Rilo tỉnh ban peih bruk dut iek urang halei tame tabiak 

Dalam var ginum biai di Rajaei ka bruk padang ngak hukum tuk biar harei 29/6, Mentri LĐTB saong XH brei thau dự thảo sarak  daong mbang ini brei pabak tame rilo asar kadha birau dut saong Srak 42 thun 2020, tui kuhria abih tih paok jien daong birau ka urang ngak, D.N gaok kan kandah kayua jit Covid-19 lac labaih 26.000 tỷ đồng. Dang akaok nyaom biai, Thủ tướng Phạm Minh Chính eiw jabat ngak hukum saong dom mentri pambuak tal brei tui iek, peih ngak njauk tui dom panuac tamat di Mentri Chinh tri, njauk hatai saong bruk tabiak sarak daong urang ngak saong urang pah manuac ngak gaok kan kandah kayua Covid-19. Thủ tướng iew brei pasang iek piah sarak nan hu daong tal taong abih urang njauk daong, dalam nan pabak tame dom urang ngak  tự do.

Mintri Y tế dah page ni khan lac hu 94 urang dương tính nCoV, dalam nan hu 93 urang njom dalam negar saong sa urang tame negar hu brei daok karei chip. Dalam dom urang nan, 87 urang hu duah mboh di labik brei daok karei atau di labik hu pacang cakak. Bình Định lac tỉnh ka 50 tamuh jit dalam mbang ni, hu 3 urang njom camriep. Ni jeng lac mbang camriep meng di tuk Covid-19 rahtabiak di akaok thun 2020, Bình Định hu urang njom dalam rahra.

Anak bruk jit ruak Covid-19 di ban raya daok sraw kadau biak having akaok, UB bhap bini TPHCM birau payua chip sarak brei padang 25 kapol ngak bruk đặc biệt daong bruk pacang caga jit Covid-19 di Ban Thủ Đức; dom quận, huyện saong dom labik chế xuất, khu công nghiệp, khu công nghệ cao. Tui nan, jao ka Akok UB bhap bini Ban Thu Duc saong dom quan, huyen brei daong palagaih brei kapol ngak bruk; parabha kapol ngak bruk daong ka labik nan tui bruk ba tabiak. Dahlau di nan, Ub bhap bini TPHCM brei thau, Ban raya brei ngak patui veik Srak 10 hadei di harei 29/6.

Dah page ni, Sở Y tế Đồng Nai brei thau daok likau pacang veik 4 xã di huyện Thống Nhất lac: Gia Kiệm, Gia Tân 1, Gia Tân 2, Gia Tân 3. Urak ni bruk duah manuac meng darak Hóc Môn (TP.HCM) mai saong F1 ka oh hu abih, labik pacang cakak sit nan ye dom urang dương tính saong rilo F1 daok dalam rahra. Hu menuac njom ruak pambuak tal labik jit di huyện Thống Nhất ngak bruk dalam CTy jhik di xã Phú Cường, huyện Định Quán. Công ty ni hu 2.700 urang, hu 80 F1. Kuhria tal urak ni, Đồng Nai hu 26 urang njom saong medil njom Covid-19.

Page 30/6, Pasak pasang iek ruak kik tỉnh Bà Rịa – Vũng Tàu brei thau, pambuak tal urang nao tasik njom Covid-19, tỉnh ni hu 6 urang F1 njom SARS-CoV-2. Dalam melam 29/6, Mban tacei jalan pacang caga jit Covid-19 tỉnh Bà Rịa – Vũng Tàu brei ginum chip, tacei pato jabat Y tế huyen Long Điền daong dom gah chức năng brei pacang caga praong, duah urang  hu taom gaok, brei daok atah, mek mau dut iek ruak. Tui nan, brei pruh jru pametai anek ruak di dom labik hu urang njom SARS-CoV-2 tame tabiak.

Piah pacang cakak bruk njom mbak di dom mbang đột biến Covid-19 bahrau, Mintri Y tế Séc bahrau tabiak adat pakauk taong abih dom manuac meng Séc tal Nga saong Tuy-ni-di. Harak pakauk ni hu pandar meng harei 1/7 tal 31/7. Kuhria tal harei 30/6, Séc hu ba 14 taneh ia tame angan dom taneh ia mbuan njom ruak glaong, dalam nan hu Ấn Độ saong dom taneh ia châu Phi haong Nam Mỹ. Bruk njauk ba Tuy-ni-di saong meda lac Ai Cập tame angan dom taneh ia mbuan njom ruak glaong meda ngak kan kandah oh sit ngan haong gah du lịch Séc kayua ni lac dom labik rivang main bo urang negar Séc biak takre.

Bol lin Đức hu ngak salah blaoh bruk ba lin tabiak truh Áp-ga-ni-xtan, padeih abih bruk mesruh metak metai lahik rilo abih di taneh ia ini meng hadei Mesruh metak dunya mbang ka 2. Tổng thống Mỹ Joe Biden saong Gah quân sự Hiệp ước Bắc Đại Tây Dương (NATO) meng kreh bilan 4 khan brei thau lac ba 10 ribau bol lin tabiak truh Áp-ga-ni-xtan meng ini mbiah tal harei 11/9 - bak 20 thun harei taong khủng bố tame Pasak pablei salih dunya di New York, tapa nan ba tal bruk quan su di Mỹ haong dom taneh ia di Áp-ga-ni-xtan. Đức lac taneh  hu urang lin ralo ka 2 di Áp-ga-ni-xtan hadei di Mỹ, lac jaik 150 ribau urang lin.

Rajaei bhum Vancouver, Canada bahrau brei thau hu takik di nyu 69 urang metai dalam 2 harei tapa kayua langik pandiak. Ni jeng lac mbang hu menuac metai biak glaong abih kayua langik pandiak di gah Tây Canada saong bhum Tây Bắc Thái Bình Dương di Mỹ. Canada rah tapa rilo harei langik pandiak, hu harei langik pandiak tal 47,9 độ C nan lac di harei 28/6. Tui mintri Môi trường Canada, mbang pandiak glaong kan kandah ni meda dui atah dalam adit ni, langik  pandiak jang meng 10-15 độ C dut saong tuk halei karei./.

Urang lang: Thu Thảo -Ái Nghiêm -30/6