Di mbang nyaom Thường trực mban tacei jalan pakat negar ka pacang caga  Covid-19 beir harei kabroi, Mintri Y tế ndom lac, jit ruak dalam negar daok pasang iek hu, dom menuac njom bahrau daok takik veik. Min, mintri Y tế mboh lac dalam dom harei anak tal, di Bắc Giang, Bắc Ninh, ban raya  HCM meda hu urang njom bahrau kayua rilo urang njauk njom meng dahlau...Langui di nan, meda hu dom urang njom mbak di dom labik karei meng dom urang tame Viet Nam suan hukum, atau meng dom urang taom gaok hong urang ruak di dom sruh jit klak.

TPHCM daok samar pasang iek piah thau dom doanh nghiệp, urang ngak gaok kan kandah kayua jit Covid-19. Tapa nan, TPHCM kuhri kuhria dom jalan lang talaih, samar daong tui pok jien daong di TPHCM (pok jien daong mbang ka 2). LĐLĐ TPHCM hu tacei pato blaoh bruk buh jien tabiak daong chip tal urang ngak daok dalam TPHCM. Tui nan, tuk đoàn viên, urang ngak hu jien mek tame mala 5 triệu đồng, urang kumei đoàn viên daok metian atau daok raong anek mala 6 thun, njauk ruak kan kandah, daok ndih taong ruak di sang iek ruak atau njauk bala tuk ngak bruk dalam vaktu brei daok karei, lac urang ngak daok raong amaik, ame, diuk, atau pasang haong anek oh ngak hagait hu jien, ye hu taduan jien daong.

Melam blaoh (8/6), Gah Cảnh sát điều tra, Công an tỉnh Khánh Hòa hu ngak salah bloh bruk pasang iek labik daok, ba 2  urang dahlau deih ngak akaok  UB bhap bini  tỉnh Khánh Hòa mai labik mek kreik di Công an tỉnh piah patui bruk duah thau dom bruk ngak suan gah khik ramik taneh riya  dalam vụ án hu khởi tố dalam harei . Tuk vak 2010-2015, ong Nguyễn Chiến Thắng lac akaok  UB bhap bini tỉnh Khánh Hòa, ong Lê Đức Vinh lac  phaok akaok  UB bhap bini tỉnh, ong Lê Mộng Điệp lac  Yam ndoc Sở Tài nguyên song  Môi trường tỉnh Khánh Hòa. Meng puac thun  2015, ong Lê Đức Vinh lac akaok  UB bhap bini  tỉnh Khánh Hòa. 3 urang ni njauk  khởi tố ka duas "ngak suan dom hukum ka bruk khik ramik taneh riya " tui  khoản 3 paka  229 Bộ luật hình sự di danak dak  sinh thái tâm linh Cửu Long Sơn Tự song danak dak  biệt thự kraong ceik Vĩnh Trung, ban  Nha Trang. Ni lac  bruk  ka  3 pagam tal urang pal akaok  tỉnh Khánh Hòa njauk jabat  Cảnh sát điều tra Công tỉnh Khánh Hòa khởi tố  meng bilan  5 mai ini.

Urak ini, lasun ngù di ban sit Vĩnh Châu, tỉnh Sóc Trăng jeng daok labaih 20.000 tấn daok caong hu pablei. Kapul urang ngak nong tỉnh Sóc Trăng daok jak ba, pambuak bruk haong dom doanh nghiệp, kapul nyaom, menuac urang, kapul urang ngak nong dom tỉnh daong pablei lasun ngù daok labaih, piah plaih ka lasun nyu bruk, khut, ngak khat lahik ka urang nong. Kapul urang ngak nong pakat negar hadei di tuk taduan hu panuac ieu di Kapul urang ngak nong tỉnh Sóc Trăng, hu harak ieu kapul urang ngak nong dom tỉnh, ban daong pablei dom lasun ngù daok labaih nan di ban sit Vĩnh Châu. Urak ini, yaom lasun ngù di Sóc Trăng meng 10.000 - 12.000 đồng sa kg. Kapul urang ngak nong tỉnh hu blei dahlau ka dom baoh sang kathaot, sang jaik kathaot saong dom sang oh hu labik khik piah lasun.

Dom gian hàng 0 đồng hu peih tabiak rilo dalam harei  8-6 di dom labik brei dok karei dalam quận Phú Nhuận-TPHCM. Hu labaih  20 pandap lac dom janih pandap pandar yaok harei , gian hàng 0 đồng hu peih tabiak piah duh ka bhap bini daok di dom labik brei dok karei pak di quận Phú Nhuận (TPHCM) tal tuk abih pacang cakak. Urak ni, quận ni  hu 8 labik pacang veik hu 723 boh sang. Taeng di phường 5 hu 3 labik ngan song 66 boh sang.

Cty jru tavao Mỹ Phai-dơ (Pfizer) brei thau lac daok peih veik bruk ngak iek vaccine Covid-19 di drei ngan saong yaok rabau uranaih umo ala 12 thun. Urak ini, vaccine Covid-19 di Pfizer haong gah pambuak bruk lac Bai-âu-en-tếc (BioNTech) di Đức daok hu pandar ka uraniah umo meng 12 thun daok di châu Âu, Mỹ haong Canada saong liều lượng 30 mi-crô-gam. Tui pasak pasang iek saong pacang caga jit ruak Mỹ, jaik 7 triệu uraniah di negar ini hu klauk takik di nyu 1 mbang vaccine di Pfizer.

  Liên minh châu Âu brei peih veik pabah mbang negar  ka tuai damuai hu klauk blaoh vắc xin atau tuai meng dom negar salamat, daok ngak ka rahra châu Âu mboh chreih chrai tuk sahneng tal sa bilan padeih hè bui sambai tapen mblang tasik  Địa Trung Hải hadei di sa thun  "kak takai " dalam sang.

Tui pathau khan Triển vọng kinh tế dunya bahrau abih di Gilang pariak dunya hu ba tabiak di harei 08/06, kinh tế dunya meda tagok 5,6% salih ka 4,1% hu kuhria mboh dahlau di bilan 01. Ini meda lac tanut patagok samar abih kuhria meng thun 1973 ngan saong 6,6%. Pathau khan di Gilang pariak dunya mboh lac, danak dak klauk jru pacang Covid-19 saong dom jalan ngak pachreih kinh tế di dom taneh ia kaya meda, nyu daong jhul patagok dunya. Kinh tế dunya thun blaoh trun 3,5% hadei di tuk jit praong Covid-19 ngak klaih klaoh dom bruk pablei salih saong dom doanh nghiệp njauk kreik pabah mbang, bhap bini njauk daok di sang./.

Urang lang: M.P – H.Pha  9/6/2021