Mintri Y tế mesup ni  11-6 brei thau, hu  51 urang njom COVID-19 di  5 tỉnh, ban; dalam nan hu 41 urang dalam negar, taeng ban raya.HCM hu 10 urang.  Njauk caik hatai lac, harei kabroi,  meng 2 urang ruak lac  urang ruak 9612 song  urang ruak 9613 ngak bruk di sa  cty cơ khí ngak jamriak di  xã Tân Xuân, huyện Hóc Môn, sang dok di xã Tân Thạnh Đông, huyện Củ Chi, Ban raya HCM, thau lac njauk  Covid-19 tuk nao iek ruak di sang iek ruak Thống Nhất, ban raya mboh hu 28 urang njaom ba. Dom urang taom gaok jiak  hong  28 urang njom Covid-19 nan  hu brei dok karei pataom di labik praong\, dom urang taom gaok vòng 2 brei dok karei di sang , dut iek drah, pacang veik labik dok di dom urang ruak, peih prong bruk dut iek dom boh sang pak di labik  pacang veik.

Dalam sarak mbang nyaom Rajaei bilan 5 thun 2021, rajaei brei cakak trun takik di abih lac meteh yaom jien brei ka njaom biai, nao ngak bruk dalam saong langiu taneh ia daok veik di dom Mintri, jabat TW, tinh ban saong patak pataom jang 10% jien bhian pandar cai karei daokveik di thun 2021 piah pabak tame kadung jien pacang caga jit Covid-19, patagok jien buh tame ka patagok saong bruk an ninh, quốc phòng mboh lac njauk ngak.

Lime bilan tapa, labaih  42.500 urang ngak di  TP HCM lahik bruk ngak  atau padeih ngak, 9.308 doanh nghiệp padeih ngak kayua Covid-19. Bruk nan hu  Akaok ban raya .HCM Nguyễn Thành Phong batabiak di mesup  10/6 di mbang nyaom taom gaok  doanh nghiệp dok di ban raya gaok kan kandah kayua Covid-19. Mbang ngak bruk rah tabiak  dalam tuk ban raya  hu 527 urang ruak, dang ka 3 dalam negar  ka urang ruak. Dahlau di nan, harei  8/6, Sở Lao động, Thương binh song Xã hội hu panuac likau karja  ban raya  HCM buh tabiak 1.075 tỷ đồng piah dong ka urang ngak, doanh nghiệp gaok kan kandah kayua jit  Covid-19.

Dom hãng par brei thau urak ini dom mbang par trun daok takik, kapal haoh njauk ndih di mblang pataok kayua jit COVID-19 ngak brei tuai nao kapal haoh trun khang. Piah patagok jien mek tame, dom hãng par daok jhul khang bruk pajeng ba pandap panda piah khik bruk ngak. Lambaok Vietnam Airlines brei thau, hãng hu pajeng yaok ratuh tấn vải thiều Bắc Giang meng kapal haoh praong Boeing 787 haong Airbus A350 nao tal TP.HCM, Japon. Piah pajeng hu rilo jang, lingiu labik caik pandap, hãng hu rami ramik ba 40 tấn vải thiều meng Hà Nội tame TP.HCM di labik pajeng tuai. Ini jeng lac mbang camereip di abih hãng brei sa sruh kapal haoh praong Boeing 787-9 nao pajeng sa janih lac vải thiều.

Thủ tướng rajaei bahrau hu sarak  ka  898/QĐ-TTg ka bruk pok ong Đỗ Tiến Sỹ ngak TGĐ rayo sap ndom Việt Nam. Tui nan, ong Đỗ Tiến Sỹ - UVTW Đảng, Bí thư Tỉnh ủy Hưng Yên vaktu 2020-2025, Akaok kapul urang  Quốc hội mbang XIV tỉnh Hưng Yên brei ngak  TTGĐ rayo sap ndom Việt Nam meng harei  9/6.. Dahlau di tuk ngak  TGĐ VOV, ong Đỗ Tiến Sỹ hu tapa rilo bruk ngak yau: Phó Bí thư, Phó Bí thư Thường trực, Bí thư Tỉnh ủy Hưng Yên; Akaok hội đồng bhap bini tỉnh Hưng Yên... Dahlau di nan, Thủ tướng rajaei hu mbaoh tangin tame sarak  brei ka ong  Nguyễn Thế Kỷ, UVTW Đảng mbang XII, padeih ngak TGĐ rayo sap ndom Việt Nam meng harei 1/6/2021.

Yaom lachu klauk ginup ka labaih meteh rahra dalam taneh ia, min Chi-lê harei kabroi brei thau lac sa mbang tra brei pacang veik taong abih ban ine Xan-ti-a-gô (Santiago) hadei di tuk hu menuac njaom COVID-19 rilo di abih di taneh ia ini kuhria meng tuk jit praong tamuh tabiak. Mintri Y tế Chi-lê brei thau, dalam 2 harei tapa, taneh ia ini hu 7.716 urang njaom COVID-19, bo 73% dalam nan ka oh hu klauk ginup saong 74% lac dom menuac umo ala 49 thun. Dom khaghe ndik iek ruak trak di ban ine Xan-ti-a-gô urak ini jaik abih, pandar tal 98%, ngak brei urang huac lac bruk y tế daok laik tame bruk lac tapa prein di nyu.

Ô-xtrây-li-a hu urang metai ka  2 kayua njauk khal darah lac bruk takik mboh hadei di tuk klauk vaccine Covid-19 Át-xtra Dê-nê-ca (AstraZeneca). Kuhria meng tuk negar ni brei klauk vaccine pacang Covid-19 mbiah tal ni hu labaih 3,6 triệu mbang vaccine AstraZeneca hu pandar, hu 35 urang njauk khal darah trun tiểu cầu song  13 urang karei hu mong lac meda njauk ruak ni. Dalam nan, hu 2 urang metai . Min gah y tế negar ni ndom lac janih vaccine ni, urak ni hu siam lagaih jang  biak rilo dut song dom kanjah jhak bo nyu meda ba tal.

Jala pandiak kabroi (tui mon di Mỹ), takik di abih 3 urang metai dalam mbnag cuh phao di sa labik pablei pandap di dom siêu thị Pắp-lích (Publix) daok di bang Phlo-ri-đa (Florida) di Mỹ. Menuac cuh phao lac sa dalam 3 urang metai nan . Nyu cuh metai 1 urang kumei haong 1 uraniah, blaoh cuh pametai rup eng. Gah điều tra mboh lac ja cuh phao haong 2 urang metai nan meda thau gauk. Angan di ja cuh phao haong 2 urang metai oh ka brei thau./.

Urang lang: H.Pha –M.Phuong  11/6/2021 11:31:29