Pathau mikva saong taong abih gauk! Nao drak mbang puac adit hu jeng bhian randap, jeng lac bruk bui sambai di ralo bhap bini ban raya HCM urak ini. Pabak bruk ini, dak harei dak hu ralo phiên drak hu peih tabiak, abih di nyu nan lac darak phiên kaya nông hacih. Daa mikva saong taong abih gauk pang kadha vak di Hồng Thủy urang vak di rayo sap ndom VN daok di ban raya HCM, yaih khan dom mbang drak kaya nông hacih tuk camereip hu ba bui sambai ka urang blei pandar.

Hu ralo urang nội trợ cang maong dalam bilan 10 lac drak kaya nông mbang ka 5 rah tabiak meng harei 6 tal harei 10 /10/2016 di mblang bein palei bingu Gò Vấp (quận Gò Vấp). Ini lac mbang drak kayua kapul urang nông ban raya HCM, Sở ngak nông saong patagok palei pala gam saong sở công thương ban raya pambuak bruk peih tabiak yaok thun sa mbang meng thun 2013. Thun ini, mbang akaok meti drak ini hu peih tabiak 2 mbang sa thun. Hu jaik 100 đơn vị, menuac urang hu mbaok tame ngan saong 170 gian hang. Mbang drak piah daong urang nông hu labik yaih khan pandap, jeng lac tuk piah pambuak cung cầu, pambuak bruk pablei salih. Ngan saong kadha “kaya nông, pandap mbang, bingu la ban raya pambuak saong urang blei pandar” mbang drak ini hu ngak jeng 8 khu vực yau:labik parang iek bingu lan, phun kiểng; labik kaya nông, kaya ikan chế biến; labik parang iek pandap thủ công mỹ nghệ, palei ngak… Taphia dom gian hang di ban raya HCM ye dom tỉnh bhum Tây Nam Bộ, Đông Nam bộ jeng hu mbaok tame biak ralo. Saai Ba Lộc – urang nông mai meng huyện Tánh Linh, Bình Thuận brei thau, saai pataom blei durieng tasak dalam bein, puh di mikva bloh pajeng mai pablei di drak ini ngan saong hatai caong bhap bini ban raya hum bang baoh kayau hacih. Kayua jien pajeng ba biak glaong nan ye durieng di saai hu pablei yaom 80.000 đồng sa kg, yaom lac blei di bein labaih 50.000 đồng sa kg. Saai Ba Lộc khan lac:

“Adei tok caong ba hasit pandap mai ka urang mbang hu thau. Kayua ralo urang khin mbang durieng min oh khin blei di drak, daok pandap ini lac pandap hacih di glai Tánh Linh”.

Anak bruk urang nông having akaok duah labik pablei dom pandap an toàn mek hu tanut chuẩn VietGAP, GlobalGAP, daok urang blei pandar ye oh thau blei pandap an toàn di labik halei, sở ngak nông saong patagok palei pala ban raya HCM hu peih ngak iek mbang drak kaya nông piah langyah bruk pablei pandap an toàn, daong urang blei pandar thau labik pablei saong sanang hatai tuk pandar. Meng labik tok nyaom yaok bilan 2 mbang, tapa bilan 10 ini, drak kaya nông hu peih 2 adit sa mbang di nhà hang Đông Hồ angaok jalan Cao Thắng pambuak tah. Yaok mbang rah tabiak dua harei di harei car saong harei adit, meng 6 tuk tal 18 tuk. Urang blei pandar hu duah mboh di labik ini ralo pandap hu angan je yau baoh menuk ada di cong ty Ba Huân, ralo pabui di Công ty raong glang saong Chế biến pandap Bei Gon; njam patam baoh karaoh di Công ty DalatGAP saong dom Hợp tác xã Phú Lộc, Ngã Ba Giồng, Phước An…

Taphia mbang drak kaya nông an toàn kayua dom sở, ngành peih tabiak, urak ini daok hu ralo mbang draak kaya nông karei kayua doanh nghiệp atau sa đơn vị dang tabiak peih, yau mbang drak Xanh tử tế (jalan Pasteur) kayua pasak ruah duah pablei salih saong daong doanh nghiệp (BSA) peih tabiak, mbang darak Lương Nông jalan Lê Ngô Cát; mbang drak Tâm Dân, Quận 1... Saai Phan Thu Hằng, giảng viên sa sang bac Đại học di Quận 3 harei puac adit bhian nao drak Xanh tử tế saong mboh biak takre tuk langiu bruk blei pandar, saai daok hu ngak krein, ndom meyai saong saong ralo urang nông mai meng dom tỉnh:

 “Dom urang nông mai meng dom bhum palei atah yau Lâm Đồng, Bình Phước, Bến Tre, Tiền Giang…jeng mai tal ini. Yaok harei urang daok di palei min puac adit urang tagok ini piah taom gaok tuai damuai. Pandap yaom lac caik paok sơ sài min drei mai tal ini drei mboh biak sambai”.

Meyah pandap di mbang drak kaya nông kayua gah ngak nông peih tabiaak njauk tapa 2 vòng pasang iek: di labik sản xuất saong dahlau tuk tame drak ye chất lượng, asal pandap pablei di dom mbang drak ini hu padang tagok meng hatai jia di urang blei pandar saong urang pablei. Tuai damuai blei pandap tuk camereip lac ayut  sahabat, gauk gar, meng nan khan ka ralo urang karei thau piah mai blei. Min, bruk blei – pablei meng hatai jia ini jeng daok hu oh takik nguy cơ. Lambaok công ty Khang Cường, đơn vị điều phối drak Lương nông, jalan Hai Bà Trưng, Quận 3, brei thau, bruk oh ka pasang iek hu chất lượng nguồn pandap jeng lac makna ngak ka mbang drak ini oh ka peih praong hu.

“Ini oh lac daong labik saoh bo công ty hu dang tabiak ngak cơ chế hoạt động. Praong di abih lac pasang iek hu chất lượng saong tuk halei peih ngak hu siam ye meng peih praong. Urak ini tok di ngak tui cam kết hong gauk min”.

Meng bruk pachreih tui di urang blei pandar jeng yau bruk kham merat di dom mban, ngành chức năng, caong khin dak harei dak hu ralo mbang drak an toàn, ba mai kein laba ka urang blei pandar saong gah sản xuất. Min, bruk praong lac brei tui iek meng tukvak sản xuất piah tuk kaya nông tal dom drak jeng lac pandap an toàn./.