Labik rivang main ka tuai negar langiu brei hacih mekre 

Labik ar  pacang khu phố 3, phường Phú Hài, ban sit  Phan Thiết urak ni hu jaik  100 boh sang, rilo meng nao tasik. Rilo thun tapa, rai duik di menuac sia pak ini gaok srau kadau kayua bruk nerak alam  môi trường meng hareik nerak. Rah tui ar pacang, hareik pataom jeng mbuk, atah yaok rituh mét, meng thun ni tapa thun deih min oh hu langyah, ngak ka  langik pak ni biak mbau  kan suah yava. Meng hareik pandar yau:  phui, khan aow tahak, kapan khaghaiy khut, kadung nilon tal pandap tong ikan, pandap piah ngak kaya ikan hu pandar bloh … tong abih jeng hu prah trun tasik. Lingiu di nan, ia rao kaya ikan di dom labik mbang menyum tapen tasik jeng hu tuh tapak trun krong, ba tal mbau bruk, mbau  hanye.

Dok di ban sit  Phan Rí Cửa, huyện Tuy Phong, yaom lac karja kham merat pathau khan min hareik kandong veik jeng  dok biak rilo, abih di nyu nan lac di labik tapen tasik  song ar pacang bến Đò. Oh lac di  Phan Rí Cửa saoh, bo dom  xã tapen tasik karei karei yau  Chí Công, Phước Thể… bruk hareik nerak bak tapen tasik dok hu biak rilo jang .

Bruk nerak alam môi trường tapen tasik jeng hu mboh rilo thun ini mai  di  xã Vĩnh Tân, Vĩnh Hảo, huyện Tuy Phong. Rilo po danao hadang  mek ia meng tasik  song ia taba meng bingun kuac tapen ar piah rong hadang. Min, jaik abih dom po danao hadang jeng oh hu jalan tathuak ia nerak, nan ye ia nerak dalam tuk rong song hadei di tuk ngak hacih saat danao hadang hu tathuak tapak tabiak tasik, ngak jhak tal alam môi trường.

Hareik nerak tapen tasik jeng  ngak ka bruk du lịch di tỉnh Bình Thuận gaok kan kandah oh sit. Tuk tal bilan hangin, hareik meng langiu tasik siek tame tapen ar, ngak ka rilo mblang tasik mekre jeng kanyah jhak, oh takik tuai damuai oh njauk hatai tuk mai rivang main, du lịch, menei ia tasik.

Dalam rilo mbang nyaom, urang pal akaok UB bhap bini  tỉnh hu ndom lac: Bình Thuậnthau lac bruk ngak mbang tasik lac jalan ngak mbang praong dang akaok, daong palagaih saong pachreih urang tong ikan ngak kapan bahrau, prong piah tabiak tasik atah, peih prong taneh rong pala kaya ikan.. Min di dom xã tapen tasik, bruk khik ramik pacang caga alam  môi trường bhum tapen tasik oh ka hu sangka tal labik tal dhua.

Piah langyah bruk ni, UBND tỉnh Bình Thuận hu rilo harak tacei pato dom puk palei patagok bruk tabiak langyah, pataom mek hareik angaok tasik, abih di nyu nan lac hareik  thải nhựa, rik dong patrun bruk nerak  alam môi trường. Taphia di nan, brei patagok bruk pathau khan piah paglong hatai sahneng di bhap bini, ngak njauk tui bruk ba tabiak di adat hukum, oh klaak hareik ban glai ban klo./.

Urang lang: Hanipha -5/8