Rilo urang ngak taduan hu pok pandap dong di dom gah 

Hadei di tukvak padeih lavik kayua Covid-19, Sang bac ĐH Y Dược ban raya HCM hu taduan raok 14.000 sinh viên haong urang bac hadei ĐH sang bac ini mai bac veik. Tui PGS-TS Trần Diệp Tuấn, Hiệu trưởng sang bac, adit camereip tame bac, sang bac tok peih dom mbang pato pasram ka sinh viên, urang bac saong urang pato dalam sang bac thau ka ruak kayua SARS-CoV-2, piah khik caga prein yava rup drei saong pacang caga njom mbak. Dalam vaktu ini sinh viên oh nao ngak iek di sang iek ruak.

Ong Tuấn brei thau: “jalan ngak di sang bac lac brei hu rilo jalan bac megru piah plaih pataom rilo menuac dalam vaktu ini”. Kayua yau nan ye, tui bruk ba tabiak, binah lý thuyết bac tapa e-learning, meyah njauk bac di sang bac ye parabha jeng dom kapul sit. Dom khoa  jeng bac di rilo labik, oh pataom  mai labik praong di sang bac. Di duk bilik iek gah tagei - hàm - mặt daok di sang bac, dalam tuk hu jit jeng plaih hu bruk pataom rilo sinh viên sa mbang haong gauk. Di pak ini, sinh viên hu mbaok tame iek ruak ka urang ruah hu tapa vaktu dahlau di lâm sàng, nan ye dahlau di tuk tame labik ini, sinh viên hu pasang iek prein yava biak tani tanat: hu dut iek pandiak di rup pabhap, rao tangin meng ia jru pamertai anek ruak, brei thau ka prein yava.

Tiến sĩ Trần Hữu Duy, Akaok jabat pato pakai Sang bac ĐH Đà Lạt brei thau, sang bac hu labaih 10.000 sinh viên saong urang bac min bahrau hu oh ka tal 2.700 sinh viên mai bac dalam adit camereip. Yaok var bac, sang bac jeng hu ieu angan brei mboh mbaok piah thau cambaih ka yaok sinh viên. Urak ini tok brei tal bac hu meng 50 - 70 sinh viên, klaak taong abih dom tal bac pataom rilo menuac yau pato pakai quốc phòng, lý luận chính trị. Tui ong Duy, Sang bac ĐH Đà Lạt hu 16 urang pato lac urang negar lingiu, mai meng Nhật Bản, Hàn Quốc. Yaom lac yau nan, min sang bac oh brei gru pato lac urang negar lingiu dang pato mbiah tal tuk jit ruak hu pacang veik.

Tui PGS-TS Trần Diệp Tuấn, Sang bac ĐH Y Dược ban raya HCM, sang bac hu peih ngak haong gauk rilo jalan ngak piah patrun, patakik bruk njom ruak meda rah tabiak tuk urang pato saong urang bac mai tal sang bac. Sang bac hu brei ia jru pametai anek ruak brei ka sinh viên piah ba tui tuk nao bac, caga khẩu trang y tế ka sinh viên saong urang pato. Dom labik pato bac oh peih máy lạnh. Sang bac jeng hu caga ia rao tangin di thang máy, anak duk bilik bac saong di sang jaman.

Sang bac ĐH Y dược jeng hu pachreih sinh viên nao mai meng kanyan nao takai, takik nao dalam thang máy hu rilo menuac. Taong abih dom labik tangin pan di pabah mbang jeng hu sang bac rao, uak 2 mbang yaok harei; micro di urang pato hadei di tuk pandar jeng hu mek veik piah rao, uak meng ia jru… Dahlau di nan, sang bac hu ngak bảng pasang iek tapak piah parabha janih prein yava sinh viên, tok brei dom urang hu prein yava siam mekre, khang kajap meng hu nao bac.

Sang bac ĐH Nha Trang parabha tukvak nao bac di sinh viên jeng 3 mbang karei di gauk, piah pacang caga jit Covid-19, sang bac ĐH  Nha Trang pandar pabak ginup saong njauk ka bruk prein yava, duah thau dịch tễ. Sinh viên njauk taduan trách nhiệm anak sang bac saong anak hukum negar ka bruk khan brei thau tantu cambaih laih bruk ini. Tui bruk khan njauk atau suan yau habar, sang bac meda hu dom jalan piah langyah dom urang khin padauk atau khan brei thau oh njauk di sinh viên. Lingiu di nan, dalam vaktu ini, ieu sinh viên quốc tế oh nao ngak thêm”./.

Urang lang: Mousaphuong -10/5