Pathau mikva saong taong abih gauk! Yaok thun, tuk tame thun bac bahrau, dom amaik ame jeng mboh having akaok kayua sang bac mek rilo janih jien. Duh hatai, glaih glar min dom amaik ame jeng oh ndom hagait kayua huac anek drei gaok kan kandah kayua ngak karei jang ayut sahabat dalam tal bac. Ralo urang sahneng lac “Urak ini nao họp phụ huynh…tok lac piah đóng jien?”. Kadha vak hadei ini di Mỹ Dung, urang vak di rayo sap ndom VN daok di ban raya Hồ Chí Minh brei thau ka bruk ini. Daa mikva saong taong abih gauk tui pang:

Tamat mbang họp akaok thun di sang bac anek kamei drei daok tui bac di quận Bình Tân, saai Anh suak yava praong tuk maong tame bảng kê tạm thu. Oh ka ndom talrilo khoản thu karei, eng 4 khoản thu pambuak tal bruk bac sap anh di anek ngak ka saai oh njauk hatai. Lingiu di jien Anh văn tăng cường, sang bac  daok hu khoản thu: Anh văn bổ trợ, Anh văn bản ngữ saong sổ học bạ Anh văn. Yaom lac jien nan oh biak glaong min saai mboh lac, sa anek saih tiểu học njauk bac biak ralo janih Anh văn yau nan halei oh?

Pandik hatai jang saai Anh, barau ini, sa urang ame karei daok di quận 1 dang tagok phản đối ka dom khoản thu akaok thun pak dalam mbang họp saong gru chủ nhiệm. Tui phụ huynh ini, sang bac mek biak ralo khoản vô lý saong oh thuyết phục hong yaom jien oh lac sit. Oh ka kuhria tal jien học phí, barau akaok thun urang ame ini đóng tal jaik 3 triệu đồng ka dom khoản thu phụ di anek drei. Bruk ngak ka saai bức xúc jang lac taong abih khoản thu jeng oh hu phiếu bo tok nộp jien blaoh mbaoh tangin tame danh sách. Urang phụ huynh ini suak yava praong lac:

 “Sang bac tok thau phụ thu. Yaok mbang nao họp lac Ban Đại diện amaik ame anek saih phụ thu. Meda lac urak ini nao họp amaik ame ralo meng lac piah đóng jien. Saong hu ralo khoản thu talap nao talap mai yau nan”.

Jien mac li-ar, jien pala phun kayau dalam mblang sang bac dom thun bac bloh jeng lac bruk biak huac ngan saong sa phụ huynh hu jien mek tame biar yau saai Nga, daok di quận 6. Saai brei thau, thun halei jeng yau nan, tal akaok thun lac sang bac ieu amaik ame đóng jien blei ini blei daih. Min mbiah tal urak ini mblang sang bac tok hu dom phun kayau hijao, anek saih jeng daok me-in langiu pandiak. Pandik hatai min oh ngak hagait hu, saai Nga mboh chán nản:

“Nao họp phụ huynh akaok thun, tuk gru pato vak dom khoản thu angaok bảng lac dahlak mboh glaih glar. Hu dom khoản oh njauk mek min urang jeng khin phụ huynh đóng. Meng thun ini tapa thun daih oh mboh sang bac hu hagait salih barau bo jien jeng daok đóng, phụ huynh yau dahlak mboh oh daok jia tame sang bac tra. Dahlak saneng oh thau jien nan urang mek piah ngak hagait”.

Di dom ban praong yau ban raya HCM, tukvak jaik di ini, bruk mek rilo janih jien daok hu mboh di ralo sang bac, abih di nyu nan lac pakat tiểu học. Tui amuk Lê Thị Ngọc Nhẫn, Phó akaok Viện Khoa học pato megru Nam Việt, bruk ini mai meng dom sang bac lạm dụng bruk xã hội hóa pato megru. Meng rilo thun ini mai, kadung jien padang ngak cơ sở vật chất di sang bac oh daok mek tra. Kayua yau nan ye, ngan saong dom hạng mục pasiam veik praong atau ngak barau, dom sang bac ngak đề án pok takok pakat angaok likau jien ngak. Dom bruk pasiam veik sit yau quét vôi, blei bàn gaiy, trang thiết bị…. ye oh pandar kadung jien karja. Jien ini bhian hu peih ngak tui jalan xã hội hóa saong jalan bo ralo sang bac palih ruah lac ieu bruk rik daong di amaik ame anek saih. Min, meyah yaok bruk hu ngak mbiah ye oh ngak ka ralo amaik ame bức xúc tal yau nan. Amuk Lê Thị Ngọc Nhẫn langyah: 

 “Hu dom bruk ieu lac biến tướng dalam tukvak ba tabiak dom sarak piah mek jien. Gaok tuk urang lợi dụng mBan lambaok amaik ame anek saih pok sap biai ieu mek jien. Bruk ini oh njauk. Kadung jien mban lambaok amaik ame anek saih lac piah duh ka anek saih. Daok meyah mek jien nan duk ka gru pato, ka sang bac ye jeng oh njauk”.

Kadung jien mban lambaok amaik ame anek saih hu mek piah daong siam abih ka bruk bac daa, sinh hoạt di anek saih dalam sang bac. Kadung jien ini meda hu ngak jeng jien bac, tapuk siphau, khan ao piah daong ka anek saih kan kathaot atau piah padang dom đội tuyển ilamu, thể thao di anek saih. Yau nan, tuk kadung jien pandar sung jalan ba tabiak, amaik ame di anek saih pok sap phản đối lac bruk mbuan thau./.