Urang jakar pasang iek labik brei daok atah di Binh Duong

Mintri Y tế mesup 24-6 brei thau, hu gac 42 urang njaom COVID-19, dalam nan ban raya HCM hu tal 26 urang. Dahlau di nan, dalam mbang ngak bruk haong tỉnh Bình Dương harei 23-6, kapul ngak bruk di 2 thứ trưởng Mintri Y tế lac Trần Văn Thuấn haong Nguyễn Trường Sơn hu kakei Bình Dương ngak catang bruk pa-atah di gauk di ban sit Thuận An. Urak ini Thuận An daok pa-atah di gauk tui Sarak 16 di Thủ tướng Rajaei, ini lac labik jaik taphia haong rilo labik karei, dalam nan hu gam  ban raya  HCM.

Dalam harei kabroi (23/6), dalam tỉnh Tây Ninh hu 3 urang medil njom Covid-19 dalam rahra. Ong Nguyễn Thanh Ngọc, akaok UBND tỉnh, akaok mban  tacei jalan pacang caga jit di tỉnh Tây Ninh ieu kakei dom labik dalam tỉnh samar drah pasang iek, peih bruk pathau khan y te saong ieu kakei ngak catang jang bruk khik ramik manuac meng bhum hu jit mai pak ni; dom labik njauk ngak pasiam khik tani tanat labik pacang cacak, pabak ginup pandap mbang, pandap pandar yaok harei, pabak siam ka bruk mbang huak, daok dang. Mban khik ramik dom labik ngak kong njauk paglaong dom bruk pacang caga jit, brei khan y te yaok harei ngan haong manuac ngak…

Ong Dương Anh Đức - Phaoak Akaok UB bhap bini ban raya HCM taduan panuac caong di Sở Jalan mbak Pajeng ba ban raya HCM  ka bruk brei peih dom radaih taxi pajeng menuac nao, mai sang iek ruak, pasak y tế tuk ruak kik trak. Tui nan, hãng radaih Mai Linh hu 200 sruh taxi piah pajeng bhap bini tuk ruak kik trak. Taong abih 200 sruh radaih peih mbang ini daok hu ngak daning pacang meng katak jangaih maong tame tabiak hu, piah patakik bruk taom gaok di urang peih radaih haong menuac nao radaih saong hu tauk tem brei thau.

Khak drak dalam negar daok yam tame tukvak tagok yaom, saong tui kuhria meng ini tal puac thun, yaom khak drak meda dang di tanut glaong. Meng akaok thun tal urak ni yaom pajeng tagok meng 3 tal 5 mbang. Tui ong Nguyễn Xuân Sinh - Phó akaok Cục Hóa chất, yaom khak drak dalam negar hu bruk pambuak haong yaom khak di dunya, nan ye tuk dom pandap piah ngak khak drak di dunya tagok, yaom khak drak dalam negar jeng tagok tui.

  UBND tỉnh Ninh Thuận daok pataom tame lang talaih kan kandah, tavak tavaiy pambuak tal bruk peih taneh saong panduan ba sang danaok hu pambuak tal piah ka danak dak pasaim dom canah jalan daok veik angaok jalan roya 27 labik nao tapa tỉnh Ninh Thuận hu nghak njauk tukvak ba tabiak. Danak dak pasiam dom canah jalan daok veik angaok jalan roya 27 labik nao tapa tỉnh Ninh Thuận atah abih tih 10,18 km, hu yaom jien buh tame ngak abih tih lac 216 tỷ đồng, bahrau hu peih tabiak ngak di akaok bilan 5/2021, tui kuhria hu ngak salah dalam 12 bilan. Min tui mBan khik ramik danak dak 8 (Tổng Cục jalan mbak Việt Nam) – lac po  đầu tư, danak dak kan ngak hu yau kuhria dahlau, kayua hu oh takik dom tavak tavaiy dalam bruk peih taneh.

Meng 16 urang njom Covid-19 dalam rahra bahrau hu khan brei thau di harei kabroi (23/6), sruh jit jaik mblang tasik hu angan je Bondi di gah timur di ban  Sydney tagok tal 37 urang. Anak bruk nan, rajaei bang New South Wales hu brei ngak veik dom bruk pacang cakak saong paatah di gauk ngan haong ban Sydney saong bhum jaik taphia. Tui sarak bahrau, dom baoh sang oh brei taduan tuai rilo jang 5 urang, dalam nan hu gam ranaih; brei cuk pataih pacang mbaok di yaok labik hu rilo manuac; brei paatah di gauk takik di nyu lac 4m2 ngan haong dom bruk hu peih ngak dalam sang saong di langiu langik. Adat nan bahrau hu pandra meng bier harei 23/6  saong hu pasang iek, rami ramik veik iek tui bruk njom mbak di jit ruak.

Harei 23-6, Indonesia hu 15.308 urang njom ruak dalam 24 mon, lac glaong di abih kuhria meng tuk tamuh jit praong COVID-19 tal urak ini. Dalam tuk nan, dom menuac metai kayua COVID-19 di taneh ia ini hu gac 303 urang, tui nan, menuac metai tagok tal 55.594 urang. Jit praong COVID-19 nyu njaom mbak abih  34 tỉnh di Indonesia. Urak ini, Indonesia lac taneh ia hu menuac njaom mbak saong menuac metai kayua COVID-19 glaong abih dalam bhum Đông Nam Á.

Đại hội đồng Liên hợp quốc harei 23/06 hu ginum biai brei tapa sarak “bruk njauk ngak piah padeih, pakauk kinh tế, pablei salih saong jien padai ngan haong Cuba” hu 184 phieu pachreih tui, 2 phieu cagar veik saong 3 phieu patih. Di mbang ginum biai, hu labaih 20 taneh ia, dalam nan hu lambuak di 6 kapul taneh ia lac châu Phi, Cộng đồng Caribe, ASEAN, kapul G77 pagam Trung Quốc, Kapul oh pambuak gauk saong Kapul pambuak bruk Islam hu panuac brei thau lac  pachreih tui khang bruk brei tapa sarak. Dom negar dom lac Hoa Kỳ njauk klaak adat pakauk ngan haong Cuba saong sanya lac ngak tui dom adat, bruk ngak saong asal kadha di Hiến chương LHQ, abih di nyu nan lac dom adat samu gauk di quyen ngak po saong oh lih tame bruk di dom taneh ia./.

Urang lang: T.Thảo & M.Phuong -  24/6/2021