Viet Nam blei jru vacxin piah klauk ka bhap bini dalam tuk vak tal 

Mintri Y tế brei thau, hu veik labaih 1 triệu 200 rabau mbang vaccine AstraZeneca mai tal Việt Nam, ini lac mbang jao ka 9 dalam harak pambuak bruk blei 30 triệu mbang tapa Cty VNVC, ngan saong 6 triệu 700 rabau mbang hu jao tal harei ini. Lingiu vaccine AstraZeneca, Việt Nam daok taduan hu bruk daong meng COVAX, blei di Pfizer saong taduan hu bruk daong meng Japon, negar Anh, Trung Quốc. Tal urak ini, hu jaik 24 triệu mbang hu jao brei saong hu klauk blaoh jaik 16 triệu mbang. Bilan 9 tal, tui kuhria, hu 9 triệu 300 rabau mbang hu mai tal, min duk haong bruk caong pandar, dom vaccine mai daok takik, rilo tỉnh ban dalam bhum hu jit min menuac klauk vaccine hu takik.

Meng harei  23/8, bhap bini  ban raya .HCM 'thei dok lei dok nan”. Ni lac khaw tin di mbang nyaom Mban tacei jalan pacang caga Covid-19 di ban raya mesup 20/8. Langui di bruk pataom tame iek glang dom urang ruak F0, patrun patakikm di abih bruk metai lahik  , ban raya .HCM daok brei dut iek di “bhum meriak” angak bản đồ Covid, jhul khang bruk klauk vaccine, khik kajap bruk pabak pandap panda kaya mbang, daong ka bhap bini hu rai duik kan kandah. Ni lac dom jalan ngak bo ban raya pataom tame ngak khang, pamong tal pasang iek hu jit di harei 15/9 yau sarak  86 di rajaei ba tabiak dahlau di nan.

Jaik 160-200 urang ruak Covid-19 hanjul saong mbiah daok hu taong ruak di dom sang iek ruak dã chiến hu pandar iek jru pacang virus Molnupiravir. Ini lac janih jru pacang virus bahrau di dunya, dom taneh ia yau Mỹ, Ấn Độ bahrau ngak iek salah mbang 2, 3, min hu brei ka urang ruak Covid-19 pandar. Piah khik ka brujk pandar jru hu siam mekre, kein laba, dahlau di tuk ngak iek dalam bhap bini, Hội đồng Đạo đức y sinh học brei ngak iek di dom labik y tế meng harei 16/8 tal 22/8. Sang iek ruak Thống Nhất TP.HCM haong sang iek ruak Phổi Trung ương (Hà Nội) lac labik dang tabiak taduan pambuak bruk peih ngak iek angaok menuac.

Mesup 20/8, di  Bình Thuận, kapan Super Dong – Phú Quý II hu pajeng 122 tuai tabiak meng Phan Thiết nao Phú Quý, hadei di tuk paatah di gauk tui sarak 16 di Thủ tướng rajaei. Sruh kapan hu peih tui panuac ieu di  UBND huyện Phú Quý, hu Sở jalan mbak pajeng ba, UBND tỉnh brei adat song peih ngak catang dom bruk pacang caga jit. Tong abih tuai damuai, urang ngak angaok kapan brei hu harak dut iek âm tính hong SARS- CoV-2 dalam 72 tuk.

Gah cảnh sát điều tra Bộ Công an (C03) bahrau tabiak panuac tamat ka bruk pablei lap "43ha taneh meh" di Tổng công ty Sản xuất - xuất nhập khẩu tỉnh Bình Dương (ieu katut lac Tổng công ty 3-2). Panauc nan hu ba tabiak hadei 3 adit ong Trần Văn Nam – urang dahlau daih ngak ủy viên Trung ương Đảng, bí thư Tỉnh ủy Bình Dương dahlau daih, njauk chap kreik. Gah điều tra hu ba harak hồ sơ vụ án tapa Viện kiểm sát bhap bini pakat glaong di abih piah ieu truy tố ong Nam ka duas "ngak suan bruk khik ramik drap ar karja ba tal khat lahik, palai pajoa", gam haong 20 bị can karei. Tapa duah thau mboh lac ong Nam tuk ngak phó chủ tịch UBND tỉnh hu mbaoh tangin tabiak yaom taneh suan adat hukum, ba tal lahik biak praong kadung jien karja.

Rajaei Mỹ brei thau, meng harei 20/9 meda klauk pabak ka dom urang hu klauk ginup 2 mbang vaccine Covid-19 di Hãng Pfizer/BioNTech haong Moderna takik di abih lac 8 bilan dahlau di nan. Tui urang jakar y tế Mỹ, bruk ini hu ba tabiak ngak iek tui roh duah mboh lac bruk pacang caga ruak di vaccine nyu trun tui thun bilan. Dahlau di nan, rilo taneh ia yau Anh, Pháp, Đức haong Israel jeng brei klauk mbang 3 ka urang taha saong urang takik hu prein pacang caga ruak dalam tuk hu rilo menuac njom biến thể Delta.        

Thái Lan daok ngak iek jalan klauk vaccine Covid-19 ala kalik salih ka klauk di bara, piah meda klauk hu rilo menuac jang dalam tuk vaccine hu biak takik. Tui Mintri Y tế Thái Lan, klauk ala kalik tok pandar vaccine samu 25%  vaccine klauk di bara, min nyu hu prein pacang ruak dreih gauk. Thái Lan hu klauk vaccine ka 8,3% menuac sia kuhria meng tuk peih bruk klauk praong di bilan 6. Ini lac taneh ia camereip angaok dunya pambuak bruk klauk vaccine Trung Quốc haong vaccine kayua phương Tây cakrok.

Jabat tacei ba dom bruk ngak pahala di Liên Hợp Quốc brei thau, bruk srau kadau gah daong cứu trợ di Afghanistan daok jhak nao biak samar, ngan haong labaih 12 triệu menuac lahik pandap mbang huak. Tui Liên Hợp Quốc, hu yaok rabau menuac Afganista daok duah jalan tabiak truh taneh ia. Urak ini, bruk ngak pahla di Liên Hợp quốc brei ka Afganistan bahrau hu daong 37%./.

Urang lang: Hanipha- Ái Nghiêm -21/8