Ngak brei salih barau meng bruk ba trí thức ranaih umo mai cơ sở

Ngak tui bruk ba trí thức ranaih umo mai cơ sở di tỉnh Bạc Liêu, labaih 300 trí thức ranaih umo pilih ruah meng dom sinh viên bac tamat blaoh đại học hu ba nao ngak bruk di cơ sở hu pabak ka dom xã, phường, ban sit dom urang jakar hu ilamu, rik daong ngak jeng bruk salih barau.

Saai Chành Đa (ndih tapui thun 1983, bangsa Khmer), Phó akoak uy mban bhapbini xã Lộc Ninh (huyện Hồng Dân) hu brei mboh bruk tiến bộ, trưởng thành biak samal. Bac tamat bác sĩ gah Thú y sang bac Đại học Cần Thơ, mai ngak bruk di uy mban bhapbini xã Lộc Ninh meng thun 2008 ngan saong bruk ngak lac urang jakar iek gah thú y; thun 2010 saai hu tame Đảng, thun 2011 hu pok brei ngak Phó akaok uy mban bhapbini xã iek gah ilimo - xã hội. Lac urang puk palei,  abih hatai saong bruk ngak, tari tarieng, saai Chành Đa lac sa mẫu hình urang jakar ranaih umo bo bruk pachreih trí thức ranaih umo thun mai ngak bruk di cơ sở pamaong tal.

Bruk ba trí thức ranaih umo thun mai ngak urang jakar cơ sở hu ba mai siam lagaih, min meng bruk di puk palei brei mboh jeng daok hu dom cuang kandah, tavak tavaiy. Meng thun 2009 tal ini, huyện Đông Hải taduan mek hu 64 trí thức ranaih umo bac tamat đại học mai ngak bruk di dom xã, thị trấn, min urak ini tok daok 50 urang daok ngak bruk di cơ sở, hu 2 sinh viên ba tagok huyện, dom urang daok veik atau ba nao ngak bruk karei atau padheih ngak bruk kayua oh ngak hu bruk jao brei. Kan kandah urak ini lac bruk tavak tavaiy dalam chế độ, sarak, abih di nyu nan lac điều kiện vật chất di dom xã daok kurang, ngak kan kandah oh sit tal bruk ngak di trí thức ranaih umo.

Dalam tuk nan, hu urang oh ka hu parabha bruk ngak njauk haong  ilamu di drei, yau nan ye oh ka patagok hu năng lực saong trình độ chuyên môn. Taphia dom kan kandah yau Đông Hải, di rilo puk palei dalam tỉnh, bruk parabha trí thức ranaih umo mai tapak xã, phường, ban sit ngak bruk oh tapa tukvak tập sự di dom gah chuyên môn, lac sa cuang kandah praong ka dom trí thức ranaih umo oh ka hu ilamu meng bruk ngak. Bruk pasram megru paglaong ilamu, chính trị ka trí thức ranaih umo jeng hu rilo libik ndom lac njauk ngak dahlau di tuk ba trí thức ranaih umo mai ngak bruk di cơ sở.

    Tukvak tal, bruk pilih ruah trí thức ranaih umo di Bạc Liêu kayua Hội đồng pilih ruah di tỉnh peih ngak, hadei di nan meda parabha mai ka dom huyện, ban sit. Urang hu pilih ruah lac sinh viên bac tamat đại học chính quy, thạc sỹ. Dom urang bac tamat hệ tại chức loại giỏi jeng hu pilih ruah. Hội đồng pilih ruah meda hu bruk phỏng vấn akoak mereip piah brei bruk ngak ka njauk. Trí thức ranaih umo hu pasriam kỹ năng saong bac tamat trung cấp chính trị dahlau si tame ngak bruk .

    Trí thức ranaih umo tui năng lực, biểu hiện hu pato ngak urang dang akoak, công chức cơ sở atau pabak urang jakar chuyên môn ka ngành tỉnh, huyện. Ban Thường vụ Tỉnh ủy Bạc Liêu caik chỉ tiêu kham merat tal thun 2020 yaok xã, phường, ban sit hu 8 - 10 trí thức ranaih umo; hu 80% trí thức ranaih umo ngak bruk di xã, phường, ban sit hu tuyển tame công chức cơ sở, brei ngak urang jakar chuyên trách, oh chuyên trách. Ini meda lac dom urang jakar dang akaok, urang jakar chuyên môn di harei hadei./.

Thúy Linh