Bruk pathau khan ka menuac urang hu urang Đoàn ngak biak siam 

Tui khaw tin jala pandiak harei 1/7 di Mentri Y te, kuhria meng 6 tuk tal 12 tuk meteh harei ini, Viet Nam hu 260 urang birau njom Covid-19. Dalam 258 urang njom ruak dalam negar, Ban raya HCM hu tal 154 urang, Bình Dương 48 urang, Long An 28 urang, daok veik di tỉnh Phú Yên, Hưng Yên, Bắc Giang, Nghệ An, Hà Tĩnh, Bình Phước, Đồng Tháp saong Bắc Ninh. Hu 207 urang ruak meng labik brei daok karei, labik pacang veik. 

Mintri  Y tế brei thau  jien dut iek  Covid-19 hu bayar tui  2 jalan, lac kadung jien bảo hiểm y tế song kadung jien karja. 5 nyaom menuac hu mbang tui lac: urang ruak nội trú; urang ruak  ngoại trú hu dut iek hadei di tuk hu harak ba tame iek ruak  nội trú; urang jakar , urang ngak gah y tế, urang ngak di dom labik iek ruak.Urang iek glang urang ruak (ralo di abih oh tapa 2 urang salih gauk); Urang negar langui,urang Việt Nam daok di negar langui tame Việt Nam hu ngak salah bruk brei dok karei min daok dalam dom nyaom menuac hu khan bloh nan .

Tui Sở Y tế TP.HCM, kuhria meng harei 18/5/2021 lac tuk Sang iek ruak Vinmec Central Park mboh hu urang njom Covid-19 akok meti  di mbang tamuh jit ruak ka 4 di Ban raya, hu 459 urang njom Covid-19 hu mboh meng rilo sang iek ruak di karja saong langiu karja. Hu rilo sang iek ruak brei pacang veik, yau Sang iek ruak quận Tân Phú, Sang iek ruak Nam Sài Gòn, Sang iek ruak Bệnh Nhiệt Đới saong birau ini hu sang iek ruak Phạm Ngọc Thạch saong  Sang iek ruak Đa khoa Sài Gòn. Urak ini, Ban raya HCM hu labaih 4.000 urang njom Covid-19.

Beir harei ni (1/7), Pasak pasang iek ruak kik  tỉnh Bình Phước brei thau, tỉnh ni hu 1 urang njom Covid-19 lac F2 di urang ruak camereip  hu mboh di hareu  30/6; tapa pasang iek duah thau  hu 3 urang  F1. Meng 12 tuk  harei ni, huyện Chơn Thành peih bruk paatah di gauk tui sarak  15 di Thủ tướng rajaei.  Daok  4 labik  dok hu pacang veik di ban sit  Chơn Thành brei ngak tui sarak 16. Jeng dalam beir harei ni, Bình Dương hu veik 48 urang njom Covid-19. 

Vụ Pato megru Đại học birau pok panuac tagok urang pan akaok Mentri Pato megru brei peih bruk palih ruah meng bruk pakacah tamat THPT. Tui nan, brei peih bruk pasang iek,  palih ruah đại học hadei di tuk pakacah tamat THPT salah abih dua mbang. Yau nan, dom adei pakacah mbang 1 saong mbang 2 brei palih ruah yau gauk, quyen loi sumu gauk ngan saong anek saih.

Urang njom Covid-19 di bhum Bắc Mỹ dok trun khang, min di châu Mỹ La-tinh haong Ca-ri-bê (Caribe) dok rah tabiak khang, hu 37 triệu urang njom song labaih  1,2 triệu urang metai. Bruk klauk vaccine peih ngak biak suai damuai, bahrau hu labaih 1 dalam 10 menuac di labik ni  hu klauk jru. Urak ni anek ruak Delta njom mbak glong hu mboh di dom negar châu Mỹ, lac Ác-hen-ti-na, Braxin, Ca-na-đa, Chilê, Pêru, Mỹ song  Mê-hi-cô. 

Dalam tuk châu Âu daok caga ka sa mbang tamuh jit Covid-19 bahrau kayua biến thể Delta, Rajaei Séc jeng brei samar peih ngak dom jalan pacang caga bruk njom mbak di biến thể ini yau patagok bruk klauk jru caga ruak ka bhap bini, pabak angan dom taneh ia brei takik nao mai. Ngan saong 120 urang njom biến thể Delta birau, dom urang ilamu y tế di Séc kakei lac: meyah anek ruak di Ấn Độ tok dalam 2 bilan njom mbak abih negar Anh, ye bien the birau meda njom mbak  samar jang. Dom urang ngak praong gah y te  châu Âu kuhria mboh dahlau lac, đột biến Delta meblah 90% dom urang ruak di châu Âu di puac bilan 8.

Menuac sia daok di gah pai Canada song  Tây Bắc negar  Mỹ dok glaih glar haong pandiak biak khang, biak glaong oh ka bhian mboh. Hu labaih  600 urang metai  meng harei  25 tal harei 30/6 kayua pandiak. Pandiak jiak 50 độ C lac glaong oh ka bhian hu di  Canada saong bhum  Tây Bắc Thái Bình Dương di  Mỹ, ngak kan kandah tal rai duik di  yaok triệu menuac, takik di abih  108 urang metai meng di harei 25/6. Pandiak khang gam hong thu lagu dok mbuan ba tal khuah glai. 3 harei dahlau di nan, 500 ha glai njauk pui mbang khuah  di jalan tapen negar bang California./.

Urang lang: Ái Nghiêm- Hanipha- 1/7