Ralo urang saneng lac nao kabak ralo nyu siam ka pren yava, min dom chuyên gia cơ xương khớp mboh lac meda mbuan njauk  thoái hóa khớp ta-uk. Khaol drei duah thau tapa kadha vak angak harak báo Khoa học saong đời sống, tapa kadha “Urang iek ruak” harei ini.

Thoái hóa khớp lac ruak bhian gaok dalam dom janih ruak gah khớp. Ruak ini tagok tui thun umo,tui tukvak, saong tui bruk ngak. Dalam nan, thoái hóa khớp ta-uk bhian mboh ralo di abih, kayua khớp ta-uk nan lac khớp ndoa naong, nyu ảnh hưởng ralo meng bruk ngak saong dom bhian randap dalam sinh hoạt. Tỷ lệ thoái hóa khớp ta-uk tok hu jaik 5% di urang likei saong urang kamei umo ala 26 thun min nyu tagok samar di umo meng 27-45 (jaik 20%); daok umo meng 46- 60 ye hu tal 50%.

Giáo sư, tiến sĩ Trần Ngọc Ân, urang dang akaok HộiThấp khớp học Việt Nam brei thau, ralo urang saneng lac nao kabak ralo nyu siam ka pren yava bo oh thau nao kabak biak ralo lac sa dalam dom makna ba tal thoái hóa khớp ta-uk. Dom bruk ngak yau bhian veih pandap biak trak, dang lavik (labaih 2 tuk yaok harei), nao kabak labaih 3 km yaok harei... meda mbuan ba tal thoái hóa khớp ta-uk. Langiu di nan, dom urang ngak bruk dui atah labaih 8 tuk sa  harei; bruk ngak njauk cakon naong ralo, dang lavik ralo tuk dalam harei; nao kabak biak ralo, oh njauk phương pháp... jeng mbuan ba tal thoái hóa khớp ta-uk glaong jang urang karei.

Tuk njauk thoái hóa khớp ta-uk, urang ruak bhian gaok dom mbang pandik biak kan daok. Kayua yau nan ye, dom chuyên gia kakei lac njauk ramik veik tukvak ngak bruk, sinh hoạt, pathram ma-in ka nyu laghaih piah trun bruk mbuan ba tal thoái hóa khớp.

Nao kabak brei njauk tui yaok umo, tui pren yava, saneng kuhria njauk nao hadom dalam sa harei lac ginup. Urang taha umo 60-70 thun tok nao kabak meng 30-45 minit yaok harei. Urang daok ranaih meda nao kabak suai jang min oh tapa 3 km yaok harei. Njauk caik hatai palih ruah takhaok brei ka tuk nao kabak, nduac. Dahlau di tuk nao kabak, njauk hu 5-10 minit khởi động piah ngak pandiak dom khớp. Ngan haong urang prong thun, juak radaih, caluai aia meda siam jang nao kabak, khớp oh naong trak abih rup babhap.

Meyah mboh pandik khớp ta-uk tuk salih tư thế, mehit sap merao lục khục tuk megei khớp, khang khớp, pandik khớp ta-uk, nao mai mblenh mblang… njauk nao khám bác sỹ chuyên khoa./.