Pathau mikva saong taong abih gauk! Néang Kunh Thia urak ini daok ngak bruk di pasak ilamu huyện Tri Tôn, tỉnh An Giang; lac urang dang akaok dalam bruk daoh tamia dalam palei. Lingiu bruk biên đạo, dàn dựng danak dak, Kunh Thia daok parang me-in hu rilo janih nghệ thuật di bangsa drei yau: daoh Dì kê daok ieu lac Chằm riêng chà pây… Ngọc Tươi, urang vak di Rayo sap ndom Việt Nam daok di bhum taneran kraong CL hu kadha vak yaih khan ka urang kumei nghệ sĩ daok ranaih umo naih gheih ini. Da-a mikva saong taong abih gauk tui pang.

 Néang Kunh Thia daok di xã Ô Lâm, huyện Tri Tôn, thun ini umo 29 thun. Yaom lac daok ranaih umo min Kunh Thia hu rilo rik daong ka bruk daoh tamia di palei. Lac anek di nghệ nhân Chau Men Sa Rây saong nghệ nhân ưu tú Néang Ok dane angan bhum Bảy Núi, Kunh Thia brei mboh năng khiếu nghệ thuật meng sit. Umo 14 thun, Kunh Thia hu mbaok agaok sân khấu me-in Dì kê – sa janih nghệ thuật bhap bini Khmer.

Bruk lagaih di Kunh Thia lac hu daok dalam sang hu amaik ame ngak nghệ thuật gam saong hatai takre di anai. Nghệ nhân Chau Men Sa Rây brei thau: Sang ong khin rik daong khik ramik saong cakrok patagok nghệ thuật meng kan di bangsa, tuk halei jeng pachreih anek bhik pataom mbaok tame. Mboh Kunh Thia meng sit takre daoh tamia, diuk pasang ong kham merat tacei pato veik dom ilamu di drei dalam bruk daoh Dì kê, Kunh Thia bac tui biak samar, ngak ka ong mboh biak njauk hatai:

Dahlak bui sambai lo tuk hu anek kumei lac Kunh Thia tui jalan ilamu di bagsa, dahlak caik hatai caong tame anek, bloh kham merat pato  daoh, pato tamia dalam nghệ thuật sân khấu Dì kê ka rai hadei. Dahlak bui sambai lo kayua anek di drei hu rik pren ka gah nghệ thuật.

Lingiu bruk me-in siam Dì kê, Néang Kunh Thia daok me-in hu rilo janih nghệ thuật karei di bangsa drei. Anai hu sap daoh yamen li-an tapa dom kadha daoh bhap bini meng kan. Abih di nyu nan lac, Kunh Thia daok me-in hu nghệ thuật Chằm riêng chà pây – lac janih daok jaik si lihik nao, hu mintri Ilamu Thể thao saong Du lịch pok brei angan lac Inem krung ilamu phi vật thể di negar thun 2013.

Néang Kunh Thia hu mbaok tame rilo mbang pakacah saong taduan hu rilo harak meyaom. Dalam nan njauk ndom tal Giải vàng di Harei pataom Nghệ thuật Sân khấu Dù Kê Khmer Nam Bộ mbang ka 1 - thun 2013 di Sóc Trăng saong vai “Néang Tiêu” dalam vở “Chuyện tình Tum Tiêu”; giải A di harei pataom ilamu, Thể thao saong Du lịch bhap bini Khmer tỉnh An Giang thun 2017. Néang Kunh Thia brei thau, anak tal daok tui bruk takre daoh tamia di drei:

Drei ndih tapui tabiak dalam sa baoh sang ngak nghệ thuật, nyu njom tame ralo darah di drei, drei njauk khik mek nyu. Meng sit mboh drei takre daoh tamia, meda me-in hu dì kê, dù kê. Drei caong thau rilo jang, yau ye caong thau alat ragam mengkan.

Brei thau ka bruk rik daong di Néang Kunh Thia dalam dom bruk daoh tamia di palei, ông Chau Sóc Phai, urangjakar ilamu xã Ô Lâm brei thau:

Kunh Thia daok biak sangka tal bruk khik ramik saong patagok nghệ thuật Chầm riêng chà pây, anai hu taong yaom glaong, dang ka I, ka II dalam khóa bac ka Cham riêng chà pây di palei. Tui dahlak mboh, Kunh Thia oh lac paik capi hu, daoh hu bo daok sáng tác hu tra.

Lingiu di nan, Kunh Thia daok hu rilo rik daong ka labik anai daok ngak bruk, tapa bruk biên đạo, dàn dựng domdanak dak daoh tamia piah đơn vị nao parang me-in dalam saong lingiu tỉnh. Ong Cao Tấn Thảo, Phó giám đốc Pasak ilamu huyện Tri Tôn lac:

  “Njauk lac Kunh Thia baik naih joi, oh lac dalam bruk daoh tamia di huyện bo tỉnh jeng bhian da-a anai nao hu mbaok dalam dom mbang pataom pakacah praong di khu vực, di negar. Lingiu daoh tamia, Neang Kunh Thia daok ngak biên đạo, dàn dựng danak dak ka dom cơ quan, ban ngành dalam huyện saong tỉnh. Anak tal, đơn vị jeng daok kuhria pato ka Kunh Thia nao njauk bruk di drei nan lac biên đạo múa”.

        Meng dom kham merat dalam bruk ilamu, daoh tamia, caong lac dahlah pui takre nghệ thuật daok khuah miat dalam hatai nghệ sĩ Néang Kunh Thia. Piah tapa nan, rik daong khik ramik saong patagok ilamu nghệ thuật meng kan di bangsa Khmer dalam ilamu Việt Nam mbak carak ilamu bangsa./.