Yau dom sang karei di xã Hàm Phú, huyện Hàm Thuận Bắc, tỉnh Bình Thuận,  labaih dua pluh thun dahlau, sang saai Thông Đinh Phụng rilo meng ngak padai sa vụ di bilan hajan, taneh pala njam patam kurang, raidiuk rilo kan kandah. Urak ini nyu karei paje, bruk ngak mbang kinh te di saai Thông Đinh Phụng hu ba jien mek tame rilo ka sang. Daa mikva saong grauk yut duah thau bruk ngak mbang kinh tế di saai  Thông Đinh Phụng.   

Tuk xã Hàm Phú hu ia binek Sông Quao ba mai, siam lagaih ka urang nong pala drak  2 tal 3 vụ padai sa thun. Saai Phụng lac sa dalam dom urang nong nao dahlau dalam bruk patagok vụ phun pala. Saai hu mbaok tame dom tal pasram buh khak, pasang iek, caga halak mbang. Thun akaok mereip, saai ngak 2 vụ, thun hadei tagok 3 vụ; padai hu ia pruh la-ar, pasang iek njauk quy cách, cakrok siam, năng suất dak harei dak glaong, yaok sào hu meng 5 tạ meteh tal 6 tạ padai.  

Saai Phụng daok khang hatai nao mesraiy jien di Gilang pariak 5 triệu đồng blei 2 drei kubao binai mai raong…Livik livik harei, diuk pasang saai patak pataom hu phun jien, padang sang mac sit srai brah ka bhapbini dalam bhum. Jien mek tame meng pala drak, raong glang, dich vu jeng daong ka diuk pasang saai hu jien ngak mbang praong jang. Saai Phụng ndom lac : ‘urak ini, dahlak hu 3 ha padai 3 vụ, 1 ha thanh long 1.000 trụ, 1 ha taneh apuh pala 2.000 phun keo; raong 8 drei kubao binai ; blei 2 sruh mac li-ua, máy tuốt piah pala drak, gam ngak dịch vụ daong ka mikva. Bruk pala drak, pablei salih di diuk pasang saai jeng ba bruk ngak ka 4 - 5 urang ngak di puk palei hu jien mek tame tani tanat yaok thun. Saai Phụng khan lac: ‘Dahlak tuk halei jeng pataom tame dom tal tacei pato ilamu ilamu kỹ thuật kayua Kapul urang nong xã peih tabiak, dalak jeng pachreih mikva dalam palei Lâm Thuận pandar, patagok kinh te sang, tapa nan brei mboh phun padai, thanh long, njam patam jeng hu nang suat glaong di bhum taneh Hàm Phú”