dom bruk ngak suan ka sap sring dalam labik dok,dom labik palei salih , dịch vụ. Trưởng công an, xã, phường, ban sit ba tabiak jalan pacang caga, pasang iek njauk tukvak, pacang cakak song langyah sap sring di labik khik ramik, langyah abih bruk ngak brei sring sap di labik dok tapa pasang iek gam gam, pambuak song jabat pagam gah pasang iek tong  phạt di dom labik pablei salih  oh khik hu pacang lahik sap sring…

Điện ảnh Đan Mạch hu pok manyaom di harai jao giải thưởng điện ảnh hu makna biak glaong lac Oscar mbang ka 93 daok rahtabiak di ban ine Los Angeles (Mỹ), tuk kadha "Another Round" jayah di gah "Phim dunya ghieh di abih ". Phim hu mbaok tài tử Mads Mikkelsen ngak vai chính. Jai "Kịch bản chuyển thể naih ghieh di abih"  lac "The Father" - phim akaok meti di Florian Zeller. Nhà văn negar France dang tapak pato tacei saong vak kịch bản ka bộ phim ni, hu mek meng tiểu thuyết angan yau nan di ong tabiak di thun 2012.

Rajaei di Thủ tướng Giát-xtin Tru-đô (Justin Trudeau) harei kabroi (26/04) hu yam tapa bruk  plaik phiếu tín nhiệm prong hadei di tuk jalan ngak pachreih ba kinh tế hadei di jit prong Covid-19 hu brei tapa di quốc hội.Tui danak dak, rajaei Canada hu panuac sinya buh tabiak labaih 100 tỷ đô la Canada (80 tỷ đô la Mỹ) piah ramik pasiam gah kinh tế dok njauk kan kandah trak kayua jit ruak Covid-19 song jhul pakhang bruk patagok hajao.  Bruk plaik phiếu brei tapa kadung jien karja di  Canada hu mong lac bruk plaik phiếu prong ngan song rajaei urak ini. Meyah tong abih dom đảng đối lập jeng cagar veik, rajaei takik menuac di Thủ tướng Trudeau meda jaleih song brei peih bruk palih ruah veik.

Ấn Độ daok laik tame kan kandah praong dalam mbang ka dua di jit Covid-19 ngan haong dom manuac njom tagok biak samar ngak ka dom sang iek ruak biak quá tải. Dom negar yau ye Anh, Đức, Mỹ hu sanya payua pandap y tế daong samar drak ka Ấn Độ. Gah Y tế dunya daok kuhria payua veik chuyên gia saong pandap panda y tế yau ye mac ngak tabiak ôxy ka Ấn Độ. Akaok kadung jien buh tame tapak di Nga, ong Ki-rin Đi-mi-tơ-ri-ép (Kirill Dmitriev) harei kabroi brei thau: Ấn Độ meda taduan lô vắcxin Sputnik V camriep di Nga di harei 1-5 min oh ndem cambaic lac  handom./.

Urang lang: Thu Thao - H.Pha  27/4/2021 15:53:08