Mintri Y tế payua dom jabat di drei, dom sở y tế, ieu ramik veik bruk pabak khau tin pambuak tal jit COVID-19. Tui nan, mintri Y tế hu panuac ieu oh brei thau angan je, oh brei thau cambaih jalan nao mai, tuk vak taom gaok di urang ruak COVID-19, tok brei thau dom labik mbuan si  hu anek ruak (labik hu urang njom  COVID-19 nao tal) piah urang halei hu nao tal, taom gaok di labik nan hu jalan khik iek ka drei song menuac daok vil val nan tui tacei pato di  mintri Y tế.

Bắc Giang, Bắc Ninh urak ini lac 2 tỉnh hu menuac njom ruak glaong di abih. Jit tame dom labik ngak kong nan ye menuac njom tagok samar, kan pasang iek hu. Tal urak ini, Bắc Ninh daok brei daok karei labaih 70.000 urang. Bắc Giang brei padeih ngak bruk 4 labik ngak kong, brei daoh karei labaih 60.000 urang ngak saong rilo rahra jeng daok daok dalam bhum pacang cakak, pa-atah di gauk. Akaok Mintri Y tế Nguyễn Thanh Long kuhria mboh lac, anak tal 2 tỉnh ini daok hu menuac njom Covid-19, kayua anek ruak hu dalam tukvak atah, di labik praong, saong hu panuac ieu dom mintri, dom gah, doanh nghiệp saong rahra dalam taneh ia klah rabha kan kandah haong Bắc Ninh saong Bắc Giang, daong ka 2 tỉnh ini pacang caga jit ruak hu siam mekre.

Piah hu siam mekre bruk pacang caga jit COVID-19, UBND tỉnh Bắc Ninh hu kakei dom Sở, mban, ngành, jabat, đơn vị dalam tỉnh, UBND dom huyện, ban sit brei patrun tal tanut glaong di abih urang jakar, công chức, viên chức song urang ngak tal labik ngak bruk yaok harei di jabat, đơn vị, oh kuhria tal urang jakar gah Y tế, Công an, bol bala song dom bruk karei kayua urang dang akaok jabat, đơn vị batabiak. Urang jakar, công chức, viên chức song urang ngak peih bruk ngak online di sang min brei ngak salah bruk, ngak bruk hu siam mekre saong njauk tukvak di bruk ba tabiak.

Trung tá Phan Xuân Huyền, urang dang akaok Đồn Biên phòng Sông Đốc, tỉnh Cà Mau brei thau, tuk daok ngak bruk angaok tasik, kapal taong ikan CM-99552 TS di urang taong ikan njauk riyak paoh kram di labik atah di pabah kraong Sông Đốc jaik 3 hải lí, 9 urang angaok kapal seik angaok tasik. Hadei di tuk taduan hu panuac khan ka bruk nan, Đồn Biên phòng Sông Đốc hu nyim 2 sruh kapal taong ikan di mikva dalam palei saong brei 5 urang jakar, urang lin tabiak tasik duah, daong, samar sraong hu saong ba 9 urang taong ikan di kapal kram nan tame gah hu siam mekre, salamat.

Harei 25-5, Công an quận Bình Tân, ban raya HCM brei thau, hu khởi tố song chap kreih  muk Tăng Thị Hương (ndih tapui thun 1958, dok di ban Thủ Đức) lac urang pal akaok kapul ngak lac ginuh radeih bloh co klaik drap ar. Tapa duah thau, mboh lac kapul ini kayua Tăng Thị Hương pal akaok bhian ngak lac ginuh radaih haong urang angaok jalan roya ka 1. Bloh hadei di nan, pagam pambak tame tuk urang gaok bala oh caik hatai, kapul ni co klaik mek jien bloh nduac klaak. Meyah urang gaok bala preo ieu, parui tui ye dom urang karei nyu pacang jalan.

Trung Quốc brei padeih atau klaak rilo giải pakacah nduac việt dã, marathon. Bruk nan hu ba tabiak hadei di tuk bala pandik harao rah tabiak tuk puac adit bloah di mbang pakacah marathon di tỉnh Cam Túc negar ini, ngak brei 21 urang nduac marathon metai kayua langik tasik pandiak blaoh la-an chip. Karja pak nan saong mban peih bruk njauk menuac sia preo puac kayua oh kuhria caga tani tanat dom jalan ngak caga, ba tal bruk pandik harao nan.

Thủ tướng Australia Xcốt Mô-ri-sơn song Ngoại trưởng nước này Marise Payne harei ni brei thau, Đại sứ quán negar ni di ban ine Kabul, Afghanistan brei kreih pabah mbang meng harei  28/5 anak tal. Urang pal akaok cong lac, ini jalan ngak di anak meta tuk an ninh di Apganixtan dak harei dak srau kadau, meng bruk  ba urang lin tabiak truh di dom gah dunya dalam dom bilan anak tal.

Truyen thong Malaysia harei ini (25/5) brei thau, tàu điện ngầm ginuh gauk di ban ine Kuala Lumpur tuk melam blaoh (24/5), ngak ka labaih 200 urang njauk rambus, dalam nan hu 47 urang njauk rambus biak trak. Bruk nan rah tabiak harei kabroi (24/5) di mon 8 meteh, tuk sa radaih saoh daok peih iek ginuh tapak tame sa radaih karei pajeng 232 urang, di sa labik jalan lubang jaik “ga” gah lingiu sang praong Petronas Towers. Bala nan ngak brei ka labaih 200 urang njauk rambus, rilo menuac hu ba nao cấp cứu di sang iek ruak./.

Urang lang: H.Pha - M.Phuong  25/5/2021